【日本電車禮儀】日本呢個國家,無論喺咩情況、地方之下,都有大大小小嘅禮儀需要遵守。遊日旅客接觸得最多嘅,肯定有搭電車份!最近日本民營鐵道協會發表咗「車站及電車內的擾民行為排名」,「揹背囊」竟然係第一位!大家出遊時記得留意,唔好成為麻煩遊客喇!

撰文:C|圖片來源:Twitter

日本電車 Top 15擾民行為

第15位:於人多車廂內睇書(新聞、雜誌、書籍等等)

非繁忙時間就當然冇所謂啦!但係部分日本人認為,喺繁忙時間迫到唞唔到氣嘅電車中,打開書或報紙睇,係非常騷擾嘅行為!因為唔止要騰出空位隔距睇書,更會因電車搖晃而被書本撞到。

日本電車禮儀 有位坐都還好,要企嘅話,就要注意唔好整到人喇!
有位坐都還好,要企嘅話,就要注意唔好整到人喇!

日本電車禮儀 睇報紙所需嘅空間更大,最好喺月台讀完先上車!
睇報紙所需嘅空間更大,最好喺月台讀完先上車!

第14位:電子機器類的操作音(手機、遊戲機、電腦等等)

日本人對「安靜環境」非常嚴厲,最忌騷擾到其他人,按鍵時嘅「噠、噠」聲會令佢哋覺得好困擾!記得小心注意按鍵時發出嘅噪音喇!

日本電車禮儀 使用電腦打鍵盤時所發出嘅聲響最大,喺車上就盡量避免使用喇!
使用電腦打鍵盤時所發出嘅聲響最大,喺車上就盡量避免使用喇!

日本電車禮儀 女性指甲較長,容易因指甲敲打到手機屏幕而發出噪音。
女性指甲較長,容易因指甲敲打到手機屏幕而發出噪音。

第13位:優先座的禮儀

優先座同香港嘅「關愛座」一樣,係畀有需要人士優先使用,通常設於車卡嘅頭、尾兩端嘅3-4人席。唔少日本人都偏向避開優先席唔坐,雖然唔係唔坐得,但都係要留意番有冇需要讓座嘅人士啊!

日本電車禮儀 日本方面曾經出過張poster叫大家唔好「扮瞓、扮唔知」,情況同香港差唔多咁嚴厲呢⋯⋯
日本方面曾經出過張poster叫大家唔好「扮瞓、扮唔知」,情況同香港差唔多咁嚴厲呢⋯⋯

日本電車禮儀 記得坐還坐,唔好一人佔晒所有位!
記得坐還坐,唔好一人佔晒所有位!

第12位:在特定場所以外的地方吸煙

日本設有唔少「吸煙室」專畀吸煙人士使用,其他公眾場所都係禁煙嘅,需要使用嘅話,記得搵番呢啲專用室嚟用喇!

日本電車禮儀 車站月台上較少設有吸煙室,多數都設於站內出入口。
車站月台上較少設有吸煙室,多數都設於站內出入口。

日本電車禮儀 吸煙人士記得入閘後唔好隨處吸煙喇!
吸煙人士記得入閘後唔好隨處吸煙喇!

第11位:坐在電車地板上

即使唔係滿員電車,有時都難免搵唔到位坐,呢個時候就只能忍耐一下等空位啦!因為坐喺地板上不但不雅觀,更會阻礙到其他乘客走動。

日本電車禮儀 車內通道已經算唔上闊,再坐喺地上霸佔空間,係非常騷擾嘅行為!
車內通道已經算唔上闊,再坐喺地上霸佔空間,係非常騷擾嘅行為!

日本電車禮儀 成條通道塞住晒,連上、落車都好困難!
成條通道塞住晒,連上、落車都好困難!

第10位:於人多車廂內飲食

日本電車內其實並不禁止飲食,但係對於食味傳出嘅味道還是有點潛規則的。味道較強烈嘅食品,就要盡量避免於人多嘅列車上進食,因為味道會久持不散。

日本電車禮儀 就算車廂較空,都唔好大排筵席⋯⋯
就算車廂較空,都唔好大排筵席⋯⋯

日本電車禮儀 食麵等有湯嘅食物,亦應小心湯水外溢嘅機會呀!
食麵等有湯嘅食物,亦應小心湯水外溢嘅機會呀!

第9位:於車內放置垃圾、空罐

日本人對於環境乾淨嘅要求較高,所有食物飲品應該自攜離開,切勿弄髒環境!

日本電車禮儀 特別係一踢就瀉嘅飲品,更應小心保管到落車丟棄!
特別係一踢就瀉嘅飲品,更應小心保管到落車丟棄!

日本電車禮儀 食物包裝或飲品空罐等,記得要自己好好帶落車!勿留在車上!
食物包裝或飲品空罐等,記得要自己好好帶落車!勿留在車上!

第8位:在車內化妝

喺公眾場合下化妝,會被視為不禮貌嘅行為,想補妝或者搽唇膏都要到洗手間進行!因為化妝品嘅粉末等物料有機會散於空氣中而令人感到不適,而且有機會弄髒環境。

日本電車禮儀 女士應避免於電車車廂內化妝。
女士應避免於電車車廂內化妝。

日本電車禮儀 補妝都記得要等到落車先好補呀!
補妝都記得要等到落車先好補呀!

第7位:在醉酒狀態下乘車

酒醉時身體搖搖晃晃,唔單止容易整到人,更會有於車廂內嘔吐嘅危險!飲醉酒就最好唔好搭電車喇!

日本電車禮儀 醉酒搭車容易為他人帶來麻煩。
醉酒搭車容易為他人帶來麻煩。

日本電車禮儀 就算唔會嘔,坐到咁都一樣會令其他乘客覺得困擾⋯⋯
就算唔會嘔,坐到咁都一樣會令其他乘客覺得困擾⋯⋯

第6位:智能電話的使用方式

除咗傾電話,更包括於月台上邊行邊玩電話,唔睇路咁行好容易會撞親人,又或者阻礙他人去路!

日本電車禮儀 喺日本電車上係唔應該講電話嘅!
喺日本電車上係唔應該講電話嘅!

日本電車禮儀 手機要記得調校至靜音模式!
手機要記得調校至靜音模式!

第5位:耳筒漏音

噪音係日本人好介意嘅一環,太嘈會令人覺得你冇禮貌!即使聽歌,都記得要留意番音量會否太大而導致漏音!

日本電車禮儀 戴耳筒都唔代表其他人聽唔到你聽緊咩嘅!
戴耳筒都唔代表其他人聽唔到你聽緊咩嘅!

日本電車禮儀 上電車後,記得留意番音量,避免為他人造成困擾!
上電車後,記得留意番音量,避免為他人造成困擾!

第4位:上、下車時的禮儀

最緊要上車前排好隊,遵守先落後上嘅規矩,下車時要讓開,唔好阻塞門口通道!

日本電車禮儀 排隊上車係喺日本搭電車嘅基本禮儀!
排隊上車係喺日本搭電車嘅基本禮儀!

日本電車禮儀 而且記得唔好阻塞月台嘅樓梯通道!
而且記得唔好阻塞月台嘅樓梯通道!

第3位:座席的坐法

合攏雙腿,呈90度直角坐直,腿不向外伸出,保持足夠空間予其他電車使用人士!

日本電車禮儀 即使係男性都唔應該「大字形」咁坐!會霸佔過多座位而令其他人無法坐下。
即使係男性都唔應該「大字形」咁坐!會霸佔過多座位而令其他人無法坐下。

日本電車禮儀 雙腿交疊都係令人非常困擾嘅一種坐法,容易整到人!
雙腿交疊都係令人非常困擾嘅一種坐法,容易整到人!

第2位:嘈吵的談話聲、玩樂

都係嗰句,記得保持安靜環境!要傾偈嘅,就記得降低聲量。

日本電車禮儀 高聲談話係電車禮儀嘅大忌!
高聲談話係電車禮儀嘅大忌!

日本電車禮儀 喺車上傾偈時,記得要細聲講細聲笑啊!
喺車上傾偈時,記得要細聲講細聲笑啊!

第1位:隨身物品的拿法、放置方法

日本近年有款專門面向打工一族嘅背囊非常受歡迎,令揹背囊返工嘅人急速增加。但電車行駛時難免搖晃,令唔少人被背囊撞到而覺得困擾。並認為上車後應將背囊掉轉揹,放於胸前,避免撞到後方嘅人。

日本電車禮儀 用隨身物品霸佔座位都係非常令人討厭嘅行為!
用隨身物品霸佔座位都係非常令人討厭嘅行為!

日本電車禮儀 分分鐘一個唔覺意就會整親人!
分分鐘一個唔覺意就會整親人!