Do姐再Shopping》今晚播到第四集,由東京飛到北海道,集集都笑唔斷氣,但相信觀眾係唔會夠喉的。TVB放了不少東京部分絕密未曝光、冇喺電視播過的片段,比節目更加爆笑,一齊睇下精選笑位啦!

文:Cynthia|圖:TVB

01|《Do姐再Shopping》 陸永唔食「涼嘢」

第三集《Do姐》去到夕張食蜜瓜,Do姐就打算帶大家再試試富良野嘅蜜瓜,點知係咁畀Do姐埋怨投蜜瓜太高價嘅陸永就嬲豬,發脾氣話「我唔食涼嘢㗎!」笑到Do姐嘢都講唔到!

陸永擺擺手,表示自己唔想食「涼嘢」。

笑到Do姐嘢都講唔到!

02|Do姐玩體罰 大膽Kiss陸永

陸永串完Do姐唔食涼嘢之後,Do姐就話會「體罰」陸永,C君隨即聯想到,唔通體罰就係要錫陸永?Do姐果然夠霸氣!

聽到Do姐「錫錫」做體罰,陸永嚇到噴汁!

延伸閱讀:陸永:「Do姐係分明係冧我!」10大爆笑金句回顧

聽到之後不停抹嘴,唔通佢內心其實好期待?

03|Do姐專用「防狼絲襪」

第一集《Do姐再Shopping》去到專賣山系用品的MORIPARK Outdoor Village ,4人大行日本高質山系用品,可以防水防UV防風,其中一條褲透明到好似絲襪咁,Do姐就好好奇係同來防咩?陸永妙回:「只要Do姐著咗,就可以防狼!」但Do姐就反而想買畀陸永著,唔通Do姐咁重口味⋯⋯

Do姐再Shopping
Do姐專用絲襪,著咗可以防狼!

Do姐再Shopping
Do姐睇得咁認真,原來係陸永著畀佢睇!

04|C君自爆 奴隸起家

去到介紹做outdoor爐具起家的品牌,C君突然回想起自己的身世,一時感性起來,大爆:「人哋係做爐具起家,我就做奴隸起家!」聞者傷心,Do姐聽到都忍唔住「嘖」咗佢一聲!

Do姐再Shopping
望住啲爐具,C君一時感懷身世。

Do姐再Shopping
C君又講爛Gag,Do姐一臉嫌棄!

05|Do姐「量子力學」教煮食!

Shopping完後,Do姐再帶大家去試戶外都可以煮到的美食,被翠如問到和牛點整時,擁有大智慧的Do姐講解教學:「總之我就整到啦!」農夫即時和應狠批翠如:「你咩都問嘅,不如問下量子力學!」

Do姐再Shopping
和牛都可以戶外整到,翠如好驚訝地問教學!

Do姐再Shopping
Do姐妙回引得大家大笑。

06|C君用pie計直徑

最後的甜品apple pie 賣相吸引,Do姐仲教大家點整。「首先要有apple,之後再有pie,成個就係apple pie!」C君雖然奴隸出身,都讀過下書,即刻聯想到「有PIE(π) 就可以計直徑」,果然好聰明!

Do姐再Shopping
Do姐教煮餸:apple+pie=apple pie。

Do姐再Shopping
C君即時展示自己小學時學過的知識!

仲未笑夠?一於睇埋原片:

延伸閱讀:《Do姐再Shopping》第四集|爆笑重溫:農夫Do姐齊跳鈣質舞