不少香港人都會趁住周末的小假期,約齊班好友閨密,一齊尋找深圳好去處。其實深圳美食不是只有喜茶和海底撈,今次介紹鄰近深圳灣口岸的行程推介,有齊麻辣火鍋街、4間打卡靚cafés,全部都是地鐵沿線,非常方便。就趁住幾日假期,約閨密或伴侶一齊來趟深圳一日遊,狂掃深圳美食!

撰文: Cynthia|攝影:Fion

深圳好去處 深圳美食推介

比起香港,深圳消費真係平啲,以下面4間cafés 為例,每間人均大約RMB50-80就可以捧住個肚走。甜品的價錢大概在RMB20-40左右,比起香港真係平好多!而麻辣火鍋兩個人食會貴少少,多人share 湯底的話,叫好多都係每人百幾蚊,非常適合去深圳一日遊。

深圳一日遊 2人同遊 一日消費
午餐逸塔花園大蝦牛油果米紙RMB32/約HK$40
薯條RMB22/約HK$27
雙人特調水果茶RMB45/約HK$56
下午茶鄰間雙人銀針茶RMB52/約HK$65
半熟蛋糕2件RMB38/約HK$47
晚餐大龍燚火鍋湯底+6樣食物+飲品RMB257/約HK$319
車費約RMB20/約HK$24
總數:約HK$289/人

 

深圳 美食

深圳灣口岸美食行程 必去南山區

深圳除咗幾個港人最熟悉的大商場:萬象天地、歡樂海岸、華僑城外,想搵文青特色小店,一定要去南山區,展開深圳美食之旅!最近的口岸是深圳灣,出發到南山區的小店一般車程在30分鐘左右,可以一日內玩完成個區域,必定令你的深圳一日遊更滿足!

深圳 美食
深圳南山區有大量文青cafés,大家不妨發掘一下!

01 | 深圳后海站:熊大迷必去!可愛Line Café

香港有不少熊大迷,但可惜等極都等唔到café開業,但Line Café 早就開在深圳,fans 點都要去朝聖一下!Line Café 位於海岸城2樓,最近的地鐵後海站D1出口,一出去就見到,非常易搵!

深圳 美食
Line Café 非常適合打卡影靚相!

Line Café 的打卡影相位超多,門口大大個熊大任影唔嬲,店內仲有巨型Choco 歡迎你!特別的粉紅色區域設計成熊大、Choco 的家,可以慢慢影相。

深圳 美食
門口大大個熊大,係必影相的打卡位!

深圳 美食
Café 位置都有好多角色任影。

深圳 美食
有2個人咁高的Choco好受歡迎,有時仲多人到要排隊影相!

餐飲方面選擇都唔少,首推下午茶時段的2人tea set,RMB138包兩杯飲品,鹹點、甜點加埋有6款,煙肉卷最好食,而迷你漢堡上面仲印咗熊大個樣,細節加分!

深圳 美食
2人下午餐 RM138/約HK$171

甜品同樣好吸引,瑞士卷、布甸、奶酪杯等通通都係熊大、Cony的造型,可愛到唔捨得食!

深圳 美食
布甸奶凍 RMB48/約HK$60

深圳 美食
瑞士卷 RMB42/約HK$52

除了café 輕食外,另一邊還有酒吧區,晚上會提供手工啤酒,可以配burger、薯條,同熊大飲番杯!

深圳 美食
酒吧區夜晚開放,設計都幾有情調。

飲飽食醉之後,又係時候掃貨幫助消化!有過千件貨品的Line Store可以慢慢掃,產品比香港更加齊全,仲有超巨型的軟綿綿公仔賣!

深圳 美食
Line Store 貨品超多,可以慢慢掃!

深圳 美食
巨型熊大攬枕好重手!

深圳 美食
暖水袋冬天用最適合!

Line Friends Café & Store

地址:深圳南山區文心五路33號海岸城購物中心二層203-205號舖

交通:深圳地鐵2號線后海站D1出口

02 | 深圳后海站:抹茶控必去!初代抹茶

去完Line Café 覺得未夠飽,不妨行多5分鐘,去附近的初代抹茶食甜品!喺全中國有一百間以上分店的初代抹茶,採用來自京都宇治「丸久小山園」的抹茶粉,有品質保證,絕對是深圳美食的名店!

深圳 美食
初代抹茶就在海岸城東座,地點方便。

初代抹茶雖然細細間,2層的位置唔算大,但勝在坐得都幾舒服,仲有一個和室小間!加上設計非常日式,櫻花、各種日式小擺設,都非常適合影相!

深圳 美食
2樓的布置好日式,雖然唔算大間,但坐落舒服。

主打的原味抹茶千層好受歡迎,足足有40層的千層蛋糕,20層抹茶cream 加20 層班戟皮,食落非常creamy 軟滑,而且一件只需RMB28,比香港好多甜品店平一半!

深圳 美食
抹茶原味千層 RMB28/約HK$35

深圳 美食
有40層的抹茶千層蛋糕,非常creamy!

另一款必食的抹茶大福,RMB22 有兩大粒,店員表示係剛剛整好,所以糯米皮會較腍。用叉一壓就可以感受到大福的軟綿,入面是抹茶忌廉加粒粒紅豆,一啲都唔會滯!

深圳 美食
抹茶大福 RMB25/約HK$31

飲料方面的選擇亦多,喜歡芝士奶蓋的話,大推抹茶芝芝,怕太滯的話,可選抹茶拿鐵,一開蓋就可以聞到抹茶的香味!

深圳 美食
抹茶熱拿鐵 RMB28/約HK$35

初代抹茶

地址:深圳南山區文心六路海岸城東座二層216號舖

交通:深圳地鐵2號線后海站D1出口

03 | 深圳桃園站:花海夢幻café  逸塔花園

深圳好去處的推薦地點,就係搵一間有質感的文青café,絕對不是難事!南山區的逸塔花園,距離最近的桃園站大概行8分鐘,不算難找!

深圳 美食
逸塔花園的門口布置得像個花海!

逸塔花園非常大間,一入到去就會見到闊落的用餐區,左邊的區域是圖書館,可以休閒地閱讀,而右邊有大量的植物做裝飾,有種在大自然野餐的感覺!

深圳 美食
戶外區域在陽光的照射下,照相超靚!

 

深圳 美食
有種在大自然野餐的感覺!

深圳 美食
圖書館區域,可以靜靜地看書。

深圳 美食
用餐區的位置非常大,唔使怕要等位。

想要影靚相的話,一定要去右邊的用餐區,一大片的落地玻璃,在陽光的照射下影相超靚!其中一面牆被設計成一格格,放滿細細個盆栽,好適合影相!

深圳 美食
其中一個要bookmark的影相位。

深圳 美食
店家布置得好用心!

食物方面的選擇很多,唔好以為café 就只有甜食,逸塔花園主打泰國菜,網友食過大推辣烤雞翼、菠蘿炒飯、冬蔭功湯,而記者實試牛油果蝦卷,用料實在又清新!

深圳 美食
大蝦牛油果米紙卷 RMB32/約HK$40

深圳 美食
特調水果茶 RMB45/約HK$56

除了泰式小食外,最好食的絕對是薯條,熱辣辣又夠脆!士多啤梨鬆餅相對來說比較一般,食落較飽滯,士多啤梨連葉都冇剪走,食嘅時候都好唔方便!

深圳 美食
草莓鬆餅 RMB39/約HK$48

深圳 美食
薯條 RMB22/約HK$27

逸塔花園

地址:深圳南山區金雞路田廈翡翠明珠七巧國2樓

交通:深圳地鐵1號線桃園站B出口

04 | 深圳后海站:休閒文青書店 鄰間

深圳的書店好多都唔係就咁買完書就走的地方,而係會連住café,讓客人買完之後,可以即時坐低慢慢睇!位於南山區的鄰間(Lingers),就係其中一間有風格的書店。

深圳 美食
鄰間在阿里巴巴大廈的轉角位,好易錯過!

鄰間唔算大間,餐飲區大概只有10張枱,平日下午去到,人唔算多,可以安安靜靜地食個cake,睇睇書,放鬆一下。

深圳 美食
雖然位置不大,但坐得好舒服。

店內只有小蛋糕供應,記者試了朱古力、士多啤梨芝士蛋糕,味道通通不錯!食落唔會過甜,亦冇奇怪化學味,好值得一試。

深圳 美食
朱古力乳酪蛋糕 RMB32/約HK$40

深圳 美食
半熟蛋糕 2個 RMB38/約HK$47

怕食太多甜食會滯,推薦叫一壺茶同閨密慢慢飲。白色的茶壺好有質感,淡淡的茶香好舒服。店家仲準備了果乾,酸酸甜甜配茶一流!

深圳 美食
Cappuccino RMB25/約HK$31

現場的書可以借完即睇,而樓上都有個小區域,係有免費翻閱的藏書,攞住壺茶上去,邊飲邊睇書,非常放鬆!

深圳 美食
可以邊喝茶,邊睇店內的藏書。

鄰間

地址:深圳南山區科苑大道阿里巴巴大廈T4座1層27號舖

交通:深圳地鐵2號線后海站D1出口

深圳南山站:南山大道 火鍋一條街

去深圳次次都係食海底撈,覺得好冇新意的話,其實各大商場都有好多人氣火鍋店,現場找到不少深圳美食。而位於南山大道的火鍋一條街,有多間出名的火鍋店,其中有好多間已經開到香港,今次就試試香港未有,又好受歡迎的火鍋店大龍燚啦!

深圳 美食
渝味曉宇在香港已有幾間分店。

深圳 美食
香港小龍炊更是由陳柏宇引入。

正宗麻辣火鍋 大龍燚

來自成都的大龍燚喺深圳非常出名,記者平日6點左右到達,門口已經排晒長龍,好彩仲有細枱可以坐!一入到去,就聞到超濃烈的辣椒味,平時冇食開辣的話,可能會頂唔順!

深圳 美食
大龍燚平日6點未到,已有人等位。

店內採微信落單,可以自己用電話揀湯底、食物,落單要鴛鴦鍋微微辣,中間白湯,外圍是布滿辣椒的紅湯,聞到都已經流晒口水!

深圳 美食
麻辣鍋成鍋都係辣椒,好過癮!

食材的選擇比海底撈少,主要是少了海鮮,而且冇得揀半份,人少的話唔可以試太多。不過每次都會食的肉類、丸類、菜、菇等都有齊!

兩個人叫到成枱食物,都係RMB331/約HK$411!

牛肉肉味濃,一碟RMB38唔算貴,而牛黃喉、水魷等打邊爐必食,落紅湯吸辣汁夠過癮!雖然只係微微辣,但已經比海底撈辣好多,重口味者必試!

深圳 美食
牛肉水準不錯!

深圳 美食
牛黃喉非常爽口!

怕辣的話,可以開一罐罐的芝麻油,倒入碗再加蒜、蔥,更加惹味!唔好以為油淋淋好可怕,呢個係四川人的正宗食法,去食的話,不妨一試!

深圳 美食
一罐罐的芝麻油夠衛生。

相關文章