我長期都話「有大媽就有歡樂」,一上客見到五、六十歲嘅大媽,就知道今班機一定有嘢發生。因為係短途機兼日頭,所以派完餐都冇熄燈,但奇怪事就出現喇!

圖片來源:網上圖片

大媽排隊列陣

點解廚房外面咁多人嘅?仲排緊隊喎!莫非有錢派?

我:「阿姨,你們在排隊等甚麼啊?」

大媽笑下,指住道飛機門。

飛機門前等廁所

大媽:「沒事兒,咱們在等去廁所,年紀大,常常要尿啊!」

我:「但這是飛機的門,廁所在前面啊!」

大媽好疑惑咁再指住道飛機門。

不能打開的「門」

大媽:「那這個不能打開嗎?」

我:「如果打開了,我們就死定喇!」

大媽們笑完一輪就衝咗去前面搵廁所,可能有人會覺得佢哋無知,但其實大媽喺我心目中係最好、最可愛嘅乘客。