【驚安之殿堂酒店】東京涉谷係購物熱點,店舖收得夜,交通又方便,係好好嘅「血拼之選」,剩係MEGA驚安之殿堂涉谷本店已經夠行半日啦!買到一袋二袋,回程返酒店時,真係行一步都嫌多!咁就要講個好消息你知!驚安要喺涉谷開酒店喇!

撰文:Keii|圖片來源:株式会社ドンキホーテホールディングス

驚安之殿堂 2022年涉谷開酒店

近年涉谷站周邊進行緊大型開發工程,預計會有唔少新大樓落成,涉谷即將迎來轉換期。為咗活性化成個涉谷,唔止車站周邊要翻新,涉谷邊緣部嘅開發亦非常重要。驚安之殿堂集團便決定進行大型開發!喺涉谷開設店舖+辦公室+酒店嘅新高樓大廈。

驚安之殿堂集團新建大樓印象圖。

建築物概要

大樓最高120m,地面建28層,地底1層,主要用作商舖、辦公室、酒店、停車場、停單車場。其中,1-3樓為商舖,4-10樓為辦公室,最後11-28樓為酒店。目前雖未公布1-3樓會係咩商舖,但MEGA驚安都只係喺對面街,掃貨掃到凌晨3點,都唔怕要搭的士返酒店啦!

大樓嘅11-28樓會用作酒店用途,到時買到凌晨,都唔怕有排先返到酒店喇!

左圖紅點預計會係動工所在地,對比番右圖,就見到MEGA驚安原來只係喺對面馬路!超方便呀!

相關文章