honeymoonwu

胡杏兒與金融才俊李乘德Philip新婚嘅報導幾乎係全城熱話,連日來社交網站差唔多都畀佢哋兩個洗版。嫁得咁幸福相信好多人都替佢高興!豪華婚姻之後當然唔少得渡蜜月,有報導指兩人會用74日嘅時間去足13個地方,展開一個「馬拉松式」嘅蜜月之旅!想知佢哋去邊啲地方渡蜜月?立即話你知!

1月3日更新/♥ 朝早9點幾,胡杏兒於ig上載機艙出發的圖片,並留言”Bye Hong Kong”

表情相當招積 :D
胡杏兒蜜月


第01站/♥札幌

報導指杏兒同老公首站會飛到日本札幌度蜜月,報導指因為Philip鍾意滑雪,杏兒亦覺得札幌環境充滿浪漫氣息,所以二人早有共識,以此為蜜月首站。壓軸仲有雪祭、札幌白色燈樹節等等。要過香港完全感受唔到嘅浪漫冬天真係話都冇咁易!

詳情請睇1月5日更新:胡杏兒蜜月滑雪首站二世古hirafu-village

sapporoski

相關閱讀:【日本】冬季限定!嚴選10個日本雪祭
尋找隱世美食! 北海道 篇(上)
尋找隱世美食! 北海道 篇(下)


第02站/♥東京

去完北海道,順便玩埋落東京shopping、食Sashimi!二人單單擺56圍酒席已花近132萬,就算去Shopping都唔使同其他遊客一齊排隊搶福袋囉!

AMAN_Tokyo

相關閱讀:【東京美食】隱世抵食!大丸千層海鮮魚生飯


第03站/♥大溪地

大溪地?大家係咪即刻諗起歌手官恩娜呢?其實大溪地位於南太平洋東部,係法屬玻里尼西亞向風群島上最大嘅島嶼,上面有好多靚Resort,比起滿佈強國客的馬爾代夫,係更加隱秘嘅蜜月渡假聖地~解放拍多輯泳裝閃光彈都無問題 :D

Tahiti_honeymoon

相關閱讀:大溪地-只屬於愛情嘅聖地!


第04站/♥新西蘭

新西蘭擁有自然嘅優美環境,再加上分開各有特色嘅南島同北島,既有天然環境又可以感受戶外活動例如SkyDive咁,真係一舉兩得呀!

honeymoon_nz

相關閱讀:【玩命新西蘭】萬五呎SkyDive直擊潮文


第05站/♥洛杉磯

由南半球轉飛去洛杉磯L.A. 一定唔少得各大出名嘅遊樂園:環球影城、迪士尼樂園、六旗魔術山等等。仲有荷里活星光大道、數不盡嘅博物館美術館……玩幾多日都唔夠喉!
themepark_honeymoon


第06站/♥ 紐約

2月去紐約,仲係過梗冬,無論攬住老公企喺帝國大廈上飽覽一望無際嘅高樓大廈,定係世界各國嘅名牌旗艦店shopping ,或者喺百老匯劇院睇返場世界一流嘅音樂劇都一定滿足到你!
nwHoneymoon


wu_honeymoon

下一頁:轉飛歐洲留廿日、由老公留學嘅英國玩起

第07站/♥倫敦

遊泰晤士河,然後去倫敦眼London Eye,仲有塔橋、大笨鐘、西敏寺教堂……呢啲老土嘢,對於新婚嘅藝人嚟講未必會做,事關除咗老公Philip早年在英國留學堪稱地膽,胡杏兒亦喺拍攝《衝上雲宵2》時去過取景,相信二人都會有唔少私房蜜月秘點!

wu_london

相關閱讀:120歲新搞作 倫敦塔橋玻璃步道


第08站/♥巴塞隆納

巴塞隆納喺屬於西班牙嘅一個城市,同男生講起一定會想到足球。不過巴塞隆納又點止足球咁簡單,佢擁有嘅世界遺產數量喺高達世界前三名!而且仲孕育過好多藝術家:米羅、畢卡索等等~絕對喺亦動亦靜嘅魅力城市!
08

相關閱讀:只有當地人才知道的美食:西班牙小店篇


第09站/♥雅典

雅典喺希臘嘅首都,亦都喺希臘最大嘅城市。喺呢度可以親眼感受到歷史遺留到現今嘅遺跡——巴特農神殿、宙斯神殿、奧林匹克運動場等等。絕對係一生人中必去嘅城市之一!

09

相關閱讀:走入雅典 · 滿天吊燈藝術小巷@狼之


第10站/♥聖托里尼島

聖托里尼島你可能唔知喺邊,咁轉個講法:希臘嘅藍白小屋你知喺邊吧?無錯~聖托里尼島就喺望住愛琴海,能夠見到全世界十大公認最美日落嘅地方之一,絕對係大家夢想渡蜜月嘅聖地~
10

相關閱讀:我辭職去希臘做洗碗工!


第11站/♥伊斯坦堡

伊斯坦堡曾經係東羅馬帝國的首都,宗教同藝術色彩濃厚,擁有兩千年嘅深遠歷史。亦都喺世界第五受歡迎嘅旅遊目的地,真喺好想親眼感受呢個世界遺產!

honeymoom_istanbul


相關閱讀:伊斯坦堡老城新記


第12站/♥杜拜

講起杜拜就一定會諗到錢同埋石油,而且加上愈起愈多嘅商場,人工群島,七星級酒店等等,當然唔少得世界上最高嘅哈利法塔。嚟到杜拜真係咩都最好最豪呀!
desert-safari-duabi-02

相關閱讀:【杜拜】神殿水上樂園5大攞命玩意


第13站/♥馬爾代夫

相信馬爾代夫絕對係渡蜜月嘅代名詞。辛辛苦苦籌備完婚禮終於可以休息下欣賞下一望無際嘅天空與海,你都咪話唔嘆!馬爾代夫嘅渡假村入面有專門做SPA、潛水活動,更有啲主打島上餐廳同Club,動靜佳宜,絕對係嘆世界嘅終極夢想呀~~

13