如果想睇決裂行程,真係要留意廢青「腦細」林日曦對決建制元秋蔣麗芸!今次首爾之旅,林日曦發起「絕不對話」實驗,兩人溝通都靠工作人員傳達,火藥味十足!viu_seoul00

廢青集中營《100毛》領袖林日曦VS 建制派議員蔣麗芸。林曾於電台節目憑歌寄意,點唱一首《話你戇鳩怕你嬲》送贈蔣,旗下刊物更經常將蔣麗芸惡搞。二人從未見面,首次相見,蔣議員抱住居高臨下「同後生仔交流溝通」的態度;林日曦就堅持係一場「工幹」以及「社會實驗」;可能大家都去過首爾好幾次,節目帶畀大家嘅韓國旅遊體驗,其實都幾另類:

【01 】| 布帳馬車포장마차 韓燒訪問偽韓妹真港女

蔣議員因為要閱兵遲join,腦細先同幾個身在首爾工作假期的女生食宵夜,氣氛十分融洽。

viu03_09viu_seoul01

地址: 鐘路3街(1號/3號線 13號出口)

【02】| 正式會面,拒絕對話實驗啟動

作為一個不理常規嘅「腦細」林日曦堅持唔同蔣麗芸對話,認為是一個社會實驗,「透過中間人傳譯,可以免除好多語氣、身份、地位等等不必要的顧慮」,嘗試將人與人的傳訊方式完全「淨化」,不過似乎連駐韓的香港翻譯小姐都唔係好了解用意所在。
viu_translate02蔣議員就更加表示不能理解,嘗試衝前同林日曦打招呼,不過「腦細」立刻保持拒離並呼召翻譯做中間人。
viu_translate03

最後因為蔣議員又搬出「我好願意同後生仔溝通」的套路,聽到林日曦頭都側埋,即時走人!並要求分開車前往下一個景點。viu_translate01

【03】| 上影樓!影韓式見工相

去到影樓,考慮到工作人員都好難做,林日曦罕有妥協同場及合照,化晒妝影見工相,不過對於「影樓執相」執到唔似自己就有好強烈意見,建議攝影師幫佢揀影到反眼的證件相,認為咁樣先係「真正嘅自己」。

viu0305
齊齊合照時依然不情不願,林日曦愛黑面絕非浪得虛名!

viu0306

viu_seoul03
幕後人員終於安排到兩位同場坐埋一齊,不過訪問過程依然係零交流,各有各說話,分享一下對於求職相片嘅睇法…

Studio HOGAM KONDAE
地址:首爾特別市 廣津區紫陽4洞 9-31地下一樓( 서울 광진구 자양4동 9-31번지 B1)

【04】|認識韓國「廢青中心」乒乓球場炒大鑊

林日曦在節目播出時同步於facebook live直播,並表示其實「花生位」唔多,預告在下集節目入面,會在乒乓球場遭蔣議員「狂噴」,似乎實驗都有一個限度,在呢一幕之後,行程基本上就要分開拍攝,負責翻譯的小姐還要兩邊走,據她的說法,今次節目係編導「忍辱負眾到極點的作品」!

viu_youthCenter
拍攝地點是韓國 Youth Center 青年地帶

viu_seoul202

YOUTH ZONE무중력지대 青年地帶
地址:首爾特別市銅雀區 大邦洞340-5( 울시 동작구 대방동340-5)

【05】| 一人卡啦OK房,秀唱歌練習場

行程繼續分開玩,各有各唱 1 人 k 房,節目內更會互贈有骨歌詞!

viu0302
viu_0301

수노래연습장
地址:首爾特別市麻浦區小橋路24徐英大厦1 樓(서울시 마포구 잔다리로 24 서영빌딩1층)

【06】| 教脫北者英文組織 – TNKR

脫北者如何面向國際社會?節目會介紹呢個義工機構,蔣議員對於林日曦友善同當地人交流表示,一臉不屑:viu_seoul201viu_NK

地址:首爾特別市永登浦區國會大路66街17, 805室(서울특별시 영등포구 국회대로66길 17, 805호)

【07】| 到訪由脫北者經營的餐廳

北店主李愛蘭為解決脫北者就業難,親自向脫北婦女傳授廚藝,而收入亦會用作支援脫北者生活及為脫北大學生提供獎學金,愛心料理美味窩心!
viu_krn

능라밥상綾羅飯桌
地址:首爾特別市鍾路區樂園洞197-1京山大廈2樓(서울특별시종로구 낙원동 197-1 경산빌딩 2 층)

 

 

下一頁:《跟住矛盾去旅行》‬ 仲有乜嘢「敵對」組合?