相信大家同小編一樣,都曾經試過在WhatsApp發錯訊息,無關痛癢的話題也算,但如果講秘密,或講同事是非,後果不堪設想。有前車可鑑,經典話題「HJ2Q」及「呢條女仲勁過我老婆個妹」,相信各位仍記憶猶新。有見及此,WhatsApp不想太多人家破人亡,近日在最新的版本中,新增了訊息撤回功能。不過暫時只在部分地區可用,但至少肯定的是,姐夫們有救了!

text: Easy | photo: WhatsAppTECH NOMAD(原文刊於《New Monday》)

姐夫有救了!WhatsApp新增訊息撤回功能

今時今日,大多數人都習慣用WhatsApp溝通,「錯頻」簡直係每天日常。只係閒聊嘅話,尚且無傷大雅,但好似以下呢位姐夫咁,就真係返唔到轉頭喇!

搞到全家都知細妹好勁,點收科?

發錯訊息可大可小,輕則尷尬過關家姐,重則真係可以家破人亡。點先可以避免以上嘅情況?

撤回message,把握黃金7分鐘!

或者係聽到廣大用家嘅訴求,WhatsApp終於推出訊息撤回功能!

撤回訊息的方法很簡單,只要選擇希望撤回的message,先按撤回,再按delete for everyone便可。不過在message傳出後,必須在7分鐘內撤回。所以大家若然發現send錯,必須把握黃金7分鐘!

編輯實測:成功撤回訊息!但不等於神不知鬼不覺

除了群組訊息,私人聊訊息同樣能撤回。為了讓大家更了解WhatsApp這項新功能,小編特意請了一位朋友配合,實測訊息撤回功能。

值得留意的是,撒回訊息並不代表對方完全不知道你曾給他發訊息。訊息撤回的通知同樣會出現在對方的WhatsApp介面。

有別於舊時嘅SMS,係WhatsApp撤回訊息係會被人知道嘅!

所以即使可以撤回訊息,對方也可能會起疑。尤其係send畀另一半的message,如果不想被對方盤問一整晚的話,奉勸咁多位還是要慎用這項功能喔!

下一頁:遲到大王災難!| WhatsApp正式推出實時位置功能 去咗邊冇得呃