【生活冷知識】諗深一層,唔少一直以為係「理所當然」嘅事,似乎都係「聽番嚟」,冇去在意過源頭或者求真,就默默信足咁多年……就好似話雞蛋高膽固醇不宜多食,但原來並冇呢回事!簡直震驚74億人口!如果話你知,世界通用嘅量度肥胖嘅BMI標準值,只係一個商人用嚟賺錢嘅「工具」,你又會唔會覺得唔知好過知呢?

撰文:C|圖片:《林先生が驚く初耳学!》

10個「禁忌」生活冷知識

第10位:「今日內享用」≠今日製造

第10位:「今日內享用」≠今日製造

唔止日本,喺香港買現成食品,例如蛋糕,都會叫你喺當日內享用。大家都會理所當然咁認為,因為係當日製造,為咗保持鮮度而要喺當日食晒啦!

寫有「請於本日之內享用」唔代表係當日即製!

不過,其實當日所買嘅蛋糕,有可能係經「再加工」出售!分辨係當日即製定係再加工商品,可以睇下橫切面。新鮮製好嘅蛋糕,海綿蛋糕部分非常挺身,而再加工的產品,因為海綿蛋糕吸收咗水分,而會變得扁塌,分界線會變得彎彎曲曲。

要分辨蛋糕係當日即製定係再加工商品,可以睇下橫切面。

糕點師指,有啲甜品店會將蛋糕劣化咗嘅部分重新整理,然後再出售。例如先攞走放喺表面並已變乾嘅士多啤梨、將蛋糕周圍嘅忌廉刮走,然後重新抹上忌廉,最後放上新嘅士多啤梨。

現任糕點師表示,部分店舖會將蛋糕劣化咗嘅部分修整好,然後再出售。

節目嘉賓話,雖然估到唔會全部店都係當日即製即賣完,但好似生日咁呢啲一年一度嘅大日子,食唔到一個新鮮蛋糕,其實都幾受打擊……

雖然要睇保存方法、季節及種類等情況,但其實蛋糕放到翌日再食都冇問題。

第9位:排汗≠排毒

岩盤浴其實冇排毒效果?!

大受女性歡迎嘅岩盤浴,最常聽到嘅功效介紹,總會有排汗排毒功效!但原來事實上,岩盤浴並冇排毒效果!

網絡上都不斷言傳岩盤浴有效排毒。

節目主持人林修解釋,身體中分解毒素嘅過程,係由肝臟同腎臟分解毒素,然後變成小便、大便排出體外,而如果毒素同汗水混埋一齊排出,理應非常之臭。理論上毒素冇可能經由排汗而排出體外。

主持人林修話,如果毒素同汗水混埋一齊排出,理應非常之臭。

除此之外,出汗只係為咗調節體溫而排出水分,同排毒並冇關係!

出汗其實只係為咗調節體溫而排出水分!

一日嘅出汗量,最多最多只有2L。

一日嘅出汗量,最多最多只有2L。

而喺呢2L嘅汗水之中,可以排出嘅毒素只有0.1納克,亦即係只有1/100億g!

2L汗水之中,可以排出嘅毒素只有0.1納克,亦即係只有1/100億g!

排唔到毒都唔緊要!大學教授話,岩盤浴對於去水腫同疲勞回復非常有效果!

岩盤浴有去水腫同疲勞回復效果!

岩盤浴雖冇排毒效果,但有去水腫效果!

第8位:鳥取砂丘係靠人工維持?!

第8位:鳥取砂丘係靠人工維持?!

睇番1991年嘅相片資料,鳥取砂丘其實本身係一片草原!

1991年嘅鳥取砂丘原來係一片大草原!

據當地人所講,鳥取觀光熱點嘅鳥取砂丘,必須定期進行除草,先可以保持砂丘面貌!咁點解砂丘會生草?

據當地人所講,鳥取砂丘必須定期進行除草,先可以保持砂丘面貌!

咁係因為建設咗防風林,令啲砂唔好被風吹走,但另一方面就導致雀鳥排泄物、植物種子等都無法被風吹走,令砂丘漸漸綠化,所以就要靠除草嚟保持砂丘嘅形態面貌!

鳥取砂丘係靠除草活動嚟維持砂丘嘅面貌。

而另一個位於日光嘅觀光熱點,日本三大名瀑布之一嘅華嚴瀑布,原來都有秘密!

日本三大名瀑布之一嘅日光華嚴瀑布,原來都有秘密!

令觀光客嘆為觀止嘅華嚴瀑布,排出量原來係由電腦控制!

華嚴瀑布嘅水量原來係靠電腦調整!

喺中午較多觀光客嘅時段,排水量就會較多,一到夜晚,水量就會明顯變少。雖然管制水量都好合理嘅,但聽到名瀑布原來係咁操作,總覺得有啲受打擊……

華嚴瀑布喺中午較多觀光客嘅時段,排水量就會較多,一到夜晚,水量就會明顯變少。

第7位:「走後門」入私校,除公務員以外都係合法嘅

第7位:「走後門」入私校,除公務員以外都係合法嘅

今年7月,日本發生咗震驚社會嘅東京醫科大學「走後門入學」事件,文科省前局長懷疑因利益問題,而畀自己個仔「走後門」入讀東京醫大。

今年7月,日本發生咗震驚社會嘅東京醫科大學「走後門入學」事件。

據聞日本嘅私立學校,唔少都係有收取捐款,當中有唔少係並非為咗讓子女「走後門入學」而畀嘅正當捐款。

日本私校大多有收取並非為「走後門」嘅正當捐款。

正因為難以分辨係捐款定係賄賂,所以日本並冇關於懲罰「走後門入學」嘅相關法例。而上述案件係因為職業問題,懷疑收取利益而畀子女非法入學嘅「受託收受賄賂容疑」,並非因「走後門入學」。

因為難以分辨係捐款定係賄賂,所以日本並冇關於懲罰「走後門入學」嘅相關法例。

第6位:BMI只係一個男人為賺錢而廣傳嘅數值!

第6位:BMI只係一個男人為賺錢而廣傳嘅數值!

我哋所聽聞嘅BMI值,係指由身高同體重計算出嚟,用於計算肥胖度嘅體格指數。

BMI值:不足18.5=過瘦;18.5~25=標準;25以上=肥胖。

新聞學者Jacques Peretti所撰寫嘅《改變世界的14條密約》,就揭露咗關於BMI值嘅秘密!

新聞學者Jacques Peretti所撰寫嘅《改變世界的14條密約》書籍。

作者花了15年,從100名相關者口中得到證言,揭露咗一個令人非常震驚嘅事實!

作者花了15年,從100名相關者口中得到證言,發現關於BMI值嘅真相!

據各種證言所得,BMI其實係並冇任何實質醫學根據支持嘅數值!

大家都非常關注嘅BMI,其實係並冇任何實質醫學根據支持嘅數值!

咁BMI值呢個全球通用,作為量度是否屬於肥胖嘅指數,係點樣得來嘅呢?

BMI值呢個全球通用,作為量度是否屬於肥胖嘅指數,係點樣得來嘅呢?

BMI係於1835年由比利時數學家Adolphe Quetelet,導入咗統計手法而提出嘅數值,但呢個數值其實係無視咗肌肉量、脂肪量,而Quetelet本人亦曾表示,計算肥胖值其實係非常曖昧嘅數字,不能作準。而令世界大混亂嘅,就係喺1945年美國紐約,於大都會人壽保險任職統計員嘅Louis Dublin所提出嘅方案。

令世界大混亂嘅,就係喺1945年美國紐約,於大都會人壽保險任職統計員嘅Louis Dublin所提出嘅方案。

某日,Dublin查閱保險顧客名單時,發現體重較重嘅人,支付嘅保險金有較高額嘅傾向。

Dublin發現體重較重嘅人,支付嘅保險金有較高額嘅傾向。

於是就覺得,如果肥人增加,投保嘅保險金額便有機會增加,亦即係公司可以賺得更多!

Dublin認為只要肥人增多,公司就可以賺得更多!

但係無論點,都冇可能令世界上嘅人都全部變肥。於是佢就諗到,將本來屬於「標準」類別嘅人,分類到「肥胖」,咁就可以令更多人被歸納到「肥胖」嚟增加營業額!

Dublin就諗到,將本來屬於「標準」類別嘅人,分類到「肥胖」,咁就可以令更多人被歸納到「肥胖」嚟增加營業額!

而當時嘅社會,BMI係一個冇咩人認識嘅指標,所以就順理成章咁得到大眾嘅信任。

當時BMI仲係一個冇咩人認識嘅指標,所以就冇人提出疑問。

所以BMI數值,其實係由人壽保險公司所廣傳,醫學根據非常薄弱嘅指標。

BMI數值,其實係由人壽保險公司所廣傳,醫學根據非常薄弱嘅指標。

過半數本來屬於「標準」嘅美國國民,瞬間就被分類到「肥胖」嘅一方,而BMI值亦變成全球通用嘅量度數值……

過半數本來屬於「標準」嘅美國國民,瞬間就被分類到「肥胖」嘅一方!

第5位:主持婚禮嘅牧師幾乎都唔係「真牧師」

第5位:主持婚禮嘅牧師幾乎都唔係「真牧師」

雖然唔知係咪世界各地都係咁,但日本嘅求職網周不時都會見到婚禮牧師嘅招聘!仲以日薪8,000~50,000円請人!乜牧師都有假㗎?!

日本求職網周不時都會見到婚禮牧師嘅招聘!

咁係因為婚禮會場裡嘅教堂式布置並非正式嘅教會,以真正嘅牧師嘅原則而言,如果唔係正式嘅教會場合,係唔會出現。

婚禮會場裡嘅教堂式布置並非正式嘅教會。
真正嘅牧師只會於正式受教會認可嘅場合先會出現。

節目組訪問過真正嘅牧師,牧師就話因為婚禮嘅重點係新婚夫婦宣誓嘅環節,因此由兼職「牧師」嚟主持係冇問題嘅。

婚禮嘅重點係新婚夫婦宣誓嘅環節,因此由兼職「牧師」嚟主持係冇問題嘅。

真正嘅牧師只會主持由正式教會認可嘅,夫婦二人均為基督教教徒嘅婚禮,不然,其實一般婚禮都係由兼職「牧師」所主持!

真正嘅牧師只會主持由正式教會認可嘅,夫婦二人均為基督教教徒嘅婚禮。

第4位:Sit-up係冇意義嘅鍛鍊!

第4位:Sit-up係冇意義嘅鍛鍊!

近年女性間掀起鍛鍊腹肌嘅潮流,而大部分人都係主要做sit-up,除咗因為簡單,做sit-up亦有可以減肚腩嘅印象。

近年女性間掀起鍛鍊腹肌嘅潮流!

鍛鍊緊腹肌嘅你,係咪都係以做sit-up為主?

但原來事實上,sit-up係冇收緊腰線、提高肌肉力量嘅效果!

Sit-up其實係冇收緊腰線、提高肌肉力量嘅效果!

正確鍛鍊腹肌嘅其中一個方法,就係平板支撐。

正確鍛鍊腹肌嘅其中一個方法,就係平板支撐。

日本塑身教練話,一般嘅腹肌運動,鍛鍊到嘅,只係表面嘅腹直筋!

一般嘅腹肌運動,鍛鍊到嘅,只係表面嘅腹直筋。

只係鍛鍊腹直筋嘅話,並唔會有收緊腹部線條嘅效果,反而有機會係導致腹部凸出嘅原因!

只係鍛鍊腹直筋嘅話,並唔會有收緊腹部線條嘅效果,更有可能係導致腹部凸出嘅原因!

而且做sit-up時,大多數情況下,都係會使用到股關節嘅肌肉,而非腹部肌肉。

做sit-up時,大多數情況下,都係會使用到股關節嘅肌肉。

應該鍛鍊嘅腹部肌肉,其實係腹橫筋!因為腹橫筋有束腹衣般嘅效用,一經鍛鍊,就可以達到收緊肌肉線條嘅效果。

腹橫筋有束腹衣般嘅效用,一經鍛鍊,就可以達到收緊肌肉線條嘅效果。

除咗平板支撐外,日本筋力訓練推進協會代表理事・佐藤健一亦指導咗另一套鍛鍊方法:

第一步:挺直身體伸展背肌,雙手向上伸直。

第一步:挺直身體伸展背肌,雙手向上伸直。

第二步:邊吐氣邊將腹部向下凹,身體下彎抱膝,形成C字形。

第二步:邊吐氣邊將腹部向下凹,身體下彎抱膝,形成C字形。

第三步:邊吸氣,邊回復原本狀態。

第三步:邊吸氣,邊回復原本狀態。

第四步:保持狀態,上半身前後小幅度郁動。

第四步:保持狀態,上半身前後小幅度郁動。

只係每日做10次,就能夠充分鍛鍊到腹橫筋,緊致腰部線條效果亦非常優秀!

每日做10次就能夠充分鍛鍊到腹橫筋!

第3位:東大「學霸」不願從事教育改革

東京大學嘅精英不願進入日本文部科學省從事教育改革!

一般而言,大家都認為頂級大學嘅畢業生,入政府擔任官職係理所當然嘅事。日本最高學府・東京大學亦不例外。

頂級大學嘅畢業生,入政府擔任官職係理所當然嘅事。

而日本社會中,畢業生於一般企業就職,稱為「民間就職」。而呢個情況,喺東大畢業生中更是愈見普遍。

東大畢業生「民間就職」嘅情況愈見普遍!

學生之間話文部科學省嘅別稱係「強制勞動省」,亦因此絕多大學畢業生不願進入到呢個部門。

文部科學省嘅別稱係「強制勞動省」。

事實上,投考國家公務員試嘅東京大學合格人數都每下愈況!反映出畢業生愈來愈唔想入政府部門工作。

投考國家公務員試嘅東京大學學生愈來愈少!

節目組曾向50名東大生做訪問,結果發現,果然同錢相關嘅「財務省」、「經濟產業省」,或者對外機會較多嘅「外務省」較為有人氣,但主要對國內嘅部門就唔受歡迎。

除咗資金流通相關嘅部門同處理外務嘅部門之外,對國內事務嘅部門完全不受東大生歡迎!

日本大學預備校嘅數學講師・志田晶老師就話,因為文科省人氣低迷,無法吸引優秀人才,所以變成於文科省任職嘅人,愈來愈多都對數學理解不足。志田老師表示,數學行列式從高中數學中剔除,Vector亦係文科生不需學習嘅範圍,唔係話要全國國民都理解呢啲數學課程,而係數學係一種頭腦訓練,出社會後,可以運用到經過訓練嘅思考方法。唔應該以「會唔會用到」嚟斷定數式應唔應該教。

志田老師認為,對學習數學嘅意義理解不足嘅現任文科省官員,只會令日本國民嘅思考能力降低。

簡單而言,即係負責教育嘅文科省冇優秀人才入職,進行教育改革的話,以後嘅時代只會更難育成優秀人才。呢個亦係現今日本推行「寬鬆教育」嘅其中一種惡果。主持人林修更表示,呢個係可以稱為「國難」嘅時代。

主持人林修為未來日本嘅教育感到擔憂。

第2位:網絡文化導致大量黑貓被拋棄

第2位:網絡文化導致大量黑貓被拋棄

網絡文化關拋棄黑貓咩事?原來主因係,影相嘅效果差別太大!

拋棄黑貓嘅主因係,影相嘅效果差別太大!

呢個情況最嚴重嘅國家係英國,一間動物收留中心中,1,000隻遭遺棄嘅貓中,有700隻係黑貓!

1,000隻遭遺棄嘅貓中,有700隻係黑貓!

咁係因係黑貓只有雙眼係同身體唔同色,整體顏色深沉,加上影完相post上Instagram嘅時候,張相會縮細咗,於是更難辨別出貓嘅輪廓,好難影得可愛。就因為一個咁嘅原因,而令咁多黑貓遭受遺棄。

因為黑貓難以影得可愛,所以遺棄黑貓嘅人愈來愈多。

第1位:馬路邊跑步會對身體產生壞影響!

第1位:馬路邊跑步會對身體產生壞影響!

東京內嘅跑步熱點,就係圍住皇居外圍跑步。每日環繞皇居跑步嘅人約有1萬人。

每日環繞皇居跑步嘅人約有1萬人。

但其實揀唔啱地方跑,係會對身體帶來壞影響!例如皇居周圍行車量多!

香港車多路窄,綠化環境亦較少,唔少跑步人士都會選擇喺 馬路旁嘅行人路上跑步,但呢個選擇會為身體帶來壞影響!

福岡大學運動科學部教授・柿山哲治教授話,因為行車量高,汽車排出嘅廢氣大量進入身體後,會對身體細胞產生壞影響。

汽車排出嘅廢氣大量進入身體後,會對身體細胞產生壞影響。

於馬路旁跑步而吸入嘅廢氣,會令體內產生大量活性酸素!而活性酸素係致病,同加速身體老化嘅原因!

於馬路旁跑步而吸入嘅廢氣,會令體內產生大量活性酸素!

所以想跑得健康,首先應搵植物較多嘅公園或運動場,遠離行車線!

活性酸素係致病,同加速身體老化嘅原因!

另一個理由係,皇居制定咗要「向同一個方向跑」嘅規則,就咁睇好似冇咩問題吖,同一個方向跑會有咩唔好嘅影響?

皇居制定咗要「向同一個方向跑」嘅規則。

咁係因為路面不平!教授指出,如果長時間喺路面傾側嘅地方跑步,左右腳嘅負擔會不一樣。

長時間喺路面傾側嘅地方跑步,左右腳嘅負擔會不一樣。

如果長時間向同一個方向跑步,會加重咗其中一隻腳嘅負擔。

長時間向同一個方向跑步,會加重咗其中一隻腳嘅負擔。

如果繼續喺咁嘅情形下跑步,可能會導致跑步障礙,或步行障礙!

如果繼續喺咁嘅情形下跑步,可能會導致跑步障礙,或步行障礙!

另一方面,小松宏貴醫生更指出,如果長期給予心臟負擔,有機會積聚並形成病症!

如果長期給予心臟負擔,有機會積聚並形成病症!

根據美國學者嘅研究,一星期跑步總量超過48km以上,會增加患上心臟病嘅危機!

美國學者經研究發現,一星期不應跑超過48km!

鍾意跑步嘅大家,記得遠離馬路車輛多嘅地方,同埋注意一星期唔好跑得過多喇!

一星期跑步超過48km,會增加患上心臟病嘅風險。

相關文章