沖繩4日4夜自由行目錄
回到目錄
沖繩4日4夜私人訂製行程
經常要來回巴黎及杜拜的法國人人妻Carmen，喜歡和老公一起乘坐不同航空公司的頭等艙和商務艙。早前Carmen和朋友相約到沖繩自由行，嘗試了私人訂製行程。想知道更多詳細分享記住Follow埋 IG @frenchwifeindubai同GOtrip的Facebook及IG啦！
| 日數 | 活動 | 晚餐 |
|---|---|---|
| 第1日 | 3點到達那霸機場 | 國際通屋台村 |
| 第2日 | 玉泉洞、魚市場、瀨長島 | Sake Laboratory |
| 第3日 | 美國村、残波岬 | La BOMBANCE Kourijima |
| 第4日 | 士多啤梨園、Orion啤酒團 | SIX |
| 第5日 | 早餐、離開沖繩 | – |
今次Carmen由香港出發到沖繩乘位了香港航空的商務艙，大約下午3點到達那霸機場。今次Carmen選擇入住那霸的STRATA Naha酒店，房間面積約65至67平方米，部分套房可眺望海景。此外，地理位置極為便利，緊鄰單軌電車「美榮橋站」，步行約30秒即可到達，距離國際通商店街步行約8分鐘直達，整理好行李就出發去食晚餐。
沖繩4日4夜Day 1｜國際通屋台村
入住酒店稍作休息後，Carmen就到「國際通屋台村」食晚餐，國際通屋台村是一個集結多間小吃攤和餐飲店的美食街區，氛圍熱鬧且充滿地方風情，繩豬肉料理、海鮮、沖繩麵、燒烤、串燒等多樣美食，價格親民，是個體驗當地夜市文化的好去處。
沖繩4日4夜Day 2｜玉泉洞
位於沖繩世界文化王國內的玉泉洞，是日本第二長的鐘乳石洞，全長達5公里，目前開放部分約890米供遊客參觀。洞內奇岩林立，流水潺潺，加上燈光映照，仿如進入夢幻地底世界。遊客常形容此處為「琉球的地底寶藏」。 Carman指：「之前有去過士耳其同黎巴嫩嘅鐘乳石洞，玉泉洞好矮，可以近超距離見到鐘乳石、石筍、石柱等不同形態碳酸鈣沉澱物」。
沖繩4日4夜Day 2｜泊港魚市場
Carmen去海鮮市場吃龍蝦、沖繩特有的海鮮夜光貝、喜知刺，再到樓上加工成刺身，連加工費合共32,000円（約1,712港幣），Carmen讚：「好耐冇食過咁新鮮嘅海鮮，揀咗最細隻嘅龍蝦食到勁飽，夜光貝都好新鮮又大隻。加上自己玻璃肚，食完冇肚痛，仲要呢個價錢真係好抵食」。由於部分店鋪可能會較早打烊，建議早上7點至9點前往，能吃到最新鮮的海鮮。
沖繩4日4夜Day 2｜瀨長島
然後Carmen就去了瀨長島看日落，它是一座與本島相連的小島，Carmen指：「呢度可以睇到好多飛機降落，有ANA、國泰、香港航空等，仲第一次見到戰機降落同起飛，嘈到不得了，但親眼見到戰機配日落，真係好難忘」。
此外，島上有很多酒吧，「Umikaji Terrace」階梯式白色建築群，集結咖啡店、手工藝品、小眾品牌與海景打卡點。Carmen指：「成個島嘅環境好舒服， 而且酒嘅價錢相宜，最特別係居然喺日本見到咁多美國國旗，覺得好得意」。
回到目錄
沖繩4日4夜Day 2｜Sake Laboratory
晚上Carmen到了瀨長島的「Sake Laboratory」，初次嘗次Draft sake（生酒），世界首創的「SAKE×AWAMORI」融合酒款。 Carmen指：「因為沖繩冇乜Sake飲，於是去咗呢間主打生清酒嘅Bar，店員即場斟清酒，米味同香氣都好正，飲咗3杯」。
沖繩4日4夜Day 3｜美國村（American Village）
位於北谷町的美國村是一座結合商場、娛樂、餐廳與摩天輪的複合式商圈，洋溢著美式風情。這裡有不少時尚品牌店與特色咖啡館，是年輕人與家庭的最愛。Carmen形容：「海邊好多Cafe、酒吧，如果花1日喺度慢活都得」。
沖繩4日4夜Day 3｜殘波岬（Cape Zanpa）
殘波岬以壯闊海崖與白色燈塔聞名，是沖繩本島西側最受歡迎的觀景地點之一。站在崖邊遠眺大海，海風吹拂令人心曠神怡。天氣晴朗時，可見夕陽與浪花交織的壯麗畫面。
沖繩4日4夜Day 3｜Kouri Villa Indigo古宇利島
Carmen入住了古宇利島的「Kouri Villa Indigo」，每晚人均約2,000港幣。Carmen指：「我哋兩個人淨係Book咗一層，好大有兩間房，露台望海睇到日落，好靜好舒服，相比隔離嘅Yawn每晚人均約7,000港幣，呢間就好抵住」。
沖繩4日4夜Day 3｜5星級酒店食Omakase——La BOMBANCE Kourijima
La BOMBANCE Kourijima 是位於沖繩古宇利島五星線酒店 One Suite THE GRAND 酒店高級創意日料餐廳，由東京西麻布總店主廚岡本誠與梶原真司掌廚，結合日本傳統與法式創意料理，強調沖繩當地食材的季節感與鮮味，窗外可望見古宇利大橋夜景，氣氛浪漫
餐廳提供多款精緻套餐，Carmen就試了壽司和天婦羅為主的「TAIYO course」（約29,700日圓）， 另加14,300円配紅酒和清酒，每位44,000円（2,377港幣）。
第一道是魚翅節瓜，Carmen指：「雖然睇落個樣麻麻地 ，但食落好清甜，舒服」。然後是沖繩豬肉， 沖繩豬肉中最著名的是「阿古豬」，脂肪甘甜美味，脂肪融點低。Carmen讚：「整到好似叉燒咁，好好食」。
Carmen認為印象深刻的菜式有天婦羅、牛肉、青瓜章魚飯：「我好鍾意食天婦羅，呢個天婦羅炸得好脆，炸皮薄，裏面隻蝦又新鮮彈牙，拍得住出面專做天婦羅嘅米芝蓮餐廳」、「我好怕啲好肥嘅牛，但佢唔會太肥，煮得啱啱好，入口又重牛味」、「我平時唔鍾意食章魚，餐廳將章魚煮得煙煙靭靭，好似彈牙嘅Mochi咁，又唔會太硬同有腥味，係一道做幾得好嘅菜」。
第一枝酒就是來自法國Burgundy的Meursault Premier Cru。Carmen大讚餐廳選酒選得好：「開Meursault嘅酒已經覺得值100分，因為呢枝酒出面開有機會要$2,000枝」。Carmen認為美中不足的是選酒有種亂搭的感覺：「雖然啲酒好靚，但稱唔上Pairing有啲亂嚟，啲酒係跟List咁上，同食物唔夾，唔同出面嘅米芝蓮餐廳。我要自己配返，例如第1杯酒同第3道菜會夾啲咁樣」。
整體而言Carmen指：「好味到不得了，Wine Pairing用法國靚酒，Sake都係我未試過嘅，估唔到古宇利島入面會有咁好嘅餐廳，缺點係廚房油煙大咗啲」。
沖繩4日4夜Day 4｜士多啤梨園
冬春季期間，沖繩有多個觀光草莓園可供遊客採摘當季士多啤梨，果實飽滿香甜，園內還會提供即摘即食的體驗與製作果醬教學。Carmen指：「環境好乾淨，場內有6種日本士多啤梨可以摘，食到唔同口感，每粒又大又甜，食到好飽。每位入場費2,500円（約150港幣），可以任摘40分鐘。」
沖繩4日4夜Day 4｜Orion 啤酒工場
因為當日沖繩落雨，Carmen就安排了參觀沖繩代表品牌Orion Beer工廠，了解啤酒製程，導覽後更可免費試飲最新鮮的生啤酒。亦有手信專區。Carmen指：「入面都乾淨整齊，可以近距離聞到啲啤酒酵母味，真係臭到不得了」 。
沖繩4日4夜Day 4｜古宇利島心形岩
「古宇利島心形岩」或「愛心石」（ハートロック），是沖繩古宇利島上非常受歡迎的自然景點，由兩塊形狀酷似心形的礁岩組成。附近有古宇利海洋塔、海灘及多家咖啡廳，是古宇利島一日遊必訪景點之一。
沖繩4日4夜Day 4｜SIX 餐廳
位於度假村內的SIX主打法式與沖繩融合料理，空間感十足、擺盤藝術性高。Carmen將SIX比較上一間La BOMBANCE Kourijima比較指:「好失望，同樣一位50,000円價錢，加咗Wine Pairing，酒又差，服務冇咁好，食物簡直係難食，全餐飯得1至2道菜好味，唔值呢個價錢」。
沖繩4日4夜｜費用
第5日早上Carmen隨心入了一間日式早餐店，食飽就回港了。今次Carmen 和朋友到沖繩4日4夜的費用每人$24,000，包香港航空商務艙來回機票、酒店、餐廳。Carmen極力推薦大家去瀨長島、Sake Laboratory、泊港魚市場、La BOMBANCE Kourijima和士多啤梨園。
更多Carmen的航空商務艙開箱/行程分享：
紐西蘭自由行3日2夜私人訂製行程！$12,275去勻9大景點
