最近跟空姐朋友聊起,發覺跟朋友見面時,他們總對空姐生活有錯誤的既定印象,喜歡問及有關空姐的流言,碰巧有 空姐 FACEBOOK 群組 同樣在談論那些令 空姐 聽完反白眼的問題,實在太感同身受,不得不分享!

18dt7esd14eovjpg

01 | 搵你買機票有冇折呀?

有!如果你是我受惠名單上的其中1位,不然的話,很抱歉!是沒有!話說回來,其實現在買普通的機票比買我等所謂員工票仲便宜!例如你買 fanfare 去紐約,同我用員工票買嘅價錢一樣,都係3千幾咋!

相關文章:空姐福利 | 1折機票 的謎思: 不要再問我拿平機票了!

0613b
另外,用員工票一點也不好,每次都好似等運到咁,每每最後一刻才知有冇得上機!

02 | 空姐係咪成日同機師搞埋一齊?

我用實際情況答你,如果我那程機是做經濟艙,基本上我全程也不會見到機師,下機後,就當是去外站,大家都是累到成隻狗咁,在酒店大堂恨不得馬上解散各自回房休息。

圖片來源:電影《開心飛行》
圖片來源:電影《ハッピーフライト》

03 | 飛開邊條線?

其實,飛機不是港鐵,沒有港島線、觀塘線之分。每個月的更表上,甚麼地點都可能出現在你的更表上,月頭去新加坡,月尾紐約,都有機會。有人喜歡飛遠啲、有人喜歡飛即日來回,大家都有配額換更。

0613d

04 | 幾年冇見突然搵你:可唔可以順便幫我買 啲 嘢?

我自己未試過有親身經歷,不過有次同個菇一齊在巴黎遊玩,她在藥店買到碌爆卡咁滯,我一開始以為她是做水貨網店。問完先知原來她是受人所託,而又唔識拒絕!呢條問題我會直接say no!

0613e

05 | 你哋成日都放假,好似唔使做咁,真係輕鬆。

係,無可否認,1個月有半個月唔使做,好似好爽!但如果你細心一計,其實不多。飛完美國,給你連放3日假,再給你幾個即日來回。試用常人角度諗諗,時差最快都1星期先調番好,唞唔夠幾日就去另1個地方,點會輕鬆?

0613f
圖片來源:電影《緊急迫降》

06 | 嘩!飛美國 4 日,好爽啦!

聽下去是不錯,實際是留在當地只得1日半時間。有時候,攰到甚至不想離開房間。好多人飛咗好多年,都會放走美國機,因為真的會飛死人!一點也不爽!

0613j
圖片來源:電影《非誠勿擾》

07 | 空姐成日都出去蒲同食仔!

同上,飛到成隻狗咁,放假在港都情願留在家休息,約朋友陪屋企人。當然,成日有朋友會話,我在某某酒吧識咗你個同事,不能否認,公司中總有人鍾意出去玩,不過我認識的,都是情願放假留在家的!

0613i

08 | 你唔係做空姐嘅咩?呢樣嘢可唔可以空運?

我知道甚麼可以帶上機,不可帶上機,至於空運我真的不知道!這條問題竟然是由我親親男朋友口中問出嚟!仲要加一句,你唔係空姐嚟嘅咩?大家記得想知有甚麼不可空運,應該問物流公司。

相關文章:常搭10間航空公司 | 手提行李 重量/尺寸/超重費用限制逐個睇!

0613g

09 | 空姐老咗要返落去做地勤?

其實空姐同地勤真是兩份不一樣的工作!真係唔好再以為我們是同一聯盟陣營,實際上大錯特錯!見工見不一樣的HR,上司是不一樣的上司,點解你會覺得老咗是「落番去」做地勤?地勤可不可以「上番去」做空姐呢咁?

0613h

相關文章