有冇發現 東京outlets 總係百去不厭,無論同行旅伴係男女老幼,都一定買到啱心水嘅嘢! 東京近郊 有好多 outlets,以下精挑 3 大 東京outlets,包括全關東最大嘅酒酒井 Shisui Premium Outlets、離羽田機場僅 30 分鐘車程嘅木更津三井 Outlet Park,同埋可以遠眺 富士山 嘅御殿場 Gotemba Premium Outlets,即日起去其中 2 間濕平仲有折扣同獲贈特別禮品,記得預留1日嘅行程盡情血拼喇!

相片來源:新傳媒資料庫

01| 15 分鐘成田機場直達 全關東最大 Shisui Premium Outlets

自從酒酒井 Shisui Premium Outlets 早前完成第2期擴充後,佔地面積倍增,一躍成為全關東最大嘅 outlet 巨無霸!

超過 180 間國內外知名品牌雲集其中,62 個新增品牌中,有 10 個更加係首次進駐日本 outlets,包括近年大熱的山系 Chums、日本連鎖廚具家品店 212 Kitchen Store 等,加上交通便利,離東京市中心大約 50 分鐘車程,來往成田機場更加只需 15 分鐘,每日亦設有 36 班專車來回機場,晚機返港前作為掃貨最後1站行程最完美。

Shisui Premium Outlets
地址:千葉縣印旛郡酒酒井町飯積2-4-1
時間:10:00am-8:00pm(商店及food court)、11:00am-9:00pm(餐廳),視乎店舖而定
網址:www.premiumoutlets.co.jp
交通:東京站八重洲地下街 20 號出口直出,於 1 號巴士站乘直通巴士直達,車程約 50 分鐘,單程車票每人¥1,100/ HK$71
備註:巴士詳細時間表請瀏覽官網

至抵小貼士:

到達 Premium Outlets® 後,到服務台出示護照,就可以領取1份優惠券手冊,入面有好多 coupons 任你用;同埋用 Visa 卡購買商品滿 40,000円(含稅),仲可獲贈特別禮品呀!

02|主攻折扣名牌 木更津三井Outlet Park

同酒酒井 Shisui Premium Outlets 一樣以鄰近機場為賣點,木更津三井 Outlet Park 離羽田機場大約 30 分鐘車程,來往東京同新宿亦只需 45-55 分鐘車程。

值得一掃名牌包括平均 2-6 折嘅 TSUMORI CHISATO、日本限定副線 LANVIN en Bleu、前排大hit港女至愛嘅Le Creuset 等等,唔少店舖仲有免稅同遊客額外折扣優惠,記得帶護照喇!

木更津三井Outlet Park
地址:千葉縣木更津市中島 3-1-1
時間:10:00am-8:00pm(購物區)、10:30am-9:00pm(美食區)、11:00am-9:00pm(餐廳)視乎店舖而定,不定休
網址:www.31op.com/kisarazu
交通:東京站八重洲車口,過馬路於 2 號巴士站乘直通巴士直達,成人單程車費¥1,250/HK$81
備註:巴士詳細時間表請瀏覽官網

03|鄰近富士山  御殿場 Gotemba Premium Outlets

如果住新宿一帶,去御殿場嘅Gotemba Premium Outlets 都幾方便。呢度分成東、西兩區,坐擁超過 210 個國際同日本品牌,1線品牌尤其多。而且Outlets 就喺世界文化遺產富山士腳下,坐擁無敵富士山景觀,想同時近郊1日遊,去溫泉勝地箱根或富士急樂園亦不過 50 分鐘車程。

Gotemba Premium Outlets
地址:靜岡縣御殿場市深沢 1312
時間:(3-11 月)10:00am-8:00pm,(12 -2 月)10:00am-7:00pm,每年 2 月第 3 個星期四休息
網址:www.premiumoutlets.co.jp/gotemba
交通:新宿站西口高速巴士站乘直通巴士直達,車程 1.5 小時,成人來回車費¥2,880/HK$199
備註:巴士詳細時間表請瀏覽官網

至抵小貼士:

到達 Premium Outlets® 後,到服務台出示護照,就可以領取1份優惠券手冊,入面有好多 coupons 任你用;同埋用 Visa 卡購買商品滿 40,000円(含稅),仲可獲贈特別禮品呀!

鍾意喺日本血拼掃貨?剩係去 outlets 一定滿足唔到你嘅慾望喇,睇埋其他 shopping 好去處優惠啦: