旅遊好像變成了定律,得閒唔出去行個圈,好似同朋友無話題,俾人笑你連ABC餐都未去過就唔好啦!(港豬心中ABC餐即係台灣,泰國,日本OR韓國),最近八卦新聞講到農曆年假期期間,今年什麼名人帶隊的豪華日本團收七萬,係咪傻咗?七萬夠我們去一個月南美洲、兩個月歐洲!

報導又話台灣團收費平均加兩成,日/韓團收費加12%至122%不等,明明YEN就好低、台灣就好近。我明白好多人可能一年只有一個假期,所以豪得起,反正儲埋成年彈藥,但想旺季旅遊,其實早少少計劃,也可以去得輕鬆,剩低的錢去多次旅行好過啦,以下都是個人小小tips,跟大家分享下:

01|慳家短線篇:Bye Bye ABC餐!冷門DD、好玩啲

日韓台,泰國,新加坡貴就貴硬,因為熱門又係普遍人士的comfort zone嘛,所以大時大節就咪去囉!

選擇冷門少少的地方(其實呢啲地方先係我杯茶,所以都唔覺得特別冷門),我試過農曆年期間去印度兩星期,機票、酒店都無收附加費。柬蒲寨有cheap flight去,次次big sale都屬於易撲飛的地點,尼泊爾直情正啦!用Asia Miles換飛係容易又抵,雖然無廉航去,但無咁多旅行團競爭,附加費都多唔到幾多,日韓台留番淡季或者long weekend去啦?何必同人迫?

心水選擇:印度、尼泊爾、柬蒲寨、老撾、緬甸

前往印度票價: 約HKD3,600~ (五一假期)
Jet Airways: www.jetairways.com

前往尼泊爾票價: 約HKD4,980~5,757 (復活節假期)
港龍: www.dragonair.com

下圖可見,其實在5月的淡季前往尼泊爾價錢都差不多!

 

02|豪遊篇:反正都係貴!半長途避世

日韓台,泰國,新加坡貴就貴硬,單單一張機票可能都加你幾百附加費,即係30-40%不等;既然如此,不如選一啲平時都係貴貴地(例如斐濟航空直航斐濟)平時平極都有個譜,要成七千蚊,如果你旺季去,如果有附加費,計落所佔比例就相對低!

又例如去南美,機票都萬五至兩萬不等,Airline都唔敢收咩附加費啦! 理論係:越貴的地方,一係收唔收多都係貴,一係已經好貴,再唔敢收多。(P.S. 我今次係講「附加費NO WAY」,不是講「平遊世界」)

心水選擇:斐濟、阿根廷、智利、大溪地

前往斐濟票價: 約HKD7,950~ (五一假期,七一假期,中秋假期)
Fiji Airways網址: www.fijiairways.com

前往阿根廷 – 布宜諾斯艾利斯票價: 約HKD15,480~ (復活節假期)
AirFrance網址: www.airfrance.com.hk

03|住宿篇:不止hotel咁簡單

好多時酒店因為要維持生意穩定,都需要同旅行社合作,招待大大小小的旅行團,咁到左旺季唔休做時,就梗係加價啦!所以我地好多時都會尋找一下其他住宿的可能性,hostel通常都係第一選擇,但hostel假日都會加價,不過加極都係平,可惜會比較快無房,但不想俾硬性被人加幾多就幾多嘅時候,去Airbnb/booking.com搵apartment住,可以直接同屋主傾,價錢有平有貴啦,但因為你係香港係紅日,係其他國家又未必係假期,好多屋主都不會加附加費。仲有去camping,外國camp site設備通常好好,慳錢之餘又真係可以體驗特色旅遊,不失為另一好選擇。

例子: Amsterdam 阿姆斯特丹,有個朋友係賞花旺季時,Hotel,Hostel都full,結果book 船屋住,無加價之餘,仲可以一嘗特式住宿。可以住Hotel, Houseboat, Hostel, Campsite

參考網址: www.iamsterdam.com

下一頁:機位心得&行程玩到盡設計!

04|機位篇:專揀九唔搭八Airline,飛得到就當你贏!

當你想去新加坡,你應該即刻諗起坐Jetstar, Scoot, Tiger?其實千萬唔好放過其他airline,我上年復活節幾日去新加坡,坐United Airlines,你以為去美國先搵UA,但原來其他航點有時都好抵!時間都ok 嫁!又或者去中東原來Air France都有做,我地仲可以用Flying Blue 的miles 換飛!

前往新加坡票價:約HKD1,537~ (五一假期,七一假期,中秋假期)
Expedia網址:www.expedia.com.hk

前往以色列票價: 約HKD6,230~ (端午節假期)
AirFrance網址: www.airfrance.com.hk

05|訂票心得:有早無遲

如果唔係廉航,可以的話,預早至少半年買機票,early bird幾時都平d㗎,就算無sale price,至少係未charge附加費時出手,咁就唔使捱貴機票啦!事前做定功課,知道機票最低價,正價的水位,旺季時撞到低過正價咪出擊囉! 盲目等待最低價或者promotion,到等無可等而開始加價時,可能得不償失。

廉航搶飛係最熱門,全年不停都會有很多BIG SALE,周年減價、節日減價,甚至有last minute的sale,我就不詳談,留番睇”又X啦”,我個人就好懶襟F5的,所以無咩心得。

06|行程設計:彈性去玩時間

如果一定要節日出發的話,不要太貪心,一定要第一日紅日出發,最後一日假期回程,安排到的話,早一,兩日出發 OR 遲少少返,例如年廿八就飛,或者年初四先飛,初一或者初十先返,務求避開最高峰幾日,價錢抵d,人又少d,不要去盡咁多日假期,又或者可以去更長嘅假期,時間彈性d,自然選擇多d。

舉個例子,今年農曆新年假: 2月8、9、10日(周一至三)

建議:請3 (2月5日,11日-12日),放11日長假,5號出發,11號回港,去7日就算

相關文章

惡搞也可以是藝術@黃心遊世界

黃心遊世界亞洲篇-柬埔寨吳哥窟(上)

黃心遊世界亞洲篇-柬埔寨吳哥窟(下)