【日本LAWSON必買】日本便利店出名商品又多又好食,去親都要試下唔同口味嘅雪糕、小食、飲品。而舊年10月,日本LAWSON就推出咗名為「惡魔飯糰」嘅超人氣商品!唔止造成網絡巨大回響,連電視台都出動採訪!今日LAWSON又宣布有同系列新產品即將發售喇!

撰文:卡|圖片:LAWSON

日本LAWSON必買!

繼「惡魔飯糰」後,日本LAWSON宣布於1月22日起,全國店舖將推出新商品「惡魔麵包」及「惡魔多士」!

嚟到日本,點可以唔行便利店!季季都有新商品發售,去幾多次都仲買到嘢!

「惡魔麵包」售價:150円/約HK$11

於薄身麵包上放上天婦羅碎粒及石蓴(海藻的一種),澆上加入咗天婦羅汁嘅醬汁及蛋黃醬製作而成。

「惡魔麵包」售價:150円/約HK$11

「惡魔多士」售價:125円/約HK$9

使用芝士忌廉及細砂糖等材料做toppings,加以烤焗製成。喺顧客之間因「會食上癮!」而爆紅。

「惡魔多士」售價:125円/約HK$9

升級版「惡魔飯糰」售價:110円/約HK$8

現時出售中嘅「惡魔飯糰」,將會加入芝麻油及蔥,製成升級版新口味,並於1月15日起發售,取代舊款。

升級版「惡魔飯糰」售價:110円/約HK$8

「惡魔炒烏冬」售價:399円/約HK$28

使用豉油、味醂、鰹魚及昆布製成混合高湯調味,再灑上加入咗海藻粉嘅天婦羅碎粒一同品嘗。發售日同樣為1月15日。

「惡魔炒烏冬」售價:399円/約HK$28

舊年10月發售嘅「惡魔飯糰」,係使用咗以白高湯烹煮嘅白米飯,並加入咗天婦羅碎粒、青海藻粉、天婦羅汁等材料混合製成嘅飯糰,因「味道邪惡得令人瘋狂上癮」而熱爆全日本!唔止成為網絡熱話,更有電視台出動採訪!

「惡魔飯糰」hit到上埋電視!去到日本,萬勿錯過喇!

一般而言,新飯糰商品嘅銷售額多數都係1個月賣100萬個左右,但「惡魔飯糰」喺發售不足3個月內已經賣出1,700萬個!受歡迎程度爆燈!更破咗「吞拿魚蛋黃醬飯糰」保持咗20年嘅最高銷售額第一名紀錄!去到日本,記得要試喇!