卡塔爾航空商務艙Q-Suite評價！飛16小時$32,560 座位/飛機餐/服務/貴賓室

卡塔爾航空商務艙｜卡塔爾航空於Skytrax上第八次獲得全球最佳航空公司的冠軍，以及「全球最佳商務艙」、「全球最佳商務艙貴賓室」。今次Carmen就坐Q-Suite由杜拜經多哈前往洛杉磯，飛行總時數為19小時，詳盡分享了機艙座位、飛機餐、過夜包、The Garden貴賓室及Quiet Area體驗，即睇詳情！

卡塔爾航空商務艙Q目錄

回到目錄

卡塔爾航空商務艙Q-Suite評價

經常要來回巴黎及杜拜的法國人人妻Carmen，喜歡和老公一起乘坐不同航空公司的頭等艙和商務艙。今次Carmen乘坐卡塔爾航空商務艙Q-Suite由杜拜出發，於卡塔爾多哈機場轉機去洛杉磯。想知道更多詳細分享記住Follow埋 IG @frenchwifeindubai同GOtrip的Facebook及IG啦！

首先Carmen第一程由杜拜飛卡塔爾購買了商務艙Q-Suite。但當Carmen上機時發現臨時轉了機型：「好震撼上到去唔係Q-Suite，好耐冇坐過2-2-2機型，真係好失望。終於明點解有『Being Qatar’ed’』呢個稱號，好多乘客上機先發現Downgrade咗，不過只有55分鐘機程就算啦」。此外，Carmen去到停機坪上機：「點解咁大間航空公司連一條接駁橋都冇，要行樓梯上機，第一印象都幾差」。

回到目錄

卡塔爾航空商務艙｜座位

由多哈前往洛杉磯的飛行時間為16小時，機型是Airbus A350-1000（QR739）的Q-Suite。Carmen認為：「Q-Suite座位好多儲物空間，個人感覺係中國南方航空波音787同Gulf Air嘅座位會再闊啲。」

Carmen認為有門的座位，私隱度非常充足：「好多航空公司道門好矮，簡直係形同虛設。Q-Suite道門好高真係差好遠，喺入面拉筋都冇人見到，成個飛行體驗入面係超級加分」。

卡塔爾航空商務艙（圖片來源：IG @frenchwifeindubai） — （圖片來源：IG @frenchwifeindubai）

此外，Carmen讚空間感非常充足：「平時食嘢就冇位做嘢，但Q-Suite大到可以一邊食一邊做，仍然好夠位」。

卡塔爾航空的過夜包是Diptyque品牌：「即刻用咗潤唇膏，香味好似做SPA會聞到嘅香味，好舒服」。卡塔爾航空會為跨洋航線及紅眼機的乘客提供睡衣，睡衣與英國的居家服飾品牌The White Company合作。

回到目錄

卡塔爾航空商務艙｜飛機餐

飛機餐方面頭盤就有龍蝦同魚子醬，Carmen大讚：「今次空姐好人畀咗兩個最受歡迎嘅頭盤我食，第一次坐商務艙都食到魚子醬，平時要坐頭等艙先有，如果鍾意食魚子醬呢個係超級加分！個龍蝦都係整得好好食，好彈牙好有龍蝦味」。而酒水方面，Carmen認為Wine List都有誠意：「揀得幾好，酒未算係最高級，有Whispering Angel Rose」。

飛行期間Carmen有吃到很多蔬果：「叫咗好多沙律同Berry，士多啤梨、Blueberry、Blackberry唔靚就會好酸，但我食嘅Berry都係好甜嘅，值得一讚」。另外Carmen有試到傳統阿拉伯Mezze（共享小食拼盤），有Pita麵包配3款醬，都認為非常好味。

回到目錄

卡塔爾航空商務艙｜服務

Carmen讚今次卡塔爾航空的服務很好：「空務員係泰國人，全程都係佢負責服務。同佢講我第一次坐Q-Suite，佢有教我點樣閂道門。佢全程笑容都好好，相比起之前坐阿聯酋都未必會有咁好」。

回到目錄

卡塔爾航空商務艙｜整體評價

Carmen由杜拜出發，於卡塔爾多哈機場轉機去洛杉磯，機票為AED 15,240（港幣32,560）。Carmen讚：「旅程有成16個飛行時數，見到經濟艙乘客坐到10個鐘已經要起身拉筋，好難想坐足16個鐘。今次Qatar令到飛行體驗係更加，食物、服務、座位都好好」。

回到目錄

卡塔爾航空商務艙｜多哈機場貴賓室

Carmen抵達多哈機場，去到新擴建的C區的The Garden貴賓室：「坐無人駕駛列車1個站就到，仲有仿新加坡樟宜機場嘅花園，感覺好Modern，同杜拜土豪感覺好唔同」。到了The Garden首先就見到一個LV Cafe和Dior全球首個SPA：「好震撼，但我淨係想瞓教所以就冇試到啦」。Lounge入面所有清潔用品都是Diptyque，Carmen指：「我覺得好枕本，洗手液同抹手毛巾都係Diptyque」。