早前有網民在Facebook群組「香港兩餸飯關注組」分享一篇文章「12年三餸飯經驗無私分享」，他指每一次買三餸飯都是一個挑戰，更用4點教大家如果成功買到一個大份的三餸飯。
1.先了解餸菜的性質
事主指，餸菜可以分為量化及不可量化。量化是可以數到的，店員為你盛菜時會有特定數目，有機會因主觀因素而減少應有的份量，例子有雞翼、豆腐及蒸魚等等。
不可量化是指份量數不到的餸菜，因為每一次份量都不同，例子有蕃茄炒蛋，粟米魚柳，蒸排骨等等。
2.第三個餸菜有機會較少
事主吃了12年的三餸飯，他指：「一般情況下，第三個餸嘅份量都會較少」，原因是頭兩樣餸菜有機會「塞爆個飯盒」，「如果你嘅第三個餸係不可量化的話，只能夠同你講下次再試過啦。」
3.先聲稱自己要兩餸飯 之後再轉軚
事主建議大家先聲稱食兩餸飯，而該兩樣餸菜都必須是不可量化。當店員為你塞滿飯盒後，再跟他說：「啊！我都係要多個餸啦」。
之後第三樣餸菜要選擇可量化的，事主：「佢唔可以因為頭兩款餸嘅份量太多，而減少第三款餸嘅份量」，最後第三樣餸菜會有足夠份量。
4.先令自己相信
事主指自己有一點很重要，就是讓自己及店員都相信要兩款餸，自己要在適當時，提出要補錢加多一樣餸菜的要求：「通常喺繁忙時間裏面，對方都會因為咁突然嘅要求不知所措。」
網民大讚事主精明有網民看完都大讚事主精明：「高質post」、「果然係一個有歷練嘅人」、「好精明，計到盡」、「原來當中大有學問，哥真是三餸飯達人」。
更有人提供自己的攻略！
但亦有網民指事主做法太天真：「你試多幾次，阿姐就會記得你，到時再扮都無用」、「當你最後先提出第三餸要求，對方會叫你不如嗌埋第四餸，然後計你兩餸飯雙份」、「下次老闆收左錢，先到揀餸」、「原來叫餸都咁有學問嘅」。
