【東京近郊住宿】星野旅館係超高級連鎖酒店、度假村,提到輕井澤住宿,星野度假村絕對係最有代表性嘅選擇!近年星野集團更打造咗平民版酒店,例如不久前開幕嘅OMO5東京大塚,令平民嘅大家都能體驗星野集團嘅5星級接待。而集團最近宣布,面向年輕人嘅新住宿「BEB 輕井澤」將於明年農曆年初一開幕!

撰文:Yu|圖片來源:BEB 軽井沢、星野リゾート

BEB輕井澤 $600一晚平住星野旅館!

星野集團早前宣布,面對20~30歲年輕世代嘅新酒店「星野Resort BEB 輕井澤」將於2019年2月5日開業,撞正農曆年初一長假期!11月1日起開始接受房間預訂。

BEB輕井澤以「有如朋友嘅家一般,輕鬆舒適嘅酒店」為主題,打造同一般酒店、旅館感覺不同嘅自由感。

BEB輕井澤以「有如朋友嘅家一般,輕鬆舒適嘅酒店」為主題,打造自由感濃厚嘅舒適住宿。

由JR輕井澤站轉乘西武觀光巴士約15分鐘就到,酒店設有73間客房。由木地板以lounge風設計而成嘅休憩用地「TAMARIBA」,尤許客人自備飲食內進,為客人提供有柔和音樂流淌、可倚身休息嘅舒適場所。

酒店內嘅café目前並冇設定營業時間,目的係希望客人可以於自己鍾意嘅時間享受餐點。此外,入住者更加享無限次免費使用,由酒店到徒步圈範圍內嘅「星野溫泉 蜻蜓之湯」,仲有多種毋須預約嘅活動等,畀入住者享受輕鬆舒適嘅旅行體驗服務。

可供客人隨意使用嘅café & bar。沙律同煙肉嘅分量可隨意增加!
喺徒步範圍內嘅「星野溫泉 蜻蜓之湯」更可供無限次免費使用!

費用為1人9,000円~(約HK$620~)(1晚2人入住1房的價錢/包消費稅・服務費)。除此之外,亦在考慮推出35歲以下限定嘅住宿套餐。

小資打工仔終於都可以享受被輕井澤嘅美景所包圍喇!

詳細資料:

星野リゾートBEB軽井沢

網頁:beb-hotels.com/karuizawa/

地址:〒389-0111 長野縣北佐久郡輕井澤町長倉星野

交通方法:在東京站乘北陸新幹線到輕井澤站,然後轉乘信濃鐵道線前往中輕井澤。

下一頁:【日本住宿】驚安之殿堂涉谷開酒店!2022年開業 3層店舖+18層酒店

相關文章