【日本FamilyMart必買】日本便利店幾乎每個星期都有新商品上架,款式多得一星期都唔知試唔試得晒!日本網友對FamilyMart近期推出嘅新品做咗人氣調查,歸納出8大最多網友好評嘅商品。一齊睇睇有咩好介紹!

撰文:C |資料來源:まとめ|圖片來源:FamilyMart、Twitter

日本FamilyMart必買 8大人氣新品

1|Cheese Cake Frappe【330円/約HK$23】

使用車打芝士、荷蘭高達芝士、忌廉芝士等3種芝士製作而成,帶有濃厚芝士風味。並與帶有淡淡酸味嘅蘋果醬混合,味道清新易入口,飲到底都唔會覺得膩。

圖片來源:FamilyMart

芝士味濃厚得令人震驚,但同時又唔會搞到一口芝士臭,既特別又好味。網友甚至話味道高質到超越便利店水平!

2|珍珠奶茶冰【198円/約HK$14】

風靡日本嘅珍珠奶茶,終於以雪糕冰嘅新形式登場!呢款於4月底剛推出嘅奶茶冰,正中間係牛奶雪糕,食到最後一啖都仲食到雪糕。試食過嘅日本網友都一致好評,珍珠嘅分量都非常令人滿意。

圖片來源:FamilyMart

3|士多啤梨果肉忌廉梳乎厘布甸【290円/約HK$20】

梳乎厘同布甸嘅中間夾入咗士多啤梨忌廉、士多啤梨果肉、士多啤梨醬。士多啤梨醬有濃濃士多啤梨味,又因為加入咗新鮮果肉,令味道變得清新易入口。

圖片來源:FamilyMart

4|士多啤梨朱古力軟曲奇【180円/約HK$13】

一口size嘅粉紅色小曲奇非常可愛,食用方便。口感柔軟,有如溶在口中一般,士多啤梨嘅香甜味道會令人覺得被治癒一樣,充滿幸福感。網友表示,呢種柔軟順滑嘅口感好易令人上癮,想一直食落去!

圖片來源:FamilyMart

5|士多啤梨x牛奶甜甜圈麵包【138円/約HK$10】

士多啤梨忌廉酸酸甜甜,煉奶忌廉亦非常濃厚,網友稱,左一啖、右一啖咁食味道好特別,酸酸甜甜嘅味道不斷交錯,非常好食,麵包又夠軟,整體感覺都令人滿足。

圖片來源:FamilyMart

6|雞蛋x發酵牛油咖啡卷【168円/約HK$12】

外層有香甜嘅砂糖包圍,內側則是帶微苦嘅咖啡味,正好能中和味道。網友指,感覺非常高級,係有著成熟感嘅一款商品。

圖片來源:FamilyMart

7|全麥粉朱古力撻【168円/約HK$12】

中間嘅朱古力餡料口感柔軟輕盈,朱古力味濃厚,撻皮鬆脆,味道豐富。網友更稱,被朱古力餡嘅香味治癒身心,如果有多買3個就好喇!

圖片來源:FamilyMart

8|北海道產士多啤梨煉奶雪條【90円/約HK$6】

喺便利店出售嘅雪糕/雪條類產品中,卡路里控制於100左右,屬於較為低卡路里嘅甜品,即使係當宵夜咁食,都唔怕有罪惡感!加上一支只需90円,好抵食!

圖片來源:FamilyMart

相關文章