話咁快已經去到節目尾聲, 農夫 英國留學體驗即將完結,陸永C君當然想把握機會用盡每一分鐘做甩繩馬騮。可惜監製唔放過佢哋,最後都捉咗佢哋繼續「訓練」,帆船、壁球、木工堂樣樣齊,體力勞動令佢哋差點崩潰!不過農夫聽到有畢業禮就即刻開心晒,監製仲安排Do姐以神秘嘉賓身分出場送上驚喜,見到娘娘親自出馬,佢哋當然立即賣口乖,C君仲話:「She is my mom!」

01| 傳統壁球 打到嗌交收場?!

農夫跟副校長學玩英國傳統高尚學府盛行的另類球類運動,兩隻嘩鬼話似雙手取代球拍進行的壁球運動。陸永手長腳長,獲副校長激讚「huge potential」,仲話C君得「good」好唔OK!C君也不甘示弱,跟陸永大打「口水戰」,火花四濺!   

02| 怕水C君:「我好驚沉船!」

之後去玩帆船,農夫睇到已經面青青,因為C君好怕水,心諗:「呢度係海嚟呀!沉船反艇我死梗喎!」不過為了節目,當然一定要挑戰,眼見同學仔在海中輕鬆示範「翻艇自救」的方法,佢哋有冇膽量試呢?

03| 鋸木上堂 農夫終於有成就感

農夫最後一天的課程還包括木工堂,學製鎖匙扣。二人萬分專注,發揮鋸木技巧,原來佢哋中學時期都有上過D&T堂,難怪鋸木時有板有眼,老師都讚啦!C君仲話:「搵番久違的成就感!」

04| Do姐現身! C君當眾認生母

Do姐雖然成日鬧農夫,但其實十分愛錫佢哋,今次她特登飛往英國,以神秘嘉賓身分出席校方和同學們為農夫準備的歡送會,嚇到農夫一嗌:「好surprise!」佢哋仲收到由校方頒發「非一般」獎項,最後更難得正經,分享10天的留學感受。

去片:C君英語笑話合輯