問下大家,去旅行要兌換外幣通常去邊度兌?今次要同大家分享一間喺香港嘅兌換黑店!事源去越南前,同行友人出發機場時,特登去咗一轉旺角,打算兌換少少越南盾旁身。

IMG_44041

誘惑你落訂

IMG_44011

越南盾不算十分流行嘅外幣,所以友人行了將近十間先至喺最後呢間問到有。喺朗豪坊附近的。

當時情況如下:

友人:「請問有冇越南盾?」

染上一頭淺金髮的店員:「有呀」拎出計數機咁咗一堆數字俾友人睇,友人未清楚之下,佢就收番走部計數機

友人一聽有,果下心情當然happy,心諗行咗十間終於有啦,「好啦,轉頭嚟換!」

染上一頭淺金髮的店員:「轉頭?轉頭就俾人買晒架啦,你落住訂先啦!」

友人結果放下港幣 150 元作訂金,之後回頭再兌錢。

後來拎咗四千多港幣換越南盾,便趕到機場跟我哋會合啦。

食過番尋味

IMG_44051

臨上機前,佢開始講番件事,我哋問佢匯率係咪 0.35?(一般 0.35 港元兌 1000 越南盾)佢就話好似唔係,即刻拎張收據出嚟睇,發現係 0.55(0.355 港元兌 1000 越南盾,即係收高咗好多)!兌換店賺咗差不多 2,000 蚊!

於是佢即刻打電話俾間兌換店,點知染上一頭淺金髮的店員就話,我係收得高,不過我有話你知個匯率架,你接受架,一個願打一個願捱啫!你仲簽埋名架!

友人想兌番港幣,染上一頭淺金髮的店員就話:「你用唔晒我哋最多幫你收番, 0.32!」

哇,食水一次唔夠,仲想食多一次?

黑店曾收多次投訴

無奈要上機,友人後來托上托,搵到一個做警察的朋友,諗住搵佢可以幫手,結果,大家都應該知係無可能啦!

唯一知道嘅係,呢個店已經收到過好多投訴,至於點解仲可以營運我就唔知啦,講番呢件事出嚟,希望大家唔好好似我朋友咁蠢,唔睇清楚個匯率,就去兌錢!!


 

集油空姐:

歡迎科勞我面書:https://www.facebook.com/facrewcollection/