得喇我知,你地班人好鐘意去日本旅行呀嘛。但去日本旅行,有邊個唔係搭JR?由北海道玩到關東,再由關西玩到九州,條條綫你都識搭 — 但你知唔知JR東海車長制服係時裝設計師山本耀司(即係Y-3)設計?知唔知點解大部分動畫、漫畫師堅持動漫入面嘅JR係按照真實路綫描繪?原來JR同明治維新有關?

1.JR歷史仲勁過豆腐火腩飯


1872年10月14日,日本第一條鐵路開通,連接東京的新橋駅至横浜駅(現桜木町),亦成為當年日本德川幕府沒落、明治維新、日本正式工業化的一個重要標誌。

當時的橫濱站

其後鐵路喺日清戰爭(唔係即食麵)、日露戰爭(即係俄羅斯)當中擔任運輸嘅重要任務。1929年開始,公司進行一系列革新同re-branding:引入現代化的高速電動列車;連結各大城市新建的地下鐵及地面列車形成類似今日的架構;亦由於特急列車需求熾熱,開始將特急列車命名,好似橫跨關東關西、代表全日本的「富士」及「桜」,強調超高速嘅「燕」,代表東海道的「鴎」,國鐵亦從此進入了戰前的黃金年代。

當時最高速、最高人氣的蒸氣火車「燕」,由東京到大阪只需8小時20分 (!咁耐?)

但係二戰令鐵路變得頹垣敗瓦,而日本經濟走下坡,鐵路經營十分困難。雖然戰後復興過一排,包括引入高性能電車、用鋼鑄造客車、建造新幹綫,但最终於1987年4月1日,國會決定民營化國有鐵路,成為今日嘅JR(Japan Railways)。

長崎本線,核爆咁樣(喂的確係核爆)

0 (2)

JR分為7間公司,而佢地之間冇咩直接關係。JR北海道、JR東日本、JR東海、JR西日本、JR四國、JR九州,同JR貨運鐵道各自營運。

Anyways,民營化之後各間JR公司雖然结構同財務分拆,但係改變唔到經營困難的局面,各間公司開始重新思考營運政策同企業文化。充滿創意嘅日本人於是搞咗好多好多好多特色路綫同宣傳,令鐵路文化變成日本人生活的一部分

 

如果仲想搭蒸氣火車,以下係今時今日仲行走緊嘅路綫:

連結上越線高崎~水上嘅蒸氣火車SL水上號

連結新山口及山陰的小京都-津和野之間嘅蒸氣火車SL山口號

行經球磨川第一橋樑的SL人吉

2.與日本人生活不可分割的JR

JR北海道

「東京 - 青森」嘅東北新幹綫喺1982年開通,係JR東日本轄區入面距離最長嘅高速鐵路。2012年係佢30周年紀念,當時嘅宣傳廣告已經見到何謂鐵路人生:

地區偏遠又多山地嘅北海道鐵道,主要係以舒適、方便做賣點。今年3月26日,北海道新幹綫「青森-北斗」列車開通,但北斗市距離官方所講嘅函館市都仲有一段距離。之不過!就算加埋JR東日本嘅東北新幹綫連接,只需4個鐘,就可以由東京去到北海道,唔駛check in 唔駛趕去機場,依然十分吸引

0 (1)

JR東日本

JR東日本嘅營運範圍係以東京為中心嘅日本東部,係JR集團中最大嘅一間公司。作為首都圈嘅鐵道,緊係有番咁上下。而佢嘅宣傳主要集中鼓勵人去東北、北陸玩,另外就係宣傳比去東京做嘢嘅外省人,等佢地抒發下思鄉情愁。

其中一系列廣告係從2012年開始為咗重振大地震後嘅日本東北部而設,只係簡單咁講「讓我們去東北吧」,嗚呀,睇完真係一殼眼淚,真係想即刻衝去搭。

0 (4)


0 (5)

而喺1991年開始,每年冬天JR SKISKI廣告都會專門宣傳滑雪路綫,近呢幾年開始用啲當紅靚女做主角,主打雪地運動嘅青春活力。

2015年 山本舞、平祐奈 「你那裡,下雪了嗎?」

JR九州

2011年3月12日,JR九州新幹綫全綫開通,但意外地喺開通前一日,大地震令全日本被悲痛籠罩。後來有人發現,慶祝新幹綫開通嘅廣告好似預先埋下咗鼓舞咁,呢個廣告應該好多人睇過

0 (9)

3.ACG迷及日劇迷都不能錯過

原來唔少動畫漫畫都出現過有關JR嘅列車㗎,當中不得不提喺2015年退役嘅特急卧舖車 北斗星號,呢架列車由東京上野行駛至北海道札幌,全程16個鐘,因為北海道新幹綫嘅運行而退役。唔單至係柯南嚟過,更重要嘅係喺《蜂蜜與四葉草》裡面,竹本踩住單車追住藍底白色流星嘅blue train!!!!!!

0 (7)

由於JR喺日本人心中地位如此重要,所以大部分畫師喺畫JR時都會一絲不苟。

而JR亦不定期與各種動漫合作,推出期間限定crossover列車,真係你中有我,我中有你:

EVA與JR的crossover

 

皮卡..吖唔係,係比卡超

JR鐵道亦係日劇同電影中必會入鏡嘅場景

北浜駅——— 1996 年電視劇《醜小鴨》與中國電影《非誠勿擾》也曾於此取景

梅津寺駅———《東京愛的故事》名場景

鎌倉高校前駅——— 男兒當入樽主題曲的名場景

 

JR東海

連接住首都圈同京阪神圈(京都、大阪、神户)嘅東海道新幹线,係全日本嘅第一條新幹綫,喺1964年10月1日開通。

講到東海道新幹綫,又點可以唔提日本嘅國民聖誕歌山下達郎的《Christmas Eve》,呢首歌自1988年起連續多年成為聖誕系列嘅主題歌。呢一系列廣告突出咗long D情侶喺聖誕節月台上想見又見不得嘅驚喜同溫馨(首先你要⋯⋯)。當年出演呢個廣告嘅都係粒粒巨星,深津繪里、木瀨里穗等。有興趣可以去睇下

而近年JR東海嘅宣傳都係主打觀光旅遊,京都幾款海報都非常治愈,浪漫到好似拍緊日劇咁。廣告標語好多時都簡單直接:「對了,去京都吧!」。I am ready! I am ready!

0 (8)

Between,JR東海嘅工作制服係由山本耀司設計㗎。

JR東海制服

4.文藝中年淨係睇鐵道員都抵

講起制服,又點能夠唔講鐵道員。九十後應該睇唔明,但係當年嘅鐵道員日劇真係型到跌渣(見到呢個詞就知係中年),男人的浪漫嘅極致!JR超準時係人都知,而盡忠職守、奉獻一生嘅鐵道員功不可沒。

鐵道員

 

雖然現在是看到推屁股的比較多啦...

5.但JR又代表青春

青春18

每年學校的長假期期間出售嘅「青春18」套票簡直係青春嘅代表。

JR全綫

此票並無年齡限制,但用咗呢張票可以令你一秒變返18歳———無論係一個人用5日用盡5張一日券去玩深度遊,定係5個人用一日去環遊日本,或者3個人去2個人返...或者2個人去3個人返(媽我好亂啊!)。回顧下1982年開始發售至今嘅海報,都係充滿青春氣息。去到日本唔燃燒一下青春,唔好講自己去過日本。

0 (10)


0 (11)

“人生就像一場旅行,不必在乎目的地,在乎的,是沿途的風景”

 

一段段鐵路上嘅經歷,真係好想體驗。但係再好嘅嘢都係要你親自去乘坐先可以感受!其實 KLOOK.com上面有好多超高性價比嘅特價鐵路票㗎!

 

JR日本全國線火車通票

>> https://goo.gl/EoQEvS

JR關西鐵路周遊券

>> https://goo.gl/2mefnh

JR九州鐵路周遊券

>> https://goo.gl/NvbFpk

Skyliner京成電鐵

>> https://goo.gl/5UMrPW

南海電鐵單程票

>> https://goo.gl/8wRX4b

博多至熊本新幹線+熊本交通1天票

>> https://goo.gl/7GfTTQ

 

快啲起行喇!