第二站,Gipsy Hill火車站。

其實要謝曬皮同記者周圍去搵貓,係好高難度,因為佢一啲都唔「勾高榮」。平日皮皮同貓一樣,最鐘意就是攤係家,好深閨,今次之所以請得郁 佢,其實是呢隻每日打躉Gipsy Hill火車站的黑白貓Fanny,她巡站的頻密程度,絕對拍得上返工的站長!

有貓絲更特意幫Fanny開Twitter(@Gipsyhillcat),日日Update Status同行蹤,吸引不少貓粉特意來野生捕獲,求合照一張。

採訪當日我們下午3時到達,車站不見Fanny,失落難免,但尋貓也講貓緣。皮皮向真車長打聽貓兒蹤影,車長說:「Fanny日日都係到,想撞佢,最好係返工和放工時間。」突然,月台邊有個黑白貓影走過,是Fanny嗎?其他外貌特徵,近乎一樣,但皮皮追前,貓仔竟然避走,跟Twitter上不時坐人大脾的Fanny有落差。

這時,皮皮駛出殺手鐧:搖貓糧!只見Fanny即刻企直,對住皮皮Salute,繼而跳上膝蓋找吃,好現實啊!

不過,摸住Fanny頭仔時,見佢一臉朦豬眼,看似好舒適的樣子,又嬲唔落,確是好治癮喔。

這時,Fanny忽然一躍而下跟佬走,正當我以為他主人接她走時,細問才知他是附近的街坊,把一大碟魚肉放在地上讓Fanny吃到飽之餘,更拿了膠箱和毛衣放在車站附近,讓她避雨。「我擔心她被風吹雨打,每日都要來看看她才放心。」貓站長果然深得民心。

下一頁:與家貓Long D

今年7月即將回歸兼出新書《Long Time No Se5》,今次唔係遊記,唔係吃喝玩樂,而係收錄同update她在英國生活見聞兼不惑,當然仲有她與英國貓的樂事啦!

書名:Long Time No SE5
價錢:$88
出版社:青春文化
出版日期:7月20日

相關文章

英倫留學記 #03 | 喺英國嘅生活,居然滿足到我成為超市「嘟嘢員」嘅夢想⋯⋯

英倫留學記 #02 | 英倫廚神懺悔錄

英倫留學記 #01 | 英國嘅朋友點樣Say Hello?