【揀士多啤梨】又踏入士多啤梨季節,香港果欄及日式超市都放滿不同品種及產地的日本士多啤梨,究竟好食的士多啤梨有冇樣睇呢?日本電視節目《相葉マナブ》請來了超高級的水果老店「銀座千疋屋」的買手來教大家揀靚的士多啤梨,以及保存士多啤梨的方法,快啲偷師先!

撰文:主場・日本|圖片:電視截圖

「銀座千疋屋」買手教路 揀士多啤梨

最近在日本行超市,已經看見士多啤梨開始出爐,日本電視節目《相葉マナブ》請來了超高級的水果老店「銀座千疋屋」的買手來教大家揀靚的士多啤梨。

揀士多啤梨
「銀座千疋屋」採購部總管石部一保先生。

貼士1:睇士多啤梨蒂

大家估下,兩粒士多啤梨之中,邊粒好食啲?石部先生教路,揀士多啤梨首先要睇的位置是蒂部。

揀士多啤梨
睇賣相,兩者其實分別不大!

揀士多啤梨
兩者最大的分別是,A的蒂是向上,B則是向下的。

揀士多啤梨
答案是A。士多啤梨蒂向上的,比較好味!

揀士多啤梨
美味的士多啤梨,就連蒂部都可以儲到水分,所以蒂部會「向上」!

貼士2:「脹爆」士多啤梨特別甜?!

大家又估下,兩粒士多啤梨之中,邊粒甜啲?究竟是常見尖頭的,還是「畸形」樣貌唔完美的?

揀士多啤梨
A是一般常見「面尖尖」的士多啤梨,B是底部有多個「下巴」的。

揀士多啤梨
正確答案是B,「脹爆」士多啤梨。

揀士多啤梨
士多啤梨是由底部開始熟,亦是由底部開始慢慢變紅色,所以「士多啤梨尖」的養分最多又最甜。

揀士多啤梨
底部有多個「下巴」的士多啤梨,代表養分「多到爆炸」,即是非常甜!

貼士3:士多啤梨不應放雪櫃

雖然香港人都喜歡將水果放在雪櫃內保存,又或是喜將水果雪凍才吃,但原來,士多啤梨是不應放在雪櫃內的。

揀士多啤梨
「水果最大的敵人,是水滴!」

揀士多啤梨
特別是士多啤梨,因為皮薄,太凍的話,很易冷傷,所以不宜放入雪櫃!

揀士多啤梨
最好的保存方法,是用報紙包好,再放入雪櫃的蔬菜格內。

相關文章