「喂,我轉個彎就到喇!」「我喺附近行緊過嚟啦!」成世人流流長,身邊總會有幾個「遲到大王」。而每次問這位遲到的朋友去到邊,大家總會聽到以上「遲到大王」的標準答案。不過這類「遲到大王」的災難出現了,因為WhatsApp正式公布推出「Share Live Location」功能。以後「遲到大王」去到邊行到邊,絕對冇得呃!

text: Homan | photo: WhatsApp | 原文刊於《New Monday》

WhatsApp live location 去到邊track到邊

其實WhatsApp一直都有share location的功能,但當中的location是一次性的,並沒有實時追蹤功能。而且用家亦可以自由選擇location分享,直接點說就是用家可以講大話!若然「遲到大王」share location給你話自己「轉個彎就到」,你根本冇辦法證實真偽。而現在推出的所謂live location,就是可以分享實時位置。用家可以透過live location功能向其他WhatsApp用家分享自己的實時位置,用家實時行到邊去到邊一目了然。

WhatsApp群組都用到

Live location的用法其實非常簡單,跟之前的share location方法一樣,只要點按WhatsApp中attach按鈕(iOS=加號標示;Android=萬字夾標示),再點選新增的「Share Live Location」選項,用家再設定分享時間傳送出去就可以。而這功能除了可以單對單使用外,更可以在群組對話中使用,如飯敘有幾個朋友遲到,大家可以在同一地圖中看到幾個朋友的實時位置,去到邊冇得呃!

進一步侵犯私隱?

WhatsApp為了令功能更豐富更全面,一直都加入不同新功能。但一些功能則被人認為是侵犯私隱,當中「藍剔」及「最後上線時間」兩項功能最備受爭議而且更狠狠傷透「兵仔」的心,「點解女神睇完我WhatsApp唔覆我呀?」「已讀不回」一詞更可說是由此誕生!

而今次推出的「Share Live Location」相信亦會引起大家一番爭論,連去到邊行到邊都被監控,相信對於很多人而言都是不能接受。而對於「遲到大王」或一些缺乏信任的情侶而言更可能是大災難。大家幻想下,男人都鍾意玩波,不時都會偷偷約friend落街打波,若然玩玩下波女友突然叫你share location畀佢睇,點算先?如何不share location而全身而退?

其實無論對於男生或女生而言,以上情況都會是一個煩惱。WhatsApp公布「Share Live Location」功能會在未來數星期內於Android及iOS平台推出,各位以後誠誠實實、醒醒定定喇!

 

下一頁:12個 隱藏實用 WhatsApp功能 | 已讀不回不被發現!