今集 關西攻略 杜如風 延續和歌山旅程,首先去到著名景點淡嶋神社睇人形娃娃再喺「雛流祭」慶典搞搞陣;之後坐「拉麵的士」食地膽推介拉麵;再去黑潮市場睇師傅示範即劏大型吞拿魚!最後杜如風以配合現場環境的鬼馬造型踏足特色果園,即摘即吃和歌山限定的士多啤梨品種!唔講咁多,即睇今集精華!

01 | 小心人形公仔:淡嶋神社

淡嶋神社供奉了醫藥之神,是「保佑女性之神」,信眾主要是來祈求治癒婦人病以及安產。每年3月3日「雛流祭」的儀式都吸引全國女性去神社參觀,由小木船載滿人型公仔,在神社前的海上行駛。淡嶋神社的拜殿亦放滿人形公仔,有傳人型公仔與人相處久了就會積累對人的思念,隨便棄置怕會招來不幸,所以善信都會把人型公仔放到神社供奉。

淡嶋神社
地址:和歌山市加太118
交通:南海電車「加太站」下車,徒步15分鐘
網頁:http://www.kada.jp/awashima/

02 | 斜住食無有怕:丸豐拉麵

和歌山有咁多拉麵店,唔知食邊間好?一於學杜如風坐「拉麵的士」食地膽推介拉麵!和歌山的拉麵當地人稱為「中華麵」,其中一家非常出名的丸豐拉麵,唔好畀拉麵店嘅外表嚇親,其實係因為地陷先會咁,已經幾十年歷史啦!個性不拘小節的店主精心製作的醬油口味湯頭堪稱絕品,除咗拉麵夠好食之外,傾斜的店更令人好奇:枱都斜埋點食麵?有創意的日本人就將枱面加上輔助板,好似一級級樓梯,放上拉麵完全無問題!丸豐拉麵的湯頭是店家獨家調製的醬油口味,食過都大讚。

真係成間舖都斜埋架!

加個輔助板就食得啦!

丸豐拉麵
地址:和歌山市有本615
交通:和歌山県「紀伊中ノ島」站徒步10分鐘
營業時間:17:00~隔天2:00(售完為止)
休息日:星期三(7~9月為星期二、三)

03 | 解剖吞拿魚show:黑潮市場

和歌山的黑潮市場主要是魚類、海鮮市場,以出售和歌山當地海產為主。喺黑潮市場﹐大家可以食到最新鮮嘅海鮮,入面有各類型餐廳,仲可以揀自助餐。最有睇頭的節目就是吞拿魚解體show,師傅會將一條巨大的吞拿魚解體,話你知平時食吞拿魚的「大拖羅」、「大拖羅」和「赤身」是指魚的那一個部位,睇完就知大拖羅有幾矜貴!嚟緊3月5日至6月26日仲有吞拿魚祭,千祈唔好錯過!唔好錯過嘅仲有梅酒,記得試下!

有咩新鮮得過即劏即食?唔怪得杜如風都話正啦!
黑潮市場
地址:和歌山市毛見1527
交通:乘JR到海南站再轉乘巴士約15分鐘,在「和歌山遊艇城(マリーナシティ)」下車
吞拿魚解體show:每日三次 11時、12時30分、15時
網頁:http://marinacity.com/chi/ichiba/

04 | 放題摘巨型士多啤梨 :貴志川観光いちご狩り園

每年1月至5月就是貴志川観光いちご狩り園開放採摘士多啤梨的時候,貴志川特有的超大粒士多啤梨,大小比一般士多啤梨大一半有多!場內有齊四個品種的士多啤梨,除了當地獨有的「まりひめ」,味道更香甜;還有「さちのか」士多啤梨,適合製作蛋糕;以及白色果肉的白士多啤梨和蜜桃色的桃薫士多啤梨。

貴志川観光いちご狩り園
地址:紀の川市貴志川町神戸238
交通:和歌山電鉄貴志川線「貴志川站」徒步15分鐘
開放期間:2016年1月10日~2016年5月中旬
開放時間:9:00~15:00(最後入園時間:14:00)
入場費:大人1500円、小童(小学生)1000円、幼兒(3歳以上)700円

05 | 人氣十足水果入饌:力壽司

水果當正餐,不一定是同減肥有關,和歌山一家壽司店就開創出水果加入壽司,和食,做出全新口味的料理。加入了水果的壽司特別受女性客人歡迎,感覺比一般壽司健康。用酸甜水果加入料理唔古怪之餘,口感亦好清新!

早前日本電視台都有介紹過,主持人仲大讚好味!

力寿し

地址:紀の川市粉河10-6
交通:JR和歌山線 「粉河站」 徒步7分鐘
營業時間:11:00〜18:00
休息日:星期一

延伸閱讀:

關西攻略 杜如風 第四集|挑戰滑翔傘再食30CM長吉列海老

關西攻略 杜如風 第三集|橫丁放題食足3小時+超正吉列和牛!

關西攻略 杜如風 第二集|黑門市場6大推介+梅田掃貨指南

關西攻略 杜如風 第一集|又食又買「平」遊大阪