【日本FamilyMart】世上有一種便利店,叫做別人家的便利店⋯⋯冇錯,又有日本網友喺社交網絡上高度表揚FamilyMart嘅限定商品!即睇今次又有咩類型嘅商品被網友形容為「惡魔之味」!

撰文:C |圖片來源:Twitter

日本FamilyMart限定商品

1|濃厚背脂x味噌風味拉麵杯麵

由拉麵店Naritake監修,湯汁加入咗幾種種類嘅味噌及充分背脂,味噌湯湯汁非常濃厚!網友更表示,一眼見到就忍唔到手唔買。

2|珍珠烏龍奶茶味雪條

冰冷又軟糯嘅珍珠,加上混入咗烏龍茶粉香氣滿溢嘅奶茶雪條,濃縮成美味又富有咬口嘅珍珠烏龍奶茶味雪條!網友鍾意到甚至話每日都想食。而且因為係烏龍茶味,混有少許苦味,甜度剛好。

3|布丁味土耳其風軟綿拉絲雪糕

味道完完全全就係吉士布丁味!濃厚嘅吉士風味搖身一變成為雪糕,仲加入咗微苦嘅焦糖醬作為點綴。比起以前一般嘅布丁,更偏向帶點成熟風味嘅傳統口味。

4|水果茶

一共有3種種類,每款都有果肉,味道酸酸甜甜非常開胃,一杯有370g大容量,飽肚又好味。

下一頁:日本首間!TIFFANY & Co.概念店+café 4月19日登陸原宿

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡