恭喜你!約到女神去旅行係叻仔嘅!如果想女神對你另眼相看,從此不再當兵,你一定要熟讀以下加分位:)

文章授權:25歲,我們離家出走  |圖片來源:ViuTV《新世紀山陰戀事》

01. 不要以為擔擔抬抬就是兵

記著,那是風度。

試問女神大大個背包行李箱,十幾 kg 重甸甸,有時還有大量 hand carry 手信,難道你忍心女神一個人抬?

更何況,你等她逐樣抬,不如自己一鼓作氣搞掂佢,省時快捷免勞氣。(+5分)

02. 最緊要識睇地圖

世事就是不公平,唔知邊個設定,男生一定要有方向感。
所以,無論你用紙本地圖,還是 Google Maps,出發前記得學懂 map reading,起碼前後左右 ,自己身處何方,女神一問你就知。(+5分)

03. 永遠給背包/行李箱預留空位

一來給女神放臨時多買的手信;二來給女神放大量你不知而只有她知道用處的液體。
記著,在酒店 checkout 就算執好行李,到機場 check-in baggage 時,才是執行李的真正死線,預留行李空位,未雨綢繆,永遠對自己有好處。(+10分)

04. 永遠要多袋幾個後備景點

計劃永遠趕不上變化,這是出走的金科玉律。有時計劃了要去的景點,可能臨時維修、可能剛好關門大吉、可能大排長龍實施人潮管制、可能根本玩一陣就悶……太多太多可能,唔想同女神眼定定互望,然後又係去食嘢 shopping,記得出發前做多少少功課,有突發事情都可隨時轉場。(+10分)

05. 學懂捕捉女神最美一刻

識影相?未夠!識影女神,先係王道中的王道。
哪邊臉、怎樣企、擺 pose 還是隨機按快門,這些全都是足以定生死的學問!

以下簡單幾招,希望幫到大家

  • 有幾 wide 影幾 wide 女神置中(放兩邊會變形啊),後面加個大景,多數衰極有個譜。
  • 散景散景散景、大光圈、長焦距,對焦女神仙氣滿瀉的臉孔按下快門,前清後矇,即成。
  • 逆光拍攝,正向太陽,收光圈,女神背光夠格調之餘,最緊要係全黑陰影,佢擺咩樣你都唔使驚。

前四件事加唔到分唔緊要,影相呢回事,一定要操練好!(+50分)

(原文刊於25歲,我們離家出走 ,經授權轉載)

延伸閱讀:和男神出走 | 你要注意的5件事