周不時都有朋友問情侶去澳門有咩好玩好食,港珠澳大橋開通了,實實在在推介一個情侶澳門2日1夜完整行程。冇花冇假,可以跟足成個行程嚟玩,剛剛好玩足2日1夜,要慶祝男女朋友生日、紀念日,都絕對會令你BB豬高興!

文:Kassidy|圖:Eric |model:[email protected] Models

情侶 澳門 2日1 夜行程

Day 1
上午 試港珠澳大橋去澳門
中午 先check-in酒店,去氹仔吃正宗葡國人葡菜
下午 到龍環葡韻打卡及到大環山高空滑草場
晚上 享用二人浪漫晚餐:Casa Don Alfonso或8½ Otto e Mezzo BOMBANA
飯後到路氹影鐵塔夜景、坐纜車睇噴泉
Day 2
早上 VR體驗 Legend Heroes Park
中午 平吃澳門市區特色小吃,飯後到戀愛巷、關前街逛小店打卡
晚上 日落前到旅遊塔下的靚景餐廳吃晚飯,然後回港

今次行程有齊食、玩、影相,坐直通巴去澳門,2日1夜可以跟著嚟玩。
今次行程有齊食、玩、影相,坐直通巴去澳門,2日1夜可以跟著嚟玩。

Day 1 早上-坐車過大海 港珠澳大橋 交通懶人包

港珠澳大橋開通,陸路前往澳門比坐船便宜更多,不過時間未必省下很多,建議根㯫你的出發地點計劃行程。如果由荃灣出發,最便宜乘口岸「金巴」轉車去澳門,$83.2就可以;若由九龍出發,尖沙咀圓方、太子上海街或觀塘apm都有全新直通巴往澳門,車費跟船票相若;若由港島區出發,還是到上環坐船比較快捷方便。

【港珠澳大橋】情侶遊澳門 慶祝生日、周年紀念必睇!2日1夜食玩行程懶人包(附生日船飛優惠)港珠澳大橋正式開通。(圖片來源:hzmb.gov.hk)

方法1:最便宜口岸「金巴」

最便宜的方法,轉車次數最多,也要預計接駁和等候時間相對較長。而且,由於澳門口岸暫時交通配套不足,等候出市區的免費酒店接駁車班次仍少,周末繁忙時段由香港上車至抵達澳門市中心,隨時需要2-4小時。

$83.2過澳門交通(以荃灣出發為例):

荃灣(港鐵)-> 欣澳 $12.3 (八達通價)
欣澳(巴士B5)-> 香港口岸 $5.9
香港口岸(金巴)-> 澳門口岸 $65
澳門口岸 (接駁車)-> 外港碼頭(酒店接駁車)-> 路氹酒店 $0
總計:$83.2

到達香港口岸清關後,就可以買「金巴」車票上車。(圖片來源:hzmb.gov.hk)
到達香港口岸清關後,就可以買「金巴」車票上車。(圖片來源:hzmb.gov.hk)

要留意「金巴」有分「港澳線」及「港珠線」兩種,日間車費/程。(圖片來源:HZM Bus)
要留意「金巴」有分「港澳線」及「港珠線」兩種,日間車費$65/程。(圖片來源:HZM Bus)

延伸閱讀:按此即看各區前往「港珠澳大橋」香港口岸交通

方法2:直通跨境巴士

隨著大橋開通,兩條直達澳門市中心酒店的跨境巴士也同時開通,香港上客點分別為:觀塘apm、尖沙咀圓方及太子上海街,車費$170-$190,車程連同在口岸通關約1.5-2小時。

「港澳一號」巴士於觀塘直通澳門市中心及路氹酒店。(圖片來源:港澳一號)
「港澳一號」巴士於觀塘直通澳門市中心及路氹酒店。(圖片來源:港澳一號)

由圓方出發途經太子的「港澳快線」。(圖片來源:環島中港通)
由圓方出發途經太子的「港澳快線」。(圖片來源:環島中港通)

延伸閱讀:按此即看詳細「港珠澳大橋」交通攻略

中午 - 酒店check-in!壽星仔女生日住宿優惠

去到澳門,落船後,第一時間當然係去酒店放低行李,大部分酒店 2-3 點先有得 check-in。如果旅程目的係為咗慶生,記住在 check-in 時出示身分證(或另一半預早通知酒店),證明自己是壽星仔女!有部分酒店會免費 upgrade 生日客人。

女朋友一入房間就收到蛋糕,一定非常開心!
女朋友一入房間就收到蛋糕,一定非常開心!

慶生貼士:打去酒店預約生日蛋糕!

要準備驚喜,當然事前要通知酒店。如果準備去澳門慶生,其實可以在預約酒店後,發電郵/打電話到酒店,通知對方一同入住的客人將會在入住當天生日,不少酒店都會預先在房內免費預備生日蛋糕!Check-in 完上到房,就可以即刻畀到 surprise 另一半喇~

蛋糕就唔係老奉要準備,請有禮貌地先向酒店查詢。
蛋糕就唔係老奉要準備,請有禮貌地先向酒店查詢。

去到澳門,準備唔切蛋糕,不妨先問問酒店可否幫忙安排。
去到澳門,準備唔切蛋糕,不妨先問問酒店可否幫忙安排。

各酒店生日特別待遇

唔想預訂完先知冇得安排生日蛋糕?記者親自問過以下酒店,佢哋都話可以為生日客人特別安排禮遇,每間酒店的生日準備都有機會不同。生日特別待遇並非奉旨要做,不妨有禮貌地向酒店方面查詢,畀到驚喜之餘,都可以做個有禮貌旅客!

酒店 生日待遇/住宿優惠
澳門君悅酒店 .入住客人可獲生日蛋糕
.Mezza9/滿堂彩客人可預早通知餐廳,可獲生日蛋糕、生日帽即影即有相片一張
新濠天地迎尚 .標準大床客房 / 高級雙床客房免費升級至景致套房
.驚喜生日禮物
新濠影滙 星滙餐廳自助餐3送1
.於生日當天連同3位親友惠顧自助餐,壽星即可免費享用自助餐及獲贈芝士蛋糕
勵庭海景酒店 珀克餐廳自助餐優惠
.免費享用珀克餐廳自助午餐或晚餐
.贈送生日蛋糕1個
.享用迎賓飲品

Day 1 午餐 - 氹仔小鮮肉正宗葡菜

去澳門第一餐,當然要食葡菜!在氹仔北帝廟旁嘅巷仔開業約2年的「Toca小窩」,由葡萄牙老闆打理,特地從家鄉聘請年輕的主廚過江掌廚,食材大部分由葡萄牙入口,保證是正宗葡式味道。

年輕的Pedro由葡萄牙移居澳門,主理餐廳菜色。
年輕的Pedro由葡萄牙移居澳門,主理餐廳菜式。

macau_porturguese01
烤馬介休魚柳 MOP210
用上7隻蛋伴馬介休烹調醬汁,嫩滑重蛋香,魚柳肉質緊致,薯仔加了麵糰帶點煙韌。

餐廳走casual dining路線,食物味道一流,點埋Sangria果酒伴菜,情調更好。更重要的是小鮮肉大廚長駐舖頭,年僅25歲的他自小已開始入廚,因為家族在葡萄牙都是經營餐飲業,煮葡菜駕輕就熟!

葡式烤乳豬 MOP$185 自家烤焗的BB乳豬皮脆肉嫩,半肥瘦質地非常Juicy,蘸上甜酸醬更加開胃惹味。
葡式烤乳豬 MOP185
自家烤焗的BB乳豬皮脆肉嫩,半肥瘦質地非常juicy,蘸上甜酸醬,更加開胃惹味。

白酒煮蜆 MOP$125 蜆肉新鮮飽滿,白酒香氣濃烈,剩餘的汁最適合蘸包,口感紥實,而且吸滿酒香。
白酒煮蜆 MOP125
蜆肉新鮮飽滿,白酒香氣濃烈,剩餘的汁最適合蘸包,口感扎實,而且吸滿酒香。

Toca小窩
地址:澳門氹仔客商街31號
電話:+853-2857-6896
營業時間:12:00nn-2:30pm,5:30pm-11:00pm(星期二休息)
交通:從氹仔碼頭乘26號巴士,車程15分鐘
facebook:Toca小窩

Day 1 下午 - 情侶必到影相位!龍環葡韻住宅式博物館

龍環葡韻位於威尼斯人酒店附近,自從建了行人步道後,15分鐘就行到。該區有非常多葡式建築,當中也包含不少博物館/藝術展覽,影相之餘,都可以認識澳門歷史,在這邊行1-2個鐘絕冇難度!

呢一帶的葡式建築主要是湖水綠色,提醒女友穿粉紅色衣服,影相出嚟效果不錯!
呢一帶的葡式建築主要是湖水綠色,提醒女友穿粉紅色衣服,影相出嚟效果不錯!

由龍環葡韻影出去,還可以睇到大部分路氹的酒店。
由龍環葡韻影出去,還可以睇到大部分路氹的酒店。

Day 1 下午 - 玩到尖叫!免費高空滑草場

人造滑草場位於澳門機場附近,坐穿梭巴士到澳門機場再行15分鐘就到,行到上山可以俯瞰澳門機場附近一帶景色。最重要的是這邊有個免費滑草場,大人細路都玩得!每次最多只有五個滑草兜,人多時,就需要排隊。

望落其實唔算高,但衝下去的一刻都會有少少離心力!
望落其實唔算高,但衝下去的一刻都會有少少離心力!

位於山上的滑草場景色也是一流!
位於山上的滑草場景色也是一流!

滑草場長約50米,大人一般會比小朋友更難控制,攝影師甚至失去平衡衝去旁邊護欄。雖然草坡不高,但仍然非常刺激!記者與模特兒滑下去的時候,也有不自覺尖叫。

這個滑草場用的是假草,所以大人小朋友都可以玩,而且會有工作人員定時澆水,令大家滑得更順暢!
這個滑草場用的是假草,所以大人小朋友都可以玩,而且會有工作人員定時澆水,令大家滑得更順暢!

認住呢個入口,行1分鐘左右就會見到滑草場!
認住呢個入口,行1分鐘左右就會見到滑草場!

大潭山滑草場
地址:氹仔天文台斜路(顯示地圖)
營業時間:平日2:00pm-5:00pm,周末及公眾假期9:00am-12:30pm,1:30pm-5:00pm(星期一休息)
交通:氹仔碼頭步行前往,約20分鐘
注意事項:每個滑草兜最多坐一位成人

Day 1 晚餐 - 二人浪漫晚餐

去得慶生/慶祝紀念日,仲食自助餐咁唔浪漫?當然要搵間安靜餐廳同另一半慶祝!情侶行程精選了兩間環境幽雅、不太大負擔的西式餐廳,另一半影相慶生,看起來都不會太失禮!

01|人均$300!正宗意大利菜 - Casa Don Alfonso

Casa Don Alfonso位於新葡京酒店3樓,賣點是食材跟廚師都是由意大利空運到澳門!主打即製 pizza,燴飯也是餐廳的另一推介。餐廳原身是 fine dining 餐廳,去年搖身一變,成為 casual dining 餐廳。餐廳午餐是採用半自助餐形式,晚餐則是 a la carte,人均$300就可以食得非常飽。記者推介必試 Tiramisu,比一般坊間的 Tiramisu 有更濃烈的酒香,不會太膩,女生們絕對會喜歡!

A la carte 形式可以根據自己的喜好選擇頭盤、主菜、甜品,也可以減少金錢上的負擔!
A la carte 形式可以根據自己的喜好選擇頭盤、主菜、甜品,也可以減少金錢上的負擔!

慢煮牛膝非常軟腍,搭配酸甜燴飯一流!(牛仔膝配紅花意大利飯 MOP280)
慢煮牛膝非常軟腍,搭配酸甜燴飯一流!(牛仔膝配紅花意大利飯 MOP280)

最後一定唔可以錯過 Tiramisu!(意大利芝士蛋糕  MOP80)
最後一定唔可以錯過 Tiramisu!(意大利芝士蛋糕  MOP80)

MOP120食到!意大利師傅即焗 pizza

餐廳另一推介,是意大利師傅即焗的 pizza,由整粉糰、落材料、放入焗爐,全部都會在餐廳門口附近的 pizza 工作台進行。焗爐溫度高達400度,pizza 只要放入去30秒就可以焗好,師傅會用轉盤慢慢翻動 pizza。焗完就會立刻上碟,送到客人枱上。謹記要把握時間即刻食,才能食出 pizza 的原汁原味。

Pizza 一焗完出嚟脆卜卜,芝士完全溶化!(番茄水牛芝士紫蘇薄餅 MOP120)
Pizza 一焗完出嚟脆卜卜,芝士完全溶化!(番茄水牛芝士紫蘇薄餅 MOP120)

可以在一旁望住師傅即刻焗。
可以在一旁望住師傅即刻焗。

當奧豐素1890意式料理
地址:澳門新葡京酒店3樓
電話:+853-8803-7722
營業時間:12:00nn-2:30pm,6:30pm-10:30pm
網址:Casa Don Alfonso

02|浪漫首選!米芝蓮意菜 – 8½ Otto e Mezzo BOMBANA

要給另一半一頓驚喜又浪漫的晚餐,位於澳門銀河酒店內的8½ Otto e Mezzo BOMBANA絕對不能輸。以松露入饌菜式聞名的大廚Umberto Bombana,不時都會舉行以合時松露為主題的tasting menu,就如今年夏天以澳洲冬季黑松露為主旋律的夏日菜式,在此享用難忘的二人晚餐,浪漫不過,絕對難忘。

澳門的8½ Otto e Mezzo BOMBANA於2018年獲米芝蓮推介取得一星,餐廳環境充滿瑰麗格調,記得留意dress code!
澳門的8½ Otto e Mezzo BOMBANA於2018年獲米芝蓮推介取得一星,餐廳環境充滿瑰麗格調,記得留意dress code!

Chef Bombana與澳門主廚chef Antimo,以創新的意菜帶給大家味蕾驚喜。
Chef Bombana與澳門主廚chef Antimo,以創新的意菜帶給大家味蕾驚喜。

澳洲Mayura和牛、茴香黑松露暖沙律 MOP580<br srcset=
期間限定用上澳洲Melanosporum Winter Truffle為牛腰肉提香,盡顯矜貴。” width=”1200″ height=”1243″ /> 澳洲Mayura和牛、茴香黑松露暖沙律 MOP580
期間限定用上澳洲Melanosporum Winter Truffle為牛腰肉提香,盡顯矜貴。

藍龍蝦配燉根蔬菜及松露汁 MOP780<br srcset=
採用法國Brittany野生藍龍蝦,入口爽滑彈牙,與松露香氣相當匹配。” width=”1200″ height=”1200″ /> 藍龍蝦配燉根蔬菜及松露汁 MOP780
採用法國Brittany野生藍龍蝦,入口爽滑彈牙,與松露香氣相當匹配。

「Te Mana」羊肉配雅枝竹蓉、蘑菇、黑松露 MOP780<br srcset=
經過炸脆外層的高級羊肉,肉質膻嫩,更有層次。” width=”1200″ height=”1465″ /> 「Te Mana」羊肉配雅枝竹蓉、蘑菇、黑松露 MOP780
經過炸脆外層的高級羊肉,肉質膻嫩,更有層次。

驚為天人的朱古力甜品Grand Cru Chocolate,多重溫度和口感共冶一爐,味道濃郁。
驚為天人的朱古力甜品Grand Cru Chocolate,多重溫度和口感共冶一爐,味道濃郁。

8½ Otto e Mezzo BOMBANA
地址:澳門銀河綜合度假城1樓1031號舖
電話:+853 8886 2169
平均消費:3道菜午餐MOP488起,5道菜晚餐MOP1,380起
營業時間:午餐 12:00nn-2:00pm(周五至日),晚餐 6:00pm-10:30pm(周三休息)
網址:www.galaxymacau.com

Day 1 晚上 - 影鐵塔、睇噴泉!

澳門夜景真是寥寥可數,最多夜景睇一定是路氹一帶的酒店。倫敦人就未開冇大笨鐘影,咁就影番巴黎人的鐵塔跟永利皇宮的噴泉,冇錢去歐洲就喺澳門影住先!

冇錢去巴黎影,去住巴黎人影先⋯⋯
冇錢去巴黎影,去住巴黎人影先⋯⋯

永利皇宮噴泉也是不少人會特地去看的景點!
永利皇宮噴泉也是不少人會特地去看的景點!

男友必須知!影鐵塔最佳位置

買金光飛航的船飛,可以憑船飛免費上鐵塔7樓。但唔係坐金光飛航咪冇得影?男友們可以先記低以下位置,最佳拍攝方式是取個 wide 的鏡頭,就可以在平台影全座鐵塔。如果只單憑手機影相,不妨走到對面的金沙城喜來登酒店的行人路,用手機都可以拍到全座鐵塔+女朋友。

由呢個平台影上去尚算不錯,但一定要有相機+wide鏡。
由呢個平台影上去尚算不錯,但一定要有相機+wide鏡。

Day 2 早上 - 食完早餐開始玩!VR體驗Legend Heroes Park

一般酒店都會包自助早餐,所以就不作介紹。食完早餐就出發去玩!首爾Legend Heroes VR體育主題公園大受歡迎,韓國人氣綜藝節目《快來!韓國是第一次吧!》都去取景。Legend Heroes最近進駐澳門新濠影滙,場內所有設備都是從韓國引入,務求與韓國當地有著同樣的刺激體驗。以後不用再專誠飛去首爾,近近哋去澳門已經有得玩!

111
Legend Heroes Park剛於1月頭開幕,將會繼續擴充,增設更多體驗機器。

必玩全場轉動最多、最驚嚇的迴旋360度,單睇外形已經夠嚇人,坐上去之後,會有如洗衣機般360度旋轉,真正轉到頭都暈。洗衣機其實是模擬滑雪情景,要左閃右避,刺激感可媲美機動遊戲。

360度洗衣機(Gyro 360°)
360度洗衣機(Gyro 360°)

想感受一下離心力,就要玩這個機械吊臂。戴上VR鏡後,會化身成高達,穿越冰川、火山。吊臂郁動配合視覺效果,有種從7米高空墜下的感覺,離心力大,每個上去玩都一定會嗌,短短3分鐘已足以令到好多人驚。

7米高吊臂(Robot VR)
7米高吊臂(Robot VR)

場內還有其他VR體驗,足以玩足一個朝早!

##embed-label-35##

<img class=
賽車(Raceroom AMG)可以連機比賽,情侶可以一齊玩!” width=”6550″ height=”4480″ />
賽車(Raceroom AMG)可以連機比賽,情侶可以一齊玩!

傳奇英雄科技城 Legend Heroes Park

地址:澳門氹仔新濠影滙時代廣場1樓
電話:+853-2857-3381
開放時間:11:00am至11:00pm
網址:www.legend-park.com

Day 2 午餐 - 歡迎拍照!路邊茶檔小食店

路邊茶檔是澳門三盞燈附近的食店,主打小食鹹蛋黃雞蛋仔,粒粒都非常飽滿,而且全部都食到鹹蛋黃,真材實料!奶茶非常幼滑,凍檸茶偏甜。雞蛋仔賣MOP20一件,對比起香港的名牌雞蛋仔價錢尚算合理。店舖非常細,只有兩個靠窗座位,但食店未算非常多人,平日中午前往都可以坐在店內慢慢食。

老闆表示歡迎拍照,但有時候店內有不少客人,謹記不要騷擾他人!
老闆表示歡迎拍照,但有時候店內有不少客人,謹記不要騷擾他人!

雞蛋仔粒粒都真材實料,全部都食到鹹蛋黃!(鹹蛋黃雞蛋仔 MOP20|樽裝奶茶 MOP20)
雞蛋仔粒粒都真材實料,全部都食到鹹蛋黃!(鹹蛋黃雞蛋仔 MOP20|樽裝奶茶 MOP20)

兩個人一齊影可能比較難,男友可以試著叫女朋友坐在店內,由呢個角度影入去!
兩個人一齊影可能比較難,男友可以試著叫女朋友坐在店內,由呢個角度影入去!

凍檸茶未算很澀。(凍檸茶 MOP15)
凍檸茶未算很澀。(凍檸茶 MOP15)

路邊茶檔
地址:賈伯樂提督街勝樂大廈地下84A-84B (顯示地圖)
電話:+853-2852-3036
營業時間:12:00nn-8:30pm

Day 2 下午 - 再幫女友影靚相:戀愛巷、葡國街

由路邊茶檔行去戀愛巷大約15分鐘路程。成條街都是粉紅色葡式建築,一早是不少人 Ig 必打卡的澳門景點!裡頭還有一間戀愛電影館,全部都是七彩的電影椅,影完相睇場戲都不錯!而在戀愛巷附近的大關斜巷有不少塗鴉,影完戀愛巷可以行埋過去影相!

戀愛電影館門外也是影相的好地方,不妨攞 wide 少少,影多啲背景。
戀愛電影館門外也是影相的好地方,不妨攞 wide 少少,影多啲背景。

在戀愛巷影相,set 腳架都冇問題,但遊人非常多,快快手影完,不要阻到其他人啊~
在戀愛巷影相,set 腳架都冇問題,但遊人非常多,快快手影完,不要阻到其他人啊~

大關斜巷內的葡國街商店,門外有非常具特色的塗鴉。
大關斜巷內的葡國街商店,門外有非常具特色的塗鴉。

再行落少少都有其他塗鴉。
再行落少少都有其他塗鴉。

戀愛電影館
地址:澳門戀愛巷13號 (顯示地圖)
電話:+853-2852-2585
營業時間: 售票處10:00am-11:30pm,電影資料室 10:00am-8:00pm,周一休館
facebook:戀愛.電影館Cinematheque.Passion
交通方法:從港澳碼頭乘3/3A巴士,於「議事亭前地」下車,步行約10分鐘

Day 2 下午茶 - 食埋豬扒包!

影完相有少少肚餓,去埋大三巴下面的世記咖啡食個厚蛋豬扒包就剛剛好。屬於官也街世記咖啡的分店,餐廳座位只有6-7個,但下午茶時段去的話,人未算多,除了豬扒包外,咖啡、鹹牛肉厚多士也同樣出色。

蜜糖芥末豬扒厚多士 MOP32
蜜糖芥末豬扒厚多士 MOP32

澳門 情侶 行程 2日1夜
炭燒咖啡MOP20 ,奶茶MOP18

世記咖啡外賣店
地址:新馬路賣草地里7-15號長信大廈地下 (顯示地圖)
電話:+853-6377-9664
營業時間:11:00am-7:00pm(星期二休息)

Day 2 晚餐 - 靚景下嘆土生葡菜 - Tromba Rija皇家葡萄餚

旅遊塔是不少旅客去到澳門會忽略的景點,嫌貴又冇乜嘢好睇。但其實旅遊塔塔底有間非常抵食的土生葡菜餐廳,仿農村菜館設計,冇大媽之餘,仲可以望住澳門半島的夜景食飯!平日採用 a la carte 形式都只是 MOP300 – MOP400 一個人,周末會有自助餐,但想食一個慢慢食、唔使走嚟走去的二人晚餐,還是逐碟點比較好。

想要靚景,可以打電話預約時跟餐廳備註,餐廳會盡量安排。
想要靚景,可以打電話預約時跟餐廳備註,餐廳會盡量安排。

海鮮燴飯非常足料,餐牌上寫2人分量,但其實4個人才可以吃完。(海鮮燴飯 MOP560)
海鮮燴飯非常足料,餐牌上寫2人分量,但其實4個人才可以吃完。(海鮮燴飯 MOP560)

非洲雞分量不算少,配搭薯條、沙律。(非洲雞 MOP135)
非洲雞分量不算少,配搭薯條、沙律。(非洲雞 MOP135)

睇埋日落冇難度!

除了食土生葡菜,呢間餐廳另一個重點是可以望到西灣大橋的日落。餐廳外的位置空曠,所以可以在餐前走出外面影張相。而想望住夜景食飯都可以,只要提早跟餐廳預約,表明想坐靠窗位置,餐廳都會盡量安排!

撞啱日落時間,可以影到成個鹹蛋黃徐徐落下的景色。
撞啱日落時間,可以影到成個鹹蛋黃徐徐落下的景色。

叫女友倚著欄杆就可以影到靚景+女友!
叫女友倚著欄杆就可以影到靚景+女友!

Tromba Rija皇家葡萄餚
地址:澳門旅遊塔會展娛樂中心地下大堂 (顯示地圖)
電話:+853-2896-2878
營業時間:12:00nn-2:30pm,3:00pm-5:30pm,6:30pm-10:30pm
交通:外港碼頭坐「32」號巴士於「澳門旅遊塔」站下車

生日優惠:船飛$259來回!

一般生日優惠都只會提供予本地人,而這個船飛優惠就是香港人都可以用到!坐金光飛航來回只需要$259,但要注意!船票只限一日前或即日購買,怕冇飛都係畀多少少錢預早 book 定船飛/套票。

【港珠澳大橋】情侶遊澳門 慶祝生日、周年紀念必睇!2日1夜食玩行程懶人包(附生日船飛優惠)

金光飛航生日優惠
網址:金光飛航
優惠期:2019年1月1日至2019年12月31日
(2019年2月5至10日、4月5至7日、4月19至22日、5月11至13日、6月7至9日、6月29至7月1日、9月14至15日、10月5至7日、及12月21至26日除外)

延伸閱讀:【澳門美食2019】16間必食推介:人氣自助餐、閨密cafés、老字號街頭小食

【港珠澳大橋】情侶遊澳門 慶祝生日、周年紀念必睇!2日1夜食玩行程懶人包(附生日船飛優惠)

相關文章