活在一個「機不離手」的年代,能夠喺飛機上面用Wi-Fi上網係何其幸福!不過你又有冇試過,搜尋Wi-Fi嘅時候,偷雞睇人哋嗰Wi-Fi set咗乜名呢?最近我就遇到一名奇葩乘客,發現…… 原來Wi-Fi名真係唔好求其亂改。

改Wi-Fi名千祈唔好用……

你見過最滑稽嘅Wi-Fi名係乜?「想連Wi-Fi求我啊」還是「就不告訴你密碼」?

事緣我有一隻私人的全球漫遊Wi-Fi蛋,咁空少我就好天真用咗自己真名「SUN」去命名Wi-Fi!

喺等緊起飛嘅時候,我猶如一隻漆黑中嘅螢火蟲,有位外籍女士眼甘甘咁望住我個胸…… 上嘅名牌。

「Hey!Are you SUN?」

「Yes!May I help you?」

然後那位外籍女士就伸出咗佢嘅友誼之手,遞部電話畀我,然後問:「How do I connect to this network?」

一睇……Wi-Fi名係「S U N 」(即是在下)!

當堂嚇一嚇,心諗:「原來呢位乘客想硬上我…… 嘅Wi-Fi network!」

反了反了!我要抗爭!即時展開守護Wi-Fi蛋行動!

惟有同嗰名外籍女士講:「Sorry madam, this is my personal network. NOT FOR PASSENGERS!」

講完之後,佢心都碎埋,眼泛淚光,我見猶憐……

所以話呢…… 改Wi-Fi名千祈唔好用自己名呀!!!