最近巴士公司網上編輯爆seed話啲人:「清潔又點?都冇公德心嘅。」我真心認同呢樣嘢!但其實唔好賴晒大陸人,香港人都唔小嘢,有好多都真係幾冇公德心囉!

圖片來源:新傳媒資料室、[email protected]

機上清脆嘅聲音

咁某日喺客艙行緊,無啦啦聽到好清脆嘅「啪啪聲」嘅 (唔係嗰種啊),咁就周圍望下啦,我X!!!

係一個五十幾歲嘅香港阿叔除咗對鞋,棟起隻腳喺張椅上,然後好似喺屋企咁樣,忘我地剪腳趾甲!

清潔又點?都冇公德心嘅

我:「先生,或者你介唔介意去洗手間剪呢?因為咁樣會影響到其他乘客嘅。」

阿叔:「吓?仲有兩隻咋!」 繼續剪……

我:「因為你啲腳趾甲彈到人啊!有人投訴你唔衛生啊!」

阿叔:「唓!咁我執番咪得囉!」

唉!救命呀!點解啲人可以咁hihi,完全冇公德心㗎喎!可唔可以用「公眾地方行為不檢」拉佢去坐監啊?

有時候落咗機之後,見到個客艙好似打完仗咁樣,我都會同負責清潔嘅哥哥姐姐講句「辛苦晒」,如果每個人都有多一點點公德心的話,相信呢個世界會更美好!

下一頁:夜機的4D衝擊|長途機噩夢 後座冇品乘客嘔心行為!