終於約到男神去旅行!

旅行朝夕相對係你為自己加分嘅機會,要令男神對你留下好印象,就要記住以下 5 件事。男神的心手到拿來!

01 | 記得帶備愛心藥箱

10 個男神,9 個瀟灑,多數帶幾件衫加部相機,最多加多罐 Gel 就說走就走。沿途有甚麼頭暈身㷫、腸穿肚爛,基本上靠晒妳的防曬、必理痛、喇叭牌、保濟丸、蚊怕水、木瓜膏… (+10分)

02 | 請惡補地理知識

南非唔是喺南美嗰頭、紐約唔是美國首都、摩洛哥在非洲而摩納哥在法國、皇家馬德里是球會唔是國家、南極只有企鵝沒有北極熊……

沒錯,讀萬卷書不如行萬里路,但行萬里路前,少不免還是要讀一下書的。男神從少就是靠足球籃球認識世界,出走時想跟男神嗲得兩咀,記得先溫習一下。 (+10分)

03 | 學懂執行李

我知,好多嘢要帶嘛!我知,好多嘢要買嘛!但多還多,嘢,還是要自己執的。女生,特別多私密東西,沒有人比妳更清楚妳的東西該放在哪,也沒有人比妳更清楚還有甚麼東西未帶齊未買齊。

男神唔是你肚入面條蟲,所以執行李,最好還是靠自己,而如果妳能令男神煩少個行李,信我,絕對有分加。(+20分)

04 | 請不要,重裝甲

有一件事妳一定要認清,肯跟妳出走的男神,要不是想看清楚妳的廬山真面目;要不就是不介意妳的素顏。所以,除非妳肯早幾個鐘起身喬裝,可以準時出發。

否則,請‧不‧要‧把‧時‧間‧浪‧費‧在‧化‧妝‧上

其實簡簡單化個淡妝,但求出去玩時影相靚靚女女就已經 very ok。

出走不是出 show,何況和男神出走,更是機會難逢,留返啲時間一齊嘆酒店個 buffet 早餐仲實際。 (+30分)

05 | 相機食先,但唔該快

我知道日本的刺身特別生勾勾,台灣的咖啡特別文青,意大利的意大利粉特別意大利。人在異地,機會難得,自不免每一道菜都特別有紀念價值,相機食先,絕對能理解。

但,請 ‧ 一 ‧ 擊 ‧ 即 ‧ 中。

千祈千祈,唔好影完又影,多角度影完,再拎上手自拍,仲要逐樣逐樣影,影完仲要叫男神幫妳同刺身呀、咖啡呀、意大利粉呀補多張團體相。妳要知道,妳的仙氣,是唔飽肚的;男神,是會肚餓的;而(除刺身外)冷掉的食物都是惡啃的。所以影食物呢家嘢,煩請快狠準,功德無量,阿彌陀佛!(+50分)

(原文刊於25歲,我們離家出走 ,經授權轉載)

延伸閱讀:和女神出走 | 你要注意的5件事

下一頁:記唔記得同女朋友第一次旅行係咩感覺?