喺澳門新馬路區,除咗有中西餐廳外,都有不少食店以特色甜品作招徠。食完正餐再去發掘澳門特色甜品,實行由朝食到晚!

文:黃潔欣、羅詠彤、曾寶娥 | 攝:新假期攝影組、新傳媒資料室、有關機構(原文刊登於新假期周刊)

1) 食勻多國特色甜點 Paddington Waffles & Crepes

Pancake 在一般人的認知中都是甜的,但原來換了鹹的口味,都一樣咁夾!此店是為特許經營店,總公司來自馬來西亞,主打多國特色 Pancake、格仔餅,選擇接近 30 款,鹹的、甜的都有,最近更推出多款澳門限定的口味,必試!款款吸睛度極高,肯定要相機食先!份量對女生來說是有點大,建議約多點朋友一齊來,可以試多幾款呢!

以歐式風格設計,很溫暖的感覺。
以歐式風格設計,很溫暖的感覺。

(左)尼斯可麗餅 MOP$76 | 法式可麗餅夾著雞扒、Mozzarella芝士、煙肉、鮮蝦、菠蘿等,超多料!(右)格仔餅漢堡 MOP$82 | 牛肉漢堡扒夠Juicy,格仔餅味道帶微甜又香脆,兩者加埋一齊來吃非常夾!
(左)尼斯可麗餅 MOP$76 | 法式可麗餅夾著雞扒、Mozzarella 芝士、煙肉、鮮蝦、菠蘿等,超多料!(右)格仔餅漢堡 MOP$82 | 牛肉漢堡扒夠 Juicy,格仔餅味道帶微甜又香脆,兩者加埋一齊來吃非常夾!

(左)紅菜頭意大利飯配雜菌及香煎黑松露帶子 MOP$84 | 意大利飯黏而有韌度,紅菜頭味不會過重,配合黑松露帶子,味道濃郁。(右)碎朱古力格仔餅配焦糖香蕉、雪糕 MOP$59 | 格仔餅有碎朱古力夾心,烘後的半溶口感特別好食,推介!
(左)紅菜頭意大利飯配雜菌及香煎黑松露帶子 MOP$84 | 意大利飯黏而有韌度,紅菜頭味不會過重,配合黑松露帶子,味道濃郁。(右)碎朱古力格仔餅配焦糖香蕉、雪糕 MOP$59 | 格仔餅有碎朱古力夾心,烘後的半溶口感特別好食,推介!

Paddington Waffles & Crepes
地址:澳門柯傳善堂圍 11 號 A 地下
營業時間:星期一至四 12nn – 10:30pm、星期五至六 12nn – 12mn、星期日 12nn – 10:45pm
交通:從議事亭前地,往葡萄牙領事館方向,步行約 6 分鐘,白馬行Roxy 隔籬巷直入

2) 意國鬼馬雪條 Stickhouse

意大利 Gelato 雪糕品牌 Stickhouse 在各地都設有分店,上年 5 月正式進駐澳門。品牌標榜全手工製造,採用天然食材和配方,澳門分店甚至設有獨立廠房,請埋意大利的師傅和機器,保證每日新鮮製作。店內出售超過三十款不同口味雪芭、雪糕,更可自由配搭不同程度的脆皮和杏仁粒,整出「你最喜愛雪條」!

Pizza雪糕連菠蘿「薯條」 MOP$48 | 用自家烘焙蛋糕配搭牛奶雪糕和士多啤梨果醬,Pizza外形滿分!套餐包埋的「茄汁薯條」其實是士多啤梨果醬配新鮮菠蘿果肉,勁過癮!
Pizza 雪糕連菠蘿「薯條」 MOP$48 | 用自家烘焙蛋糕配搭牛奶雪糕和士多啤梨果醬,Pizza 外形滿分!套餐包埋的「茄汁薯條」其實是士多啤梨果醬配新鮮菠蘿果肉,勁過癮!

有榛子、杏仁粒、朱古力碎等配料可自由配搭。
有榛子、杏仁粒、朱古力碎等配料可自由配搭。

Stickhouse
地址:澳門大堂巷 10 號 B-C 和翠台 B 座地下
營業時間:10:30am – 10pm
交通:在議事亭前地經板樟堂轉入大堂巷,步行約 5 分鐘

3) 低脂手拉 Gelato 檸檬車露

嫌食甜品會肥?唔怕!位於Stickhouse旁的檸檬車露標榜脂肪含量只有 0-8% ,遠低於一般雪糕的 13% ,每日新鮮製造。招牌檸檬車露口味食落有香濃檸檬味,質感帶有細小冰粒,像吃沙冰的感覺。想食又怕肥的話又多一個選擇了!

單球杯裝 MOP$30、雙球杯或筒裝 MOP$35
單球杯裝 MOP$30、雙球杯或筒裝 MOP$35

店內多款鮮果口味,尤其受歡迎。
店內多款鮮果口味,尤其受歡迎。

檸檬車露
地址:澳門大堂巷 11 號地下
營業時間:12nn – 11pm
交通:在議事亭前地經板樟堂轉入大堂巷,步行約 5 分鐘

4) 原創卡通主題餐廳 熊曲奇

本來以售賣自家製曲奇起家,後來因租約問題而搬遷,索性租個更大的店面,開設主題餐廳!選址毗鄰人來人往的大三巴牌坊的小巷中,全店以店主女朋友原創的插畫人物為主題,從室內設計到菜式都相當可愛。很多時卡通主題菜式都得個樣,但這裡出品內外兼備,味道真心不錯!而最新推出的流沙撻系列,除大路芝士、朱古力、綠茶口味外,連流沙奶黃味都有,鍾意食流沙包不可錯過!

全店都布滿了店主女朋友手繪的插畫公仔。
全店都布滿了店主女朋友手繪的插畫公仔。

這些針織玩偶本只用作裝飾,但因詢問度極高,店主亦將會推出作售賣呢!
這些針織玩偶本只用作裝飾,但因詢問度極高,店主亦將會推出作售賣呢!

(左)梳乎厘班戟 MOP$85 | 以Crepe包著充滿空氣感的梳乎厘餡,外脆內軟。(右)王子青蛙造型蛋糕 MOP$25 | 綠茶紅豆口味,多層夾心設計,口感豐富!
(左)梳乎厘班戟 MOP$85 | 以Crepe包著充滿空氣感的梳乎厘餡,外脆內軟。(右)王子青蛙造型蛋糕 MOP$25 | 綠茶紅豆口味,多層夾心設計,口感豐富!

(左)兔仔妹漢堡餐 MOP$79 | 自家烘製的麵包,相當鬆軟,有驚喜!嫩滑的雞扒配以燒汁,夠惹味!(右)流沙奶黃撻、流心綠茶撻 MOP$18/件 | 最新出品!味道香濃,奶黃的流心效果較佳!
(左)兔仔妹漢堡餐 MOP$79 | 自家烘製的麵包,相當鬆軟,有驚喜!嫩滑的雞扒配以燒汁,夠惹味!(右)流沙奶黃撻、流心綠茶撻 MOP$18/件 | 最新出品!味道香濃,奶黃的流心效果較佳!

熊曲奇
地址:澳門新馬路花王堂街富運台 8 號地舖
營業時間:12nn – 8pm,逢星期三休息
交通:從大三巴街,往花王堂街方向,步行約 4 分鐘

延伸閱讀:
RubberDuck 4 月游到澳門停邊到?
TurboJET屯門新航線 40 分鐘去澳門
澳門掃街王| 必試 8 款摘星街頭小食