我細個好想做超市收銀員,嘟 barcode 好玩就係人都知,控制嗰條運輸帶就更加令呢個工作充滿挑戰性!tesco01


不過真係好唔想磅啲冇barcode嘅生果囉,好易出錯跟住又要叫個manager過嚟,咁就失去咗我工作嘅自主性,無謂吖係咪。

大個咗雖然做咗啲九唔搭八嘅工作,但估唔到英國嘅生活,居然滿足到我成為嘟嘢員嘅夢想!

講緊嘅係自助 checkout ,係英國超市嘅主流!

我平均兩日去一次超市,但係玩得多都仲未令我厭倦嘟野、找數、入膠袋呢一連串動作。

我督mon 入單嗰種純熟程度,已經拍得住繁忙時間嘅大家樂阿姐,一般嚟講我都係同期check out 嘅人之中最快

yes i am so proud of myself !

有咩秘訣?全因我對呢份工作嘅熱誠;排隊嘅時候,當所有人都掛住玩手機,我已經進入戒備狀態,ready 好到我嘅時候就衝去checkout machine 迎接新一天嘅挑戰。 而到我操作個machine嘅時候,係非常之咁大壓力!完全唔敢向後望條人龍,生怕自己嘟得慢而影響條隊嘅進度。

唔,或者係因為我對超市收銀員呢個職業有一份尊重同職業道德吧,我感覺我有責任做好呢個程序,令下一位顧客能夠安心滿意享受佢地嘟嘢嘅樂趣。

就快返香港啦,一諗到冇得自助checkout,仲要望住收銀阿姐嘟得咁過癮,而我得個恨字,就令我好想繼續留喺呢邊……..tesco02

longtimenosee
謝曬皮繼《毒自去偷歡之泰晤士河畔》、《新西遊記》後,再次以醜漫帶讀者出走,今次到倫敦生活一年,創作出年度作品《LONG TIME NO SE5》

相關文章