【日本 廁所標誌】素來我哋都習慣用藍色代表男性、紅色代表女性,呢個亦係全球通用嘅社會意識。不過,最近有日本網民上載咗一張相,發現廁所標誌顏色,男廁變成紅色圖示,女廁則變成藍色圖示!惹來眾多日本網民猜測用意係咩,而背後原因竟然係因為咁!

撰文:C|資料來源:JCAST NEWS|圖片來源:Twitter

日本網民:想表達「先入為主係危險觀念」?

事件中嘅廁所為九州產業大學(福岡市)嘅藝術學部學生用大樓內。學生發現唔知點解標示男/女廁嘅表示板同圖案顏色互換咗,男廁用咗紅色,女廁則用咗藍色。

學生於是放相上Twitter表達困惑,一眾網民隨即嚇傻,並開始推理大學做呢件事嘅本意係咩。網民猜測校方在進行社會實驗、希望學生明白先入為主觀念非常危險、紅色代表女性係偏見、進行現代藝術⋯⋯等等憶測非常之多。

大學回應:變成咁係因為⋯⋯

九州產業大學嘅負責人稱,變成咁係因為被人私自改動,目的不明。大學方面於日本黃金周後嘅首個工作日先發現事件,現時已於受影響廁所前貼上貼紙緊急處理,並預計於5月中會回復正確標誌顏色。大學方面稱不會為事件報警。

下一頁:歐洲餐廳推出兒童尖叫稅|小朋友尖叫即加收15% 網民有讚有彈!

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡