長洲 咁多特色小食,可能好多大家都食過!但原來仲有唔少餐廳值得一試,食物好食之餘連環境都無得輸!睇完以下推介即刻約埋朋友或帶埋屋企人入長洲,嚟個悠閒美食行啦!

(編按:本文刊出後,有長洲居民表示並不認同,深感因以下推介而「迫爆」長洲實在荒謬,尤其假日人潮所致,垃圾堆積場面已對當地居民構成滋擾,決定行程前,請先看看原居民的意見

01.海傍歎住食 層層疊西多

海傍附近嘅小食店,老闆娘好親切,當然港式食物吸引不少外國人幫襯!

hk_cheung_restaurant14

黃金西多士 $20 西多士粒層層疊~ 賣相好靚!熱辣辣,好香口!

酥炸南乳炸雞翼 $30 南乳味好重,出奇地同雞翼好夾,而且炸得金黃香脆,推!

酥炸南乳炸雞翼 $30 南乳味好重,出奇地同雞翼好夾,而且炸得金黃香脆,推!

麻辣魷魚拼蘿蔔 $28 魷魚食落好新鮮,不過唔係幾夠辣,似酸辣多啲,鍾意食酸味嘅話,可以一試。

麻辣魷魚拼蘿蔔 $28 魷魚食落好新鮮,不過唔係幾夠辣,似酸辣多啲,鍾意食酸味嘅話,可以一試。

喜姐小食
地址:長洲中學路6A地下(顯示地圖)
電話:68086401
營業時間:11am -9pm

02. 燒味老舖 超靚太陽蛋撈飯

食過西嘢又掛住滷味?這間燒味飯店係老字號,因為平靚正,有好多長洲街坊都經常幫襯,除咗燒味飯,仲有粉麵添。

叉燒蛋飯 $29 呢度嘅叉蛋飯出咗名係煎得靚,上到枱個陣,隻蛋好似同我揮緊手咁啊。叉燒雖然份量唔多,切得有點薄,不過淨係為隻蛋食都好值!

叉燒蛋飯 $29 呢度嘅叉蛋飯出咗名係煎得靚,上到枱個陣,隻蛋好似同我揮緊手咁啊。叉燒雖然份量唔多,切得有點薄,不過淨係為隻蛋食都好值!

魚蛋米粉 $23 魚蛋夠彈牙,入面仲放咗炸魚皮,記住落埋辣椒油!

魚蛋米粉 $23 魚蛋夠彈牙,入面仲放咗炸魚皮,記住落埋辣椒油!

hk_cheung_restaurant15

翁創興
地址:長洲新興街104號地下 (顯示地圖)
電話:從缺

 03.  長洲 慢活Café 呼吸小島節奏

入到長洲怎可不食「好西」,可惜名物早已吃慣,幸好近期長洲開了不少小店。也許長洲有種慢,是島外人學不來的,閒時踢拖落街就是一天。也許是小店們看中了長洲的慢節奏,紛紛落地開店,慢活堂就是最新加入的一家。

CNY_special_tour7

開業不足一個月,已吸引了很多前來食「環境」的客人。餐廳布置文青味極濃,木系裝潢舊味十足,是必影位。食物則以輕食為主,因還在試業階段,故暫時提供的選擇不多,要留意出餐速度極慢,是想貫徹慢活原則吧。不過食環境打龍已經足夠,起程往北眺亭前不妨先吃個「慢」餐。

CNY_special_tour8-1500
牛油果三文魚醬配沙律 $68 (套餐包湯及飲品)

CNY_special_tour5022
蕃茄橄欖燉雞配米沙律 $88 (套餐包湯及飲品)

慢活堂
地址:長洲新興街83號地下
營業時間:12nn-9:30pm,逢星期三休息

04. 小島個性小店 三個泰菜的少年

主打泰菜的青流由三個愛吃愛煮的島中青年主理,三人本業與飲食無關,但因熱愛泰菜,在曼谷街頭學藝歸來開店。
CNY_special_tour10

青流店面雖小,但設計玩味十足,枱櫈是由舊油桶改成,牆上更貼滿黑膠唱片,播放的都是Vintage音樂。店內更寄賣購自泰國的手飾及衣飾,吃飯不忘滿足你的購買慾。

手撕海南雞飯 $30 手撕海南雞無骨,方便易食,必配油飯同辣椒醬,仲送胡椒冬瓜湯,大滿足!
手撕海南雞飯 $30

手撕海南雞無骨,方便易食,必配油飯同辣椒醬,仲送胡椒冬瓜湯,大滿足!

CNY_special_tour1233

芒果煎糯米飯 $32,小店食物選擇有限,但每樣味道都不錯。記者最喜歡芒果煎糯米飯,煎香了多了一陣焦香。

青流
地址:長洲金銀灣金豪閣10號地下
時間:12nn-9pm,逢星期三休息
查詢:5440 0449

05.慢煮60小時 心機意大利菜

主打慢煮意大利菜,絕對會令你回味嘅小島餐廳 !一行入餐廳,已經有隻狗仔歡迎你!勁得意!店主好好客,會按你嘅喜好為你介紹食物,點完餐後佢就入廚房煮,身兼多職一腳踢!所以要俾啲耐性等下!慢工出細貨,睇得出店主對烹調食物嘅熱誠,去長洲必試!

hk_cheung_restaurant4-1024x854

慢煮60小時牛肋肉 $288 你無睇錯!係慢煮咗60個鐘! 勁俾心機!

hk_cheung_restaurant3-1024x854

烘烤南瓜巴馬火腿意大利飯 $168 用南瓜整嘅意大利飯,好香甜, 面頭有少少杏仁碎 加上一片片巴馬火腿,口感豐富, 如果唔鍾意食甜味Risotto,可以揀黑松露意大利飯等。

巴馬火腿釀雞卷 $109 雞卷用上雞髀肉,捲住巴馬火腿同香草 ,條條都脹卜卜,慢煮後再烤焗。肉汁juicy而且外脆內嫩!

巴馬火腿釀雞卷 $109 雞卷用上雞髀肉,捲住巴馬火腿同香草 ,條條都脹卜卜,慢煮後再烤焗。肉汁juicy而且外脆內嫩!

hk_cheung_restaurant1-1024x848

肉醬意粉 $129 呢個唔係普通嘅肉醬意粉,意粉係店主親手整架,新鮮而且充滿蛋味,好彈牙!

(左)Fentimans Rose Lemonade $36 可以做到咁夢幻嘅粉紅色 ,用嘅玫瑰花係嚟自世界知名保加利亞玫瑰園嘅玫瑰製成 ,加上品牌嘅招牌薑成份,味道非常清新。 (右)Fentimans Ginger Beer $36 由北美洲引入嘅無酒精啤酒, 呢支薑啤用咗薑嘅根部釀製,第一口已經好夠薑!

(左)Fentimans Rose Lemonade $36 可以做到咁夢幻嘅粉紅色 ,用嘅玫瑰花係嚟自世界知名保加利亞玫瑰園嘅玫瑰製成 ,加上品牌嘅招牌薑成份,味道非常清新。
(右)Fentimans Ginger Beer $36 由北美洲引入嘅無酒精啤酒, 呢支薑啤用咗薑嘅根部釀製,第一口已經好夠薑!

hk_cheung_restaurant5

ChocoDuck Bistro
地址:長洲建新里3號地下(顯示地圖)
電話:97350049
營業時間:5pm-11pm

06. 拉絲芝士波 小清新梳打

餐廳位於海傍一帶,有海景,有音樂,一個人食個早餐,定係一大班人飲野傾計都超開心! 小食平均廿幾三十蚊,而且味道唔錯!如果夜晚撞啱有open night,會有樂隊即場夾 Band,超好氣氛!值得一提嘅係佢哋有賣手工啤酒,店主不時搜尋本地手工啤酒,啱哂啤酒迷。

炸Mozzarella芝士波 $26 芝士波外層炸到金黃色,超香脆!咬開外層可以拉絲,芝士迷must try!
炸Mozzarella芝士波 $26 芝士波外層炸到金黃色,超香脆!咬開外層可以拉絲,芝士迷must try!

巴馬火腿芝士熱烘三文治 $32 皇牌推介,三文治即叫即烘,巴馬火腿夾上熱溶芝士,超正!
巴馬火腿芝士熱烘三文治 $32 皇牌推介,三文治即叫即烘,巴馬火腿夾上熱溶芝士,超正!

炸薯條配黑松露蛋黃醬 $38 薯條炸到熱辣辣,配埋黑松露醬同松露油,超級惹味!
炸薯條配黑松露蛋黃醬 $38 薯條炸到熱辣辣,配埋黑松露醬同松露油,超級惹味!

(前)Blue Lemonade $23 海水藍色的賣相 ,望落好清涼好有度假feel,檸檬梳打飲落係好清新! (後)Lychee Island $23 荔枝味好濃,唔會死甜!
(前)Blue Lemonade $23 海水藍色的賣相 ,望落好清涼好有度假feel,檸檬梳打飲落係好清新!
(後)Lychee Island $23 荔枝味好濃,唔會死甜!

The Pink Pig Music Bar and Restaurant
地址:長洲建新里11號地下(顯示地圖)
電話:51800692
營業時間:12mn-8pm (有機會彈性改動)

下一頁:長洲 有咩食 ?|推介掃街 8 大必試小食 

延伸閱讀:

郊遊好去處 | 白泥一日遊行程建議

週末好去處 | 400 年荔枝窩古村半日遊

灣仔鬧中帶靜|推介4大文青新蒲點