貓星人,擁有極大力量,無論愛貓人士的還是平民,都難免被佢嘅嗲功撃中,估唔到,應用在謝曬皮身上一樣有功用。你咪睇佢平日畫的畫,好麻甩,好L好笑,Mean人入肉,但原來對住家中2隻貓貓Copy and Paste,都會突然慈母上身,疊字、嬌嗲聲出齊。

今年,遠赴倫敦修讀藝術的謝曬皮,雖然Long time no see,但貓奴心依然不變,面書、IG充斥住佢的撚貓相。作為愛好可愛動物人士協會會長的我,今次就跟住謝曬皮,展開一次倫敦尋貓之旅啦!

當謝曬皮聽到今次個採訪係到倫敦搵貓,佢已瞬間答應兼大呼好玩,是記者約訪問生涯中最快手一位。

在苦惱訪問地點時,皮皮又瞬間拋低句:「嚟我屋企附近啦!有好多貓架!搞到我成日返學遲到!」


她住在倫敦南面的Camberwell,返學行過幾條街就到,附近沒有酒店和景點,但卻卧藏不少Art students與貓,而區內的Benhill Road便是謝曬皮每日行返學的必經之路,不論早晚,總有小貓三四隻出來攔路,高峰時更有十幾隻,她更為牠們畫下這區的尋貓地圖。

Benhill Road不算很長,約200米,兩旁種滿大樹,樹陰下是新式住宅,有些是家貓,亦不乏街貓,但共通點是,牠們都好喜歡散步,但從不會走出這街以外。

「前幾日落雨,啲貓匿埋晒,不過放心,我之前幾乎日日都見到佢地,我仲擔心佢地會玩我,所以我特登唔同佢地講你會黎採訪佢地。」謝曬皮講起貓就興奮,不斷探頭找尋他們行蹤。

「有些屋主為方便貓貓走動,更為牠們添置小貓門,好自由。有隻我好鐘意的黑色衰衰(謝曬皮叫貓的代號)經常企係呢間屋門口,不過最近都唔見佢,有啲擔心,不過前面花園仲有另一隻我都好鐘意的肥佬,最叻表演反肚。」

是聽到皮皮的腳步聲嗎?肥佬已企定定等謝曬皮。「肥佬,好彩有你俾面我!」隨即從袋中拿出貓糧,只見肥佬即刻雙眼發光,尾巴上揚,吃個不停,又不斷用臉頰 在腳邊擦呀擦,勁識做的撒嬌行為令皮皮心軟,又給她多吃一點,我稱之為可恥的呃飲呃食行為,哈哈。


「嘩!你專登帶貓糧架?」「我日日都帶定!呢到啲貓咁得意,好難離開佢地返學囉。」

下一頁:參見貓站長

今年7月即將回歸兼出新書《Long Time No Se5》,今次唔係遊記,唔係吃喝玩樂,而係收錄同update她在英國生活見聞兼不惑,當然仲有她與英國貓的樂事啦!

書名:Long Time No SE5
價錢:$88
出版社:青春文化
出版日期:7月20日

 

相關文章

英倫留學記 #03 | 喺英國嘅生活,居然滿足到我成為超市「嘟嘢員」嘅夢想⋯⋯

英倫留學記 #02 | 英倫廚神懺悔錄

英倫留學記 #01 | 英國嘅朋友點樣Say Hello?