8個顛覆常識飲食真相|日本醫生著書 教你正確飲食術|高卡路里、脂肪不會致肥?!發胖只因為⋯⋯

8個顛覆常識飲食真相|日本醫生著書 教你正確飲食術|高卡路里、脂肪不會致肥?!發胖只因為⋯⋯

【正確飲食】由細到大,都話食得太多高卡路里、脂肪嘅食物會致肥,而肥胖人士嘅飲食習慣,感覺都係偏高油分、脂肪、卡路里。但係日本節目《中居正広の金曜日のスマイルたちへ》就邀請咗銷量67萬嘅best-seller著書作者,日本醫生牧田善二上節目分享正確飲食術!簡直顛覆多年來嘅常識!

撰文:C|圖片:《中居正広の金曜日のスマイルたちへ》

日本醫生的最強正確飲食術

節目組找來非常關注健康同美容嘅100位主婦做問卷調查,將8個飲食新常識按「震驚度」排列順位,睇睇你嘅飲食習慣有冇出錯!

第8位:唔想肥反而要食牛油!

大家都避之則吉嘅牛油,原來反而可以防止肥胖!

平時買麵包,大部分人都偏向揀白麵包,覺得牛油使用量少,夠晒plain唔會肥。但係醫生話,其實呢個做法係錯嘅!

大多數人認為唔會致肥而揀白麵包,但原來從醫學角度睇並非如此!

睇番100g牛油嘅營養成分表,脂肪佔81g,呢個數字係大多數人對牛油避之則吉嘅原因。但醫生指出,卡路里同肥胖並不掛鈎,糖分(碳水化合物)先至係致肥嘅元兇!

100g牛油中僅含0.2g糖分!

相關文章