【台灣便利店】 台灣旅行其中一個必備行程,就係要去便利店尋寶!無論是7-11 還是全家,行兩步就有間喺左近,超級方便!除咗可以買有特色又便宜的手信,夜晚口痕時想買宵夜都必去便利店,就連想買手搖飲料, 台灣便利店 都滿足到你,即睇最近 台灣便利店 有咩必買、必食、必飲的產品啦!

必買手信【零食篇】


台灣便利店的零食除了賣相超可愛,仲會有好多期間限定,或者台灣獨有的小食!由7 -11、全家、萊爾富自家品牌推出的零食,以及從日本、韓國入口的零食,除咗多選擇仲超好抵買,每樣分分鐘都只係十幾蚊,用嚟做手信買再多都唔會肉赤!

台灣便利店選擇勁多,好多零食包裝上都有卡通人物!

#01| 杏仁豆腐、芒果布甸朱古力

「滋露冷藏中華甜點巧克力」標榜冷藏甜品口味,最啱夏天食,一包有齊杏仁豆腐和芒果布甸兩款口味的朱古力。白色的杏仁豆腐帶濃郁杏仁味,中間是軟糖夾心,煙煙韌韌。黃色是芒果布甸味,混入了芒果醬,酸酸甜甜,口味夠fresh,中間夾著棉花糖。

滋養冷藏中華甜點巧克力 NT$59/約HK$15.1

#02|表白牛奶糖-梅事談戀愛

想買份手信同男神/女神表白,一定要買盒期間限定「梅事談戀愛牛奶糖」,單看名字已經夠哂sweet。打開包裝盒,內裡還印著一幅浪漫漫畫小故事,收到真是甜到漏。

梅事談戀愛牛奶糖NT$15/HK$3.8

#03 |珍珠奶茶爆谷(台灣7-Eleven限定)

最近超人氣大熱產品,由「卡滋爆米花」推出的珍珠奶茶限定版,先是包裝已經好可愛,插埋飲管就如同真的珍珠奶茶一樣,影相呃like一流,很適合買來當手信!

台灣便利店
卡滋爆米花珍珠奶茶版,NT55/約HK$14.7

一罐入面包含兩款口味的爆谷,分別是錫蘭奶茶味及黑糖珍珠味,味道偏甜,不過好易令人一口接一口清晒!由於被瘋搶,記者都行了多間分店才找到,而且只得一罐。

台灣便利店
卡滋爆米花珍珠奶茶版,一罐有兩隻味。

#04|樂事茶味薯片(台灣7-Eleven限定)

樂事「皇家伯爵奶茶味」及「英倫玫瑰蜜茶味」這兩款新推出的口味,都是人氣話題商品!口味非常特別,吃過的人對它們的評價好兩極,始終又甜又鹹的薯片不是每個人都喜歡。

台灣便利店
樂事皇家伯爵奶茶味薯片、樂事英倫玫瑰蜜茶味薯片。各NT45/約各HK$12

#05|台灣6週年限定-山頭火點心麵

為慶祝山頭火拉麵進駐台灣6週年,特別與童星點心麵crossover,推出鹽味豚骨拉麵口味點心麵零食。味道跟炒麵味點心麵差不多,反而食完會令人更想吃一碗熱騰騰的豚骨拉麵。

山頭火鹽味豚骨拉麵口味點心麵

 #06|77乳加巧克力

台灣人常吃的零食「77乳加」,近年推出「大人の」系列,其實買來作為手信十分不錯!最近在台灣7-Eleven及全家都各自有推出,都是圍繞住茶的新口味。

77錫蘭奶茶杏仁乳加、77抹茶乳加(台灣7-Eleven限定)NT20/約HK$5.4

77紅玉紅茶杏仁乳加(台灣全家便利店限定)NT20/約HK$5.4

#07|爽爽貓 肉球形蜜桃軟糖

買零食最無法抵抗的就是可愛包裝,爽爽貓 蜜桃C軟糖粉紅色的貓咪包裝,吃起來就有清香的蜜桃味,絕對是女生最愛!更吸引人的是,裡面一拆開,就是肉球形的軟Q糖果,買畀貓奴朋友們最適合!

唔好以為佢只係普通的一包糖,軟糖嘅形狀係可愛的貓掌,好正!(NT35/HK$9)

#08|Peppa Pig x 義美 牛奶捲心酥

義美的食品向來受台灣人熱愛,而早前熱賣產品牛奶捲心酥更與英國知名動畫「Peppa Pig粉紅豬小妹」攜手合作,改咗包裝之後就更加受歡迎,無論大人小朋友都會鍾意。

一盒只是NT42/HK$11,買多幾盒都唔會肉赤。

義美推出的捲心酥牛奶味濃,包裝仲好可愛!

#09|日式手造 瓦煎燒

瓦煎燒吃起來就是煎餅的口感,好似台灣好出名的「小林煎餅」賣的瓦煎餅,看起來很普遍但容易吃上癮!唔想四圍搵邊度有好吃的煎餅,全家就幫到你!以REBECCA BONBON為造型的「日式手造 瓦煎燒」,加入了卡通更加可愛,一大包都只是NT99/HK$26,保證會一塊接一塊冇停手!

一大袋最適合同一大班朋友share 食。(NT99/HK$26)

想食煎餅唔一定要去手信店買,便利店都有可愛的瓦煎餅賣。

#10|內藏馬來貘杯緣子 森永巧可球

馬來貘是台灣非常受歡迎的網絡角色,今次同森永合作推出巧可球,裡面其實就是朱古力波,仲有一個驚喜位,就係有7款不同造型的馬來貘杯緣子會隨機送出,每次都唔知自己會抽中邊個款式,收到一定會勁開心。

馬來貘好受台灣人歡迎,連香港都有唔少fans!(NT59/HK$15)

https://www.instagram.com/p/BWneWbPjfIB/?tagged=%E6%A3%AE%E6%B0%B8%E5%B7%A7%E5%8F%AF%E7%90%83

#12|蛋黃哥 森永巧可球


除了馬來貘,森永仲有同唔同嘅卡通人物合作,當然唔少得超紅的蛋黃哥。雖然內裡同樣都是朱古力波,但附贈的是蛋黃哥磁石,如果有朋友鍾意蛋黃哥,就記得買畀佢啦!

除了馬來貘,蛋黃哥同森永合作推出零食。(NT59/HK$15.3)

#13|彩虹香口膠

Ig上打卡率很高的彩虹香口膠,原本是來自韓國,依家台灣都買到啦!一整排的香口膠按顏色順序排列,有種好治癒的感覺,好多台灣人都幾鍾意以天空當背景影相,就好似藍天中出現彩虹咁,原來香口膠都可以好有新意!

普通的香口膠加少少創意,又變得好吸引!(NT49/HK$13)

#14|台灣甜品 珍珠奶茶朱古力

由日本TIROL-CHOCO推出的小食-台灣甜品 珍珠奶茶,喺日本大賣而紅回台灣,依家台灣各大便利店都已經有得賣,仲好受台灣人歡迎。裡面分別有珍珠奶茶及鳳梨酥兩種口味的朱古力,真的可以吃到粒粒珍珠,雖然不少網友都表示食落有啲偏甜,但都係好可以代表台灣的手信。

除了台灣甜品,都仲有好多其他選擇!

必試食品【飲料篇】

每次看到台灣便利店超巨型的飲料牆,都會好想將所有的飲品全部試一次!近年除了包裝飲料,即沖飲料亦都愈來愈多,想消暑唔使再搵手搖飲品店,便利店就OK啦!

超巨型飲料牆,每次去都好想全部試晒!

#15|夏密啤酒

台灣啤酒一向口味多,繼「春綠啤酒」後,今個夏日推出了期間限定的「夏密啤酒」。加入6%的蜜瓜汁,十分香甜。酒精含量低,只有2.8%,喝起來比較像蜜瓜汽水。不過味道都是其次,其湖水綠罐身設計已成為了不少台灣人的打卡素材。

台啤微醺系列夏密啤酒330ml NT$40/約HK$10.2

#16|小時厚奶綠

去年台灣曾經瘋搶由義美推出的厚奶茶,即是加入了50%純度很高的鮮奶之奶茶。而最近大熱的這款厚奶茶,名字食字「小時候」,包裝正是採用了台灣舊教科書風格,一推出立即成為打卡人氣商品,記者找了很多間便利店才找到。奶茶瓶上的圖案是女生、咖啡是男生,很適合用來拍放閃照!

台灣便利店
小時厚咖啡。NT28/約HK$7.5

最近還新推出奶綠口味,湖水綠包裝令人耳目一新,喝淡淡的綠茶更突顯出濃郁的奶香。推出不久,已成為大家爭相打卡的主角。

小時厚奶綠375ml NT$28/約HK$7.2

#17|台灣在地現萃茶

台灣7-11一向有現泡飲品吧位,精品咖啡、美式咖啡都有得飲。近來愈來愈多分店增設「現萃茶」,泡出多款茶飲。所有茶飲一律用台灣在地茶葉沖泡,每日現萃,為了保持茶飲的新鮮度,每4小時就會汰換新鮮的茶湯。

最近黑糖珍珠大熱,「現萃茶」都立即追趕熱潮,推出黑糖珍珠。黑糖味濃,珍珠Q彈。如果突然想解口癮,都是不錯的方便之選。

不過記者倒愛新推出的「一顆檸檬青茶」,用原個屏東檸檬榨汁,喝起來有點楂桔味,清爽解膩,最適合夜市掃街時邊飲邊吃。

#18|午后時光重乳奶茶、重乳奶綠

標榜比厚奶茶更濃,含有60%乳含量的「午后時光重乳奶茶」,去年底一推出就成為人氣商品,最近再推出了重乳奶綠,喜歡奶味濃的朋友就要試喇!

台灣便利店
午后時光重乳奶茶、重乳奶綠。各NT35/約各HK$9.4

#19|冷壓鮮萃茶(台灣全家便利店限定)

由全家便利店自己推出的冷泡茶,採用台灣「王德傳茶莊」的茶葉,成分就只有茶葉和水,沒有其他添加成分,每瓶都看到茶葉在裡面,夠真材實料。全系列有4款,大家可以慢慢試。

台灣便利店
玫瑰烏龍NT50/約HK$13.4(左)、四季春青茶NT45/約HK$12.1(右)

台灣便利店
每瓶都堅有茶葉在裡面。

#20|蜂蜜水系列(台灣全家便利店限定)

全家便利店與台灣「蜜蜂工坊」合作,共同開發的蜂蜜水系列,自去年推出以來,一直是全家的高銷量飲品。系列中有由最基本的蜂蜜水,到檸檬、士多啤梨、葡萄柚等都有,成分同樣單純,沒有添加人工色素及香料。

台灣便利店
最受歡迎的是蜂蜜水及檸檬蜂蜜水。各NT35/約各HK$9.4

#21|Baileys拿鐵

台灣便利店竟然可以喝到Baileys,而且做法超級簡單!店員會幫你沖一杯latte,再倒入酒精濃度有成17%的Baileys,攪拌再飲。其實酒味不算嗆及難入口,帶有微微酒香的咖啡喝起來十分順口,果然台灣的便利店就是無奇不有!

每set都會有一杯拿鐵及一支Baileys。(NT79/HK$21)

店員會先幫你製作latte。

之後再加酒精濃度有17%的Baileys就完成了。

必買食品【甜品篇】

去台灣總離不開甜,便利店的甜品已多得令人眼花暸亂。對於嗜甜的人來說,絕對是福音!

#22|珍珠奶茶風味雪派、宇治抹茶最中雪派(台灣7-Eleven限定)

這個雪糕批雖然來自日本,但這兩款可謂最近台灣的洗版打卡甜品,珍珠奶茶味雪糕批裡面,包住白朱古力脆片、珍珠,以及奶茶味雪糕,還原度算OK。另外,宇治抹茶味裡面有十勝紅豆,配上抹茶味雪糕,基本上都是「冇得輸」的配搭!

台灣便利店
珍珠奶茶風味雪派NT75/約HK$20(上)、宇治抹茶最中雪派 NT59/HK$15.8(下)

台灣便利店
珍珠奶茶風味雪派,試一次是可以的,不過價錢不算便宜,直接買杯珍奶也可以了。

台灣便利店
由於餡料都在朱古力格的兜位,所以不止照片中那麼少紅豆餡的,可放心。

#23|富士蘋果大福(台灣全家便利店限定)

全家便利店自家推出的冰品一向受歡迎,最新產品是Q彈麻糬皮,包著蘋果味雪糕,最裡面是富士蘋果餡,口味清爽,必試!

台灣便利店
富士蘋果大福NT35/約HK$9.4

#24|全家限定 脆皮泡芙

全家都會定期推出限定口味的脆皮泡芙,繼7月的「脆皮薄荷巧克力泡芙」和「脆皮芒果雙餡泡芙」後,8月又再推出新一輪口味-「脆皮香草雙餡泡芙」和「脆皮伯爵功克力泡芙」。

「脆皮香草雙餡泡芙」外層蘸上了杏仁糖霜,包裹著滿滿的北海道鮮忌廉和cream cheese。至於「脆皮伯爵功克力泡芙」是朱古力脆皮,包著英式經典唐寧伯爵茶香朱古力軟心餡,味道層次豐富。

#25|便利店版髒髒包(台灣全家便利店限定)

早前由韓國紅到內地,再紅到去台灣兼香港的髒髒包,全家便利店都有推出自己的版本,很適合作為早餐。NT38/約HK$10.2。

#26|辻利抹茶歐蕾布丁

相比起7-11及萊爾富,全家更受歡迎的原因之一,是會進口很多日本/韓國的特色食品,像是大熱的「辻利抹茶歐蕾布丁」,就是採用辻利抹茶製成的布丁,口感偏向果凍,一吃就會聞到淡淡的抹茶,不會過甜,網友們的反應都相當不錯!

除了焦糖布丁,抹茶口味的一樣好受歡迎。(NT35/HK$9)

必買食品【宵夜篇】

台灣的熟食同樣選擇多,無論早餐、下午餐定宵夜,食便利店都唔會有頹食的感覺,日日食都唔會厭!

台灣同日本都好受歡迎的Mister Donut 都嚟咗便利店,24小時有得食!

#27|麻婆烤雞腿排握便當

7-11與台灣人氣第一的燒肉丼飯「開丼」合作,新推麻婆烤雞腿排握便當。紫菜包著飯粒和烤雞腿排,有點像沖繩的飯團,手拎著吃夠方便。烤雞腿份量多到爆餡,而且麻婆醬惹味,中份夾抵食,絕對值得一試!

#28|川味乾拌麵

早前台灣乾拌麵掀起一股搶購熱潮,不過始終要關爐煮,宵夜想食都難。最近便利店新出了一款乾拌泡麵「449乾麵舖」,一共有「川味勁辣」和「爆香三杯」2款口味,川味勁辣辣得過癮,帶麻香,至於三杯口味帶濃種九層塔香,微辣惹味。

「449乾麵舖」乾泡麵NT$35/約HK$9

#29|即食韓式炸雞

想食炸雞,唔一定要去韓國,台灣便利店都有即叮即食炸雞!想細細啖食可以選擇辣味雞球,鍾意韓式的話,都有韓式炸雞可以選擇,食落惹味配啤酒剛剛好!酒店冇提供微波爐都不用擔心,可以結帳的時候請店員幫你加熱,十分方便。炸雞雞皮的酥脆程度跟現做的還是有差別,但肉質嫩滑,粉也不算厚,宵夜來說已超級滿足!

辣味雞球採用台灣國產雞胸肉,一啖一粒。(NT38/HK$10)

韓式炸雞食落惹味,最適合配啤酒做宵夜!(NT38/HK$10)

#30| 麻辣關東煮

台灣的關東煮真係冇得輸,選擇超級多:豬血、海鮮魚卵卷、手工高麗菜卷、油豆腐、蘿蔔、豬血糕等等,再加埋王子麵,真係好滿足!幾乎間間便利店都一定會有關東煮,但有麻辣味的關東煮,就唔係間間都有啦!配料加埋不算太辣又很有麻香的湯底,冬天食一碗真心爽!

有時獨遊食唔到麻辣火鍋,都可以試下麻辣關東煮,配料都勁入味。

不太能吃辣都可以食原味,冬天食最滿足。

相關文章