灣仔這舊區很特別,人多車多又不斷進化,新舊交替。那條忙碌的軒尼斯,那間沉默的藍屋,兩個極端一內一外,在地理位置上特別得很。兩極並存,也許只有在這裡可行。最近就有老牌書局進化成台式生活書店,亦有人在舊中醫館搞古老曬相,希望傳承技術,似要在繁忙的灣仔另立旗幟。今個春天,不妨把灣仔重新探索。

text: Keith |   Photo:Yee、Keith(原文刊於新假期雜誌)

1. 港島首間 三層高三聯生活館

香港人唔買書不是新鮮事,但自從誠品在港捲起文化熱潮,書店們都搞起文化生活來。灣仔三聯最近就變身三層高的文化生活薈,是繼元朗後港島區首間。新店定位坦白說跟誠品有八成似,裝修行文青風又有嘢買,仲有間 Café 畀人飲杯咖啡。

不過值得一讚是店內有座位給客人打書釘,部分更有充電位。最欣賞每層都用落地玻璃吸納自然光,更可外望石水渠街及電車路,環境一流。叫得生活店又點少得文青產品,全球最古老墨水筆及蠟封品牌 J.HERBIN 都是必帶走之選,不過試業初期產品類型唔算多。兒童區是另一亮點,有消防車型座位及火車書櫃,吸引小朋友睇書。新店更定期舉辦書本分享會,是假日閒遊好去處。

咖啡與書是永遠的絕配,新店三樓就有間 Café 給客人買完書後坐低飲杯咖啡。Café 只佔三樓一角,座位不多,所以識坐一定係揀窗口位,有落地玻璃可以睇景。食物方面主賣輕食,暫時只有散叫,但書店正式開業後,就會有套餐供應,現有意粉、沙律、包類及甜品選擇。

(左)番茄蜆肉雜菜意粉 $68 有成五隻蜆好抵食,伴碟還有兩塊包,飽到一個點。|(右)本地有機菜沙律配檸檬密糖汁 $58 味道清新,不過因有秋葵,吃時會有黏液,不是人人接受到。

(左)自家製檸檬撻 $45 、法國玫瑰朱古力 $45 檸檬撻以鮮榨檸檬汁製成,為免過酸特意加上焦糖中和。朱古力有乾玫瑰花瓣在面,不過玫瑰味唔算濃。|(右)本地蜜糖美式咖啡 $48 用上沙田排頭村永和蜂場蜜糖製成,苦澀中帶丁點甜味。

三聯書店灣仔文化生活薈
地址:灣仔柯布連道 1-1A 號 (灣仔地鐵站 A3 出口)
營業時間:星期一至四及日 (10am-10pm) / 星期五、六及公眾假期前夕 (10am-12mn)
備註:新店將於 18/4 正常開業

2. 古法曬相手作班

藍曬導師Cat業餘曬相已經多年,最近辭去會計工作,瞓身全職教古法曬相,在灣仔租了一間舊中醫館作工作室。古法曬相已經很慢,但Cat手腳更慢,只因他為技術流傳下去,不想參加者玩完就算,故每個步驟都慢得很,希望參加者真正體會到、學到藍曬而不是一個速食班。也許親手曬相低效率,數碼拍攝才是王道,但至少,有人喜歡藍。

藍曬筆記簿工作坊 $288(包一本自定款式筆記簿 ) |筆記簿也是 Cat 自已穿線製成,令書脊可以放平方便寫作。

藍曬其實已約有二百年歷史,是古法曬相之一。過程很像做實驗,利用化合物檸檬酸鐵銨和赤血鹽混合成感光劑,再放在太陽下吸收紫外光顯影而成,是名副其實的「曬」相。

Blackcred工作室
地址:灣仔皇后大道東 223 號瑞祥大廈 1 樓
查詢:9815 9766
備註:工作坊在星期一至五,二人開班,時間可與導師洽談,可自定相片。

03.灣仔碼頭掃  10 蚊二手書

雖有新大型書店開業,但也有小書店面臨執笠清貨。書式生活曾於上年年尾在 Facebook 表示撐唔落去,割價大平賣,10 蚊本二手書再送 2 隻 VCD 或 DVD,只求清走二手書不浪費。其實書店宗旨「堅持不浪費,循環再用,理性消費,」更會主動到各區收集舊書,店主真心蝕住撐環保。書店還有租約至年尾及萬多本存貨,10 蚊本咁抵買,不妨走去尋尋寶撐二手書。

買二手書最好玩就是尋寶,記者搵到舊版龍珠漫畫及中文版哈行波特,要買趁手。

割價期間買一本書送兩隻二手 VCD,這兩隻都是入手之選。不過現場所見 DVD 數量唔多,想執到寶就要落手搵下。

書式生活
地址:新灣仔碼頭 3 號舖
營業時間:星期一至五11am– 9pm/星期六 11am-5pm/星期日12nn- 9pm

04. 港豬性教育 千人高潮祭

性在香港是個禁忌,當你「很想要吧」時卻又會欲言又止。想突破一定要再教育港豬,所以神秘影院又有新搞作了。今次活動很有話題性的千人高潮節,在平日充滿熱血跳動的修頓室內場舉行。活動一如以往到開場才知播乜,但主辦單位強調電影過了電檢,所以不含裸露鏡頭,怕羞仔可以放心接受「教育」。

神秘影院今次會在開場前加上聲色味效果,刺激參加者一入場就感受到「高潮」。

GOOOOOD Secrets高潮節神秘電影院
日期:5 月 14 日
時間:7:30pm
購票:$250 及$200 (扣除成本後,50%的門票收入將捐予香港愛滋病基金會)
查詢:2774 4738

延伸閱讀:

銅鑼灣抵玩之選|3 大室內活動 好去處

週末好去處 | 400 年荔枝窩古村半日遊

假日好去處 | 蒲台島 4 大名勝