平時去港島區不外乎都係返工，假期就逛商場。秋天嚟到，週末悶悶地又唔知做咩好？其中一個選擇就是行山。普遍人都有錯覺，認為行山一定要去新界或者離島郊區。今次，就為大家介紹位於港島登山路線，以後就唔使過海都能夠享受到行山的樂趣。再加上有行山達人ckchan既教路，就可以輕輕鬆鬆出發登山啦！！
1. 散步式－ 大潭水塘
呢條線慢慢行都係兩粒鐘,其實都係當行路咁行,一開始係鍘魚涌A出口出黎後轉右,行到天橋底就見到起點。
行一陣就上到半山咁高。完全唔辛苦。
行到一半會見到個亭,可稍作休息。之後轉右就開始落山啦!
更多資料：港島散步~大潭慢慢行
2. 最南端－ 鶴咀
由鶴咀出發行上山，成條步行徑都係沿住海邊，所以沿途都有海景睇。每行一段路都會有景點可以參觀影相，全程大約兩個鐘，就算新手行都不會太吃力。
沿途有海景睇，真係行都行得輕鬆好多
燈塔是傳說中的觀星勝地，如果大家夠大膽，夜晚可以留低觀星，都幾浪漫。
燈塔的另一邊是保護區，入面會有一條化骨龍標本，大家可以休息影下相
保護區好近海邊，每次行近崖邊大家都要小心，唔好睇漏眼呀！
更多資料：港島短線團~鶴咀
3.輕鬆行－山頂
上山頂好多人都會選擇搭纜車，下次不如就嘗試自己行上去，引用高登的一句諺語：其實唔難！從纜車站走上去，大約個幾鐘就到，有時間的話不妨試試。
維多利亞的景色就在你眼前，行上去是很有滿足感，因為整段路都只是向上行，無窮無盡，上到山頂看見維港風景，已經很滿足了。
更多資料：行上山頂 其實唔難!
