「假日入長洲」,本來係港人嘅休閒活動,但近年愈來愈多長洲居民訴苦,希望大家「唔好再迫晒入嚟」!除咗騷擾居民原有生活,令到環境烏煙瘴氣之外,仲出現長洲往來市區航班供不應求等問題。政黨熱血公民早前爭取「要求設立長洲居民專用通道」,政府卻漠視訴求照例強推「離島遊」,作為曾經推廣過長洲周末遊的平台,今次等GOtrip由自我反省開始,探討長洲面對的困擾⋯⋯

圖/網上圖片、長洲新渡輪關注組熱血公民

網媒有份令長洲淪陷?

每逢假日,都必定有大批市民踩入 長洲 ,多年來令到長洲居民苦不堪言。GOtrip 早前亦有圖輯推介長洲美食。

結果引來大批長洲居民不滿,直指因為網媒介紹引致 長洲 陸沉。

「夠啦X你老母, 長洲 就嚟畀你呢啲濕X page搞到陸沉啦」

cheungchau

長洲 居民:還我們清靜長洲,唔好再迫入嚟啦!

從留言中的確看到不少讀者留言,話睇到介紹後會想去長洲。但同時都有唔少網民指,長洲並唔係咁好玩,嘢食都冇咩特別,當地居民自己都唔會食呀!

網友回應「長洲特色美食」
對於「長洲特色美食」,網友逐點擊破,結論係大驚小怪、根本不值得瘋狂追捧。

網友回應長洲小食
「長洲本身唔係畀人嚟掃街」網民認為成件事根本錯晒!

 

網民成立facebook群組「長洲新渡輪關注組」

新渡輪作為居民唯一往返市區的方法,作為島上居民每日返工返學必搭嘅交通工具,所以唔少人關注航班同渡輪服務等問題。網民會每日喺facebook群組「長洲新渡輪關注組」上分享每日嘅最新航班消息同座位情況。唔少網民都喺群組發文,指長洲依家連平日都迫爆,仲搞到個環境好污糟!

cheungchau_03

cheungchau_04

要求設立「 長洲 居民專用通道」,政府敷衍回應

但就算網媒唔再推介, 長洲 依然係香港人嘅假日好去處。遊客想去,居民反對,近年前往 長洲 嘅遊客人數愈來愈多,每逢假日更加有上萬人次訪客到訪,渡輪交通不勝負荷,令當地居民怨聲載道。過多旅客阻礙居民日常生活,連佢哋嘅日常出入都受到影響。政黨熱血公民早前就發起「要求設立 長洲 居民專用通道」解決 長洲 居民往來市區交通嘅問題,喺9月19日去中環碼頭舉行簽名行動,並獲得超過800位居民支持。

14358868_10154464879143745_874422906503588742_n

其後運輸署於9月29日回應,指署方及其他政府部門正在研究「月票通道」的可能性,稍後會向離島區議會彙報結果。但睇嚟設立「 長洲居民專用通道」行動似乎未有任何突破性嘅進展!

14435320_1727113810883211_7140204703929960852_o

政府宣傳「離島遊」再惹批評

另一方面,政府近年卻大肆宣傳離島遊,「鼓勵學校、制服團隊、非政府組織,以及社區和地區團體等舉辦到 長洲 、大嶼山(梅窩)、坪洲及南丫島(榕樹灣及索罟灣)的活動,目的是推動離島地區經濟及帶動離島渡輪服務的乘客量」。

hj
運輸署網頁「離島遊」計劃截圖。

「離島遊」推出後再惹批評,指計劃同時玩殘遊客同居民。因為離島碼頭設施簡陋及失修,但政府又拒絕改善離島碼頭設施。長洲候船室過細,乘客上落船需要共用同一條通道,而部分乘客要喺碼頭外等船,造成混亂。對於人口同旅客最多嘅長洲嚟講,「離島遊」更加係加重渡輪航班負荷。

fbpost

自律最重要!

其實長洲已經變咗旅遊區,唔可以避免有遊客出現,但最緊要大家自律,保持環境清潔。其實香港仲有好多靚地方,大家又何必一窩蜂湧去長洲呢?

最緊要保持環境清潔。