【 FlyJapan 】《關西攻略》杜如風｜第6集梅田＋心齋橋食買5大推介

Q: 最新的日本入境及疫苗要求詳情？

日本入境開關最新消息，本厚生勞動省公布了 最新入境放寬政策的詳情 ， 有打針及沒有打針都有相關的方法入境 。在入境日本前，建議 先用Visit Japan Web完成一部分檢疫手續 ，便能更快速地入境日本， 即睇使用教學 ，例如註冊步驟及同行家人如何填寫等，以及買定 日本電話卡 。而日本回港時，香港政府早前都發表了 最新的香港入境檢疫措施 。立即看。

今集關西攻略杜如風回歸大阪，被佢形容為「搞到佢破產」嘅大阪之旅！去大阪，當然唔少得要去食章魚燒！仲有平靚正雜貨店，除左食盡大阪地道美食，仲發掘到都有「少少平」嘅二手名牌店；平時都係等食嘅佢，今次仲親自釣魚，即刻回顧今集嘅好推介！

01 | 二手名牌店：RAGTAG

RAGTAG古著店除了有自家品牌RAGTAG（ラグタグ）以及rt（アールティー）的商品外，日本國內外的人氣品牌都可以在RAGTAG找到。RAGTAG最特別是有大量的二手名牌，經過RAGTAG重新定價，可以以較便宜的價格入手，款式仲好新淨！

喺呢間二手衫店，你唔止可以買，仲可以賣！佢哋會接收某啲品牌嘅衫同各類時裝配件，再根據款式同新舊定價，啱就可以賣畀佢套套現，然後再買過！

RAGTAG
地址：大阪市北區角田町2-7
交通：阪急電車「梅田」站2樓中央改札口出閘，再徒步5分即可到達
網頁：http://www.ragtag.jp/

02 | 自製章魚燒：蛸之徹(章魚燒)

梅田名物蛸之徹章魚燒，在Hep Five摩天輪附近有分店，可以動手DIY章魚燒，好玩又好食！想自己親手製章魚燒，記得下午5點前到達，而且只限平日有得玩咋！

蛸之徹
地址：大阪市北區角田町1-10
交通：從地鐵御堂筋線「梅田」站出站向東步行約5分鐘
網頁：http://www.takonotetsu.com

03 | 考你釣魚技術：釣船茶屋ざうお

人氣話題魚料店釣船茶屋ざうお關西唯一分店就在心斎橋，想親自釣自己條魚，魚杆由店家免費提供，只要買魚餌就可以體驗釣魚。

成功釣到鯛魚和鮃魚後，可以自選刺身、焼烤、唐揚炸魚以及魚寿司四款食法。等唔切魚上釣，亦可以點選一品料理。

釣船茶屋ざうお

地址：大阪市中央区日本橋1-1-13 サンルート大阪なんばB1F
交通：日本橋站向日本橋方向，步行約3分鐘
網頁：www.zauo.com

04 | 300円家品小物店：3 COINS + plus

心斎橋的3 COINS + plus，除了有300円均一價的生活雜貨，也有300円以上的商品。300円就可以買到日本製的杯杯碗碗、文具、輕便袋等，心斎橋分店仲有兩層可以慢慢行，平買大阪唔係難事！

官方網頁圖片
3 COINS + plus
地址：大阪市中央區心斎橋筋2-8-4
交通：從地鐵御堂筋線「心斎橋」站出站經過GU，步行約6分鐘
網頁：http://www.3coins.jp/

05 | 木村都戴GORO’S：RINKAN

學杜如風話齋：木村拓哉都戴GORO’S嘅時候，我點可以唔戴？RINKAN二手店有齊GORO’S、Supreme、Saint Laurent、Balmainzxac等名牌，以男裝居多。而GORO’S更是自品牌創辦人離世，部份設計從此絕版，想買經典GORO’S，就要去RINKAN入手啦！
舖頭仲有比較親民嘅徒弟版，不過一分錢一貨，師傅版係貴得有價值架！

RINKAN
地址：大阪市中央區心斎橋筋1-3-28 2/F
交通：心齋橋駅6號出口，進入心斎橋筋商店街，第一個路口轉右，約步行30米。
網頁：http://www.gsc-rinkan.com
按此讚好FB：http://goo.gl/dOxRVd