Do姐再Shopping》去完日本去丹麥,一連5集已經播放完畢,又係時候回顧下本周笑彈!今次丹麥搵嚟天然呆馬國明,去咗行丹麥街市、家具店shopping,再去食平價米芝蓮,又喺哥本哈根踩單車,Do姐唔使獨對農夫仲有靚仔馬明陪,立即成個人開心晒,集集都同馬明放閃!

文:Cynthia|圖:TVB

《Do姐再Shopping》 爆笑金句+片段篇

今次丹麥之旅,笑點在於睇馬明如何瘋狂擦鞋!馬國明已經係第二次加入「Do姐shopping團」,唔好睇馬明平時好似好呆滯,其實就口甜舌滑哄到Do姐勁開心,農夫都唔執輸,執馬明口水尾力讚Do姐,點知同一句說話都被Do姐嫌棄,認真慘慘豬!

爆笑位1:「餓刀」唔使「拔」

丹麥篇第二集Do姐帶隊去當地街市行街,其中一間賣刀專門店吸引咗佢哋嘅注意,大家仲瘋狂玩食字!C君首先大讚丹麥人個個出街都會攞把刀,個個都係「周身刀」,仲話要買番把刀哄番Do姐,兼且話要買把「although」(餓刀),因為唔使「but」(拔)就可以用到,激到Do姐話佢「烏喱單刀」。

爆笑位2:Do姐四川西人講「燻煙」

Do姐在丹麥又展示自己千杯不醉的功力,飲麻辣味手工啤時,大爆自己其實係四川人,搞到一直以為佢係「西人」嘅農夫都嚇咗一嚇,Do姐仲將「煙燻」講成「燻煙」,果然四川西人嘅文法,係與別不同。

https://www.facebook.com/orientalsundayhk/videos/1580598675311219/

爆笑位3:Do姐冇生理需要

在日本時,農夫非常關心Do姐鈣質問題,來到丹麥就關心埋Do姐有冇生理需要!陸永本身想賣口乖話Do姐唔使飲養生茶,點知自己兜極都兜唔番,一時又話Do姐冇生,一時又話佢冇生理需要,睇嚟陸永對住馬明呢個擦鞋高手,緊張到發揮唔到!

爆笑位4:馬明瘋狂擦鞋 Do姐冧爆

全盛時期嘅Do姐,一集節目可以被馬明讚幾多次?答案係數都數唔晒!又大讚Do姐臉上冇紋,一有機會就讚佢靚,Do姐講咩都一秒就表示認同,咁識做,唔知係咪被心穎BB train到口甜舌滑呢?

爆笑位5:Do姐寵幸馬明 毒舌批農夫

Do姐嘅差別待遇真係集集都好明顯,一有機會就大讚馬明,問佢係咪食聰明丸大,又話農夫食臭丸大,不過睇睇農夫,食嘢都可以食到咁樣衰,又真係爭唔落嘅!

不過最慘都係農夫每次答啱問題,Do姐都扮聽唔到,馬明答一模一樣就即刻大讚,好過分!

馬明每次都執農夫口水尾搶答題,陸永就諗住特登答錯跣馬明,將armrest嘅解釋講成義肢,點知馬明又唔上當,超級好笑!

爆笑位6:擦鞋唔成功 農夫醋意極濃

擦鞋擦唔贏馬國明,農夫於是不時老屈馬明,話馬明擦鞋精,仲係咁提馬明嘅BB,希望可以吸引番Do姐嘅注意。結果係點?當然完全唔成功啦!

講到馬明BB,大家都知係黃心穎,馬明被問到完全唔識答不停傻笑,心諗:「大佬,劇本唔係咁寫㗎喎!」

爆笑位7:農夫轉擦「明哥」鞋

擦唔到Do姐鞋,農夫就惟有轉移目標,黐實馬明擦佢鞋,仲尊稱佢為「明哥」,C君仲FF Do姐聽到會呷醋,但好可惜,完全冇!

爆笑位8:失寵農夫 扮慘求注意

喺節目入面,農夫擦鞋完全唔夠馬明嚟,雖然都有努力試下讚Do姐,但只要佢哋一開口,Do姐就躁到好似更年期咁,依然失寵冇獲得任何注意,惟有扮慘睇下會唔會多兩個鏡頭啦!

 

農夫每次讚咗Do姐兩句,又忍唔住不停暗串Do姐,一啲都唔真心,唔怪得Do姐唔錫佢哋㗎喎!

但最慘係無論農夫跳海、風濕定腳痛,Do姐都係望都唔望多眼!就算係show英文都完全冇用。不過C君呢種英文,唔知係唔係向Janice Man學嘅呢?

爆笑位9:Do姐阿Bob上身 狂搞爛gags

唔知係唔係近得農夫多,Do姐去到丹麥都開始瘋狂搞爛gags,不停食字!又話知自己唔適合「韓嘢」,因為係「涼底」,唔通係還擊陸永喺富良野唔食「涼嘢」?

爆笑位10:一句「以為」玩足半集

丹麥站一開始,4個主持就玩「以為」呢兩個字,玩足大半集,Do姐一話:「唔好以為⋯⋯」農夫就一秒反駁冇以為,得馬明扮蠢撐Do姐,果然識做!

「以為」片段:

【冇人以為喎】《Do姐再Shopping》,今個星期由Do姐農夫拍住馬明遊丹麥,四個人單靠一句「以為」就玩咗勁耐!另外馬明全集被Do姐不停稱讚,將農夫比下去,靚仔真著數!

Posted by Channel May on Tuesday, December 5, 2017

冇出街花絮1:馬明碌腸被嫌短

丹麥街頭Do姐萬歲食熱狗,馬國明攞到超開心,點知被隨團髮型師笑:「我碌腸仲長過你嗰碌!」馬明突然之間被嫌腸短,係咁話「好down」,農夫就幫下口:「話晒人哋都係男一。」差啲就要街頭比拼!

冇出街花絮2:TVBuddy係Do姐扮㗎!

去到哥本哈根冇食過「Open Sandwich」,就等於冇去過,馬明口甜地話,就好似去到TVB,但冇見到Do姐咁。但原來見Do姐都唔係一件難事,陸永大爆,原來門口個TVBuddy係由Do姐扮㗎!個公仔一拆開就係Do姐,不過大家就唔好真係去拆呀,畀Do姐休息下啦!

冇出街花絮3:C君媾女 冷落Do姐

去到丹麥街市試食甘草製品,點知C君係咁傻笑,原來佢掛住揀靚女店員,仲要店員餵食果醬,開心到連匙羹都跌埋,搞到Do姐係咁話佢發神經!

冇出街花絮4:畫瓷碟 陸永Do姐互踩

一直都以為Do姐好有藝術天分,點知去到丹麥畫瓷碟,就不停被陸永恥笑,Do姐就話陸永畫到好似「茄」(屎)咁,點知一睇Do姐成品,就令陸永回憶起教科書見過的「金黃葡萄球菌」!C君就被讚畫得最好,見陸永好想買,就話:「唔使買,會燒畀你!」果然夠兄弟!

4大刪剪片段:

仲未笑夠?一於睇埋原片,分分鐘好笑過節目本身!仲有好多電視未曝光片段在Big Big Channel獨家首發,記得緊貼收睇!去片:

《Do姐萬歲請食熱狗》

《Do姐萬歲食熱狗》

《Do姐萬歲食熱狗》Do姐帶住農夫同馬明去到丹麥,除左shopping 同shooting,行過當地周街都有嘅熱狗車,就話要萬歲請大家食Hot Dog。慘豬係馬明被隨團髮型師話碌「腸」唔夠佢長!髮型師你好大膽呀下…..快啲上myTV SUPER重溫【Do姐再shopping】更多電視未曝光片段在big big channel獨家首發,記得緊貼收睇!播出日期:今晚起逢星期一至五晚上10:30翡翠台#Do姐 #鄭裕玲 #農夫 #C君 #陸永 #黃翠如 #馬國明 #蕭正楠 #日本 #丹麥 #意大利 #Do姐再shopping————————————————Like + Follow = 緊貼 TVB 各劇集及藝員動態!Facebook: https://www.facebook.com/tvbcom Youtube : https://www.youtube.com/user/tvb Sina Weibo: http://weibo.com/tvbcomInstagram: http://www.instagram.com/tvbcomhkTwitter: http://www.twitter.com/tvbcomTencent Weibo: http://t.qq.com/tvbcomhk

Posted by TVB on Thursday, December 7, 2017

《開放的三文治》

《電視未曝光片段.睇喇喂!》開放三文治篇

《電視未曝光片段.睇喇喂!》開放三文治篇Do姐帶住農夫同馬明去到丹麥,一場嚟到就梗係要試下當地最出名嘅Open Sandwich啦!呢種中世紀時開始喺丹麥盛行嘅食物,發展到今日,已經成為未食過等如未嚟過哥本哈根一樣。快啲上myTV SUPER重溫,當然明晚要繼續追【Do姐再shopping】丹麥篇播出日期:今晚起逢星期一至五晚上10:30翡翠台#Do姐 #鄭裕玲 #農夫 #C君 #陸永 #黃翠如 #馬國明 #蕭正楠 #日本 #丹麥 #意大利 #Do姐再shopping————————————————Like + Follow = 緊貼 TVB 各劇集及藝員動態!Facebook: https://www.facebook.com/tvbcom Youtube : https://www.youtube.com/user/tvb Sina Weibo: http://weibo.com/tvbcomInstagram: http://www.instagram.com/tvbcomhkTwitter: http://www.twitter.com/tvbcomTencent Weibo: http://t.qq.com/tvbcomhk

Posted by TVB on Wednesday, December 6, 2017

《街市狂擦鞋》

【電視未曝光片段.睇喇喂!】街市篇

【電視未曝光片段.睇喇喂!】街市篇Do姐今集就帶大家行哥本哈根最大嘅街市,呢度唔單止有丹麥本土嘢,仲有嚟自北歐嘅土產,佢地除左去睇刀、酒同埋護膚品之外,仲去左呢間賣Bornholm產品嘅雜貨店,試下北歐人最鍾意食嘅甘草。C君一路食一路笑,激到Do姐死死下,原來係掛住撩女仔快啲上myTV SUPER重溫,當然明晚要繼續追【Do姐再shopping】丹麥篇播出日期:今晚起逢星期一至五晚上10:30翡翠台#Do姐 #鄭裕玲 #農夫 #C君 #陸永 #黃翠如 #馬國明 #蕭正楠 #日本 #丹麥 #意大利 #Do姐再shopping————————————————Like + Follow = 緊貼 TVB 各劇集及藝員動態!Facebook: https://www.facebook.com/tvbcom Youtube : https://www.youtube.com/user/tvb Sina Weibo: http://weibo.com/tvbcomInstagram: http://www.instagram.com/tvbcomhkTwitter: http://www.twitter.com/tvbcomTencent Weibo: http://t.qq.com/tvbcomhk

Posted by TVB on Tuesday, December 5, 2017

《畫瓷碟》

《電視未曝光片段.睇喇喂!》手繪瓷器篇

《電視未曝光片段.睇喇喂!》手繪瓷器篇啱啱睇Do姐喺丹麥點樣Shop like a Queen,馬明王子係咪好靚仔呢!今集一行人去皇家御用瓷具店睇左好多手工精妙嘅作品,其實佢地仲有大顯身手,跟住首席畫師學手繪瓷器,估唔到一向樣樣皆精嘅Do姐都有遇到失手嘅時候,咁究竟邊個畫得最好呢?快啲上myTV SUPER重溫,當然明晚要繼續追【Do姐再shopping】丹麥篇播出日期:今晚起逢星期一至五晚上10:30翡翠台#Do姐 #鄭裕玲 #農夫 #C君 #陸永 #黃翠如 #馬國明 #蕭正楠 #日本 #丹麥 #意大利 # Do姐再shopping

Posted by TVB on Monday, December 4, 2017

延伸閱讀:《Do姐再Shopping》刪減片段曝光:10大爆笑金句回顧+幕後花絮