7月富士山開山,現在先來預訂攻頂行程就未免太遲了,山小屋已經爆滿,不過一心打算影相呃like的人,有個盲點,其實行富士山是拍不到全相的!想影富士山靚相不難,不少人舒舒服服坐飛機已影到高空航拍相,今次就為大家解謎點先可以揀到靚位,然後輕輕鬆鬆坐 飛機睇富士山 !

text: ONKI | photo: 網上圖片(原文刊登於《新假期周刊》)

Q1:坐飛機睇富士山,要坐左定右?

A1:上ig入#富士山 大把高空航拍靚相,在三萬呎高空影到富士山並不是只單憑好唔好彩,做定資料搜集會大大提高與富士山見面的機會,那麼,坐在飛機的哪邊才可看到富士山呢?從東京出發的航班,飛行路線除了在富士山的左、右兩邊外,更有直接從富士山上空飛過,要睇富士山就要揀對路線。

 國內航線:網上有得Check!

以日本航空為例,由羽田機場出發的國內線航班,只有往西面飛的 6 條航線是會經過富士山的左右兩邊,當中 Y884、Y18、Y20及Y28 路線(如名古屋・高松・松山・九州福岡、九州大分)要挑左面窗口位,而 Y56 及 Y58 路線(如関西空港・高知・宮崎・鹿児島)就要挑右面窗口位,坐啱位,起飛後 10 – 15 分鐘就可以影到俯瞰富士山照,ANA日航都有在網站上列出哪幾條國內航線睇得到。

B. 國際航線:羽田/成田都睇到?

航空公司並無就國外航線提供座位貼士,不過據一眾資深遊日達人的經驗,無論你是從羽田出發又好成田起飛也好,一定要揀右邊的窗口位置,記得最好坐機頭或機尾位置,若果坐中間,機翼完全會阻礙取景的角度。

Q2:高空睇富士山,事前有無得問定?

A2:個人經驗,羽田飛好多時都睇到,有時會 check in 先問地勤,大多會提議坐右邊,上機千祈唔好塞耳仔,起飛前試過有機師會開咪提醒大家留意右定左,若咁啱坐錯位,架機又有空位,就可以調位。有些機師更會在富士山出現的瞬間,即刻見開咪提大家睇。