《嘩鬼上學去之農夫篇》播映完畢,短短10日留學生活,愈到後尾愈好笑。(Do姐出現當然係驚喜啦!)陸永同C君示範英語棟篤笑,又教同學唱〈12隻恐龍去野餐〉,成班中小學生被佢哋玩到氹氹轉,不過幕前好好笑,幕後停機時會唔會係只齋玩手機?今次幫大家追問監製獨家爆料,原來笑料係咁樣度出嚟。

Q1 | 農夫係亂咁講即場爆肚,定係事前諗gags?

節目咁好笑,監製就話其實70%係roll機前已經傾好,所以拍攝場景其實有set up。不過佢自己就覺得另外30%即場爆肚其實更好笑,就如試校服時,佢哋係預計嬸嬸會突然叫佢哋自我介紹,好彩C君陸永轉數快,即刻答到Andy Lau同Jackie Chan,場面好好笑!監製最多謝佢哋係,有時度咗橋但唔好笑,佢哋即場爆肚都救得番,實在好厲害!

拍攝團隊其實只有5個人,所以諗橋好多時都要農夫幫手,不過監製大讚佢哋兩個投入度高!

即場爆肚話自己係Andy Lau同Jackie Chan,監製話係當日最無厘頭但好好笑的場面。

Q2 | 惡搞同學 英語結拜、唱廣東兒歌!

五集節目入面,第四集兩人跟同學的互動最為惹笑,尤其C君的演出最受網民讚好!

Q3 | 惡搞老師 真係嬲咗!

不少網民都話第一集,農夫惡搞老師實在冇大冇細!唔知老師有冇嬲?其實9成老師、舍監和同學仔都好鍾意佢哋,不過上堂時,拉丁文老師同美術老師對於佢哋惡搞都畀唔到反應,而且真係有啲嬲,好彩佢哋兩個識做,即刻哄番老師,而且發揮搞笑功力,場面先唔怕太尷尬!其餘時間農夫同朋友仔都相處融洽,臨走時同學仔都好唔捨得!

玩到咁,我係老師都嬲吧!

因為事前有溝通,老師拍攝時其實已經盡量唔黑面,開心講解。

但示範時依然忍唔住有少少黑面。

下一頁:最後一集!Do 姐登場,點解農夫咁冧豬?!


番外篇:校長都唔放過,照玩!