2015年,Do姐鄭裕玲夥拍農夫帶團去英、法、澳shopping,擦出火花笑爆嘴,事隔2年,Do姐又去shopping喇!今次再度同農夫合作,主持15集《Do姐再Shopping》,監製大爆兩個嘩鬼全程激死Do姐,集集勁多金句,一於率先睇下今輯Do姐又買咗啲咩啦!

文:Cynthia|圖:TVB、眾星Ig、新傳媒資料室

《Do姐再Shopping》女王出巡路線

今輯節目一共有15集,每5集去一個地方,分別有3個嘉賓同行,首5集先同黃翠如去日本,再夾馬國明去丹麥,最後再同蕭正楠去意大利,每個地方去咗15-16日,只係播得嗰5集,集集都係精華,唔可以錯過!

3人喪玩高卡車 陸永變身賽車女郎

今集一開始,Do姐同翠如、農夫喺東京街頭大玩Mario Kart,仲要著晒和式裝束玩!雖然高卡車年幾前已經有,唔算新鮮事,但Do姐一句:「我就係要玩啊!點啊?」監製都冇得唔畀佢玩啦!

Do姐、翠如、C君童心未泯玩到喪,點解陸永唔玩?原來佢係冇車牌㗎!冇得玩就只好做啦啦隊,成個賽車女郎咁,幫佢哋打氣!

Maricar
地址:東京都品川區北品川1-23-15
營業時間:10:00am-10:00pm
網址:maricar.jp 

慳家Do姐 狂掃和服

好多人都覺得東京物價高,好難買到又靚又抵的產品。識買好嘢又慳家的Do姐,今集係跳蚤市場大掃平、靚、正衣物,好有收穫!

第一集佢哋去到位於東京國際會館1樓地面廣場的大江戶古董市,作為日本最大的跳蚤市場,有大量二手牛仔牌、和服,以及特色古玩等等,Do姐大讚抵到可以硬幣就買到,加上衣物擺放得整齊,非常划算!

 

跳蚤市場只在每個星期的六、日,不定期舉行,想去體驗一下日本的二手市場,記得要先在官網查看舉行日期,不然就會撲空!

大江戶骨董市
地址:東京都千代田區丸之內3-5-1 東京國際會館1樓地面廣場
網站:www.antique-market.jp/

蜘蛛Do姐大戰拱橋農夫

今集仲去咗東京最大的「MORIPARK Outdoor Village」!呢個outlet一次過集齊好多出名嘅行山品牌,包括A&F COUNTRY、Columbia、MOUNTAIN HARD WEAR等等,戶外活動發燒友一定會行勁耐!

佢哋就一齊揀款式多又colorful的行山、急救用品等,當中有可以用來驅趕黑熊的鈴鐺,就被農夫稱為「鄭裕鈴鈴」,以後行山帶埋「鄭裕鈴鈴」去,就冇有怕啦!

 

「MORIPARK Outdoor Village」最特別嘅地方,就是有攀石、瑜伽同跑步場等運動設施、裝備,一向鍾意做運動嘅Do姐即時露番兩手,化身「Spider-woman」攀石,陸永大讚Do姐:「毅力冇得彈,生命力等同曱甴!」

監製透露,本身Do姐係想挑戰戶外有8層高的攀石場,可惜拍攝當日落雨,只能轉戰室內場,室內石壁相比之下雖然冇咁高,但更加斜!Do姐力捱爬到最高,可惜差少少先可以登頂,但已經好令人佩服!

一向冇咩運動細胞嘅翠如,鬼咁快就失敗,惟有一齊欣賞下Do姐嘅英姿啦!

 

至於農夫二人就挑戰瑜伽,本來以為佢哋「條筋會硬過Do姐條命」,但估唔到陸永可以成功做到拱橋、頭倒立等動作,仲被大讚有潛質!

MORIPARK Outdoor Village
地點:東京都昭島市田中町610-4
營業時間:星期一、二、四、五:11:00am-8:00pm、星期六、日:10:00am-8:00pm
網址:http://outdoorvillage.tokyo/

最大shopping mall

講明係去shopping,點會冇東京最大shopping mall 呢?Do姐帶大家睇睇100% made in Japan 的產品,仲不停互屈買嘢!