【日本LAWSON必買】冇錯,日本便利店三大巨頭之一嘅LAWSON又再創出新紀錄!繼超熱賣「惡魔系列」後,今次又有僅僅推出3日就錄得超過100萬銷量嘅新發售甜品!刷新LAWSON最快破百萬銷量嘅紀錄。一齊睇睇到底係咩甜品咁犀利!

撰文:C|圖片:LAWSON

日本LAWSON必買!超人氣甜品「BASCHEE」

LAWSON於3月26日發售新面市嘅甜品「BASCHEE」,銷量於3日間錄得100萬個,刷新咗「Premium Roll Cake」嘅最快破百萬銷量紀錄!到底點解呢款甜品會有絕頂人氣呢?

BASCHEE

BASCHEE

「BASCHEE」係參考歐洲巴斯克地區嘅人氣芝士蛋糕而製成。表面澆有焦糖,最大特徵係口感上既似rare,亦似bake。使用北海道產淡忌廉及牛奶、忌廉芝士進行多次比例調整先至研發成功。

「BASCHEE」係參考歐洲巴斯克地區嘅人氣芝士蛋糕而製成。

1個連稅215円(約HK$15),3日間銷量達到約106萬個,突破「Premium Roll Cake」5日間售出100萬個嘅紀錄。現時仍銷情理想,預計7日間可以賣出超過250萬個。

推薦食法

據LAWSON嘅負責人東條仁美小姐所講,將「BASCHEE」放入冰櫃冷藏後,攞出嚟等到半溶雪狀態,可以有更層次豐富嘅口感。

放入冰櫃冷藏後,攞出嚟等到半溶雪狀態,可以有更層次豐富嘅口感。

網友評價

日本網友:試食咗3日間熱銷100萬個嘅話題商品「BASCHEE」喇!嗯,如果話口感偏向邊一邊,感覺上接近bake多啲,但感覺似係烤過嘅布丁加上焗芝士蛋糕咁嘅2層口感,好味!

日本網友:昨日買嘅「BASCHEE」好好味!然後我被店員問了:「好快就賣斷晒,乜好好味㗎?」

日本網友:抱持著說到底也只是便利店的程度,本著被騙的心情買來試試,真的是最近便利店甜品都沒有的美味。雖然覺得有點貴,但因為很美味,所以就算了。

圖片來源:Yahoo!Japan留言區截圖

下一頁:日本LAWSON必買「惡魔系列」新產品|網友:邪惡到上晒癮!3個月狂賣1,700萬個

相關文章