Hello!大家暑假有冇諗住去邊度玩呀?我呢就去咗越南!講起今次去越南之旅,其實都幾有驚有險!事緣我到出發前一日,先訂好晒所以機票酒店,和最重要的,簽證!

出發前,我上網搵過下,如果去領事館整簽證,除咗要 3 個工作天外,仲要貴!於是我就投靠上網搵中介,再落地簽證。

越南所謂嘅落地簽證,其實係你要事先喺網上搵一間當地旅遊中介,幫你出一張Approval letter,然後,你就拎住張紙,喺到達越南機場嘅時候,再做落地簽證!情況同去台灣有少少唔同,千其唔好以為落地簽證係去到越南先開始整!

由於今次簽證超趕!所以我冇仔細研究各間網上簽證中介嘅分別,我只係揀咗間,符合我當時嘅需求,就係有得最快兩個鐘就拎到份Approval Letter嘅!

Step 1:搵旅遊中介,填資料及俾錢

我當時選擇的是http://cheapvietnamvisa.net/,一行 7 人,每位 USD22,佢有唔同收費,大家按個人需要逗留越南的日數、需要簽證的緊急度,去申請番張approval letter!

Step 2:等對方寄出Approval Letter

我當時就揀咗Half Day,估唔到好有效率地 3 個鐘後有得拎啦!(佢另外有兩個鐘呢個選擇,價錢會再貴啲)不過!!!D性別錯晒囉!結果又要重整過,第二日朝早成功拎到!我覺得越南人做嘢hea hea哋,建議大家穩陣起見,唔好學我預到咁忟水!

Step 3:印份approval letter出嚟,隨身帶住

記得Print out,香港地勤會check架,去到整落地簽證時,越南方面都會睇架!

Step 4:到埗後去Visa Application櫃位申請(主要都係俾錢)

當日我係凌晨先到,冇咩人等緊之餘,feel到工作人員都好似好想快快手整埋收工?最搞笑係,叫你名時會喺個螢幕放大你張相!

Step 5:等叫名+俾錢

有聽過人多最可能等成半個鐘不等,現場有個等叫名區,好貼心!大家見到,得果小貓 3、4 隻,我pat pat未坐暖張椅子,已經被叫名!俾埋每位 USD 25 嘅簽證費(stamp fee),咁就大功告成!一張簽證平過去領事館一半有多!

Finally:得咗!護照上面又多個印仔


集油空姐:

歡迎科勞我面書:https://www.facebook.com/facrewcollection/
唔爭在科勞埋我哎豬:https://www.instagram.com/fabeauty_sharing/


下一頁:【越南簽證QnA】解答申請簽證 3 大疑問

延伸閱讀:

中伏露臍哥!越南河內Airbnb試住報告

越南自由行:預訂當地團的體驗