「祝閣下旅途愉快」,這句耳熟能詳的說話其實不但只應用於飛機上的乘客身上,不少空姐空少都希望自己在「旅途」上能「安心地過」,更提出5大機上禁忌,願港人別「好心做壞事」,指「以為自己好有手尾,其實係幫倒忙,仲麻煩咗」!

搭飛機5大好心做壞事行為 空少:咪閂行李門

01.上機放完行李後 唔好閂行李櫃

有網友表示自己在特定情況下才會閂行李櫃「行李櫃滿左嘅話,閂埋佢會好啲,可以防止啲野跌出黎整到其他人,如果行李櫃開幾次就爛,咁架飛機應該要攞去維修 」但正常情況下有空少解釋乘客上機後放好行李後坐好就可以了,空中服務員會一次性閂好,因為如果行李擺放不當,有機會下機時開不到要用蠻力打開到會拉傷背部。

飛機
空中服務員通常在起飛前會一次性關好行李櫃 (示意圖,非當事人)(圖片來源:電影《中國機長》劇照)

02. 落機時 唔好閂行李櫃

有部份乘客落機後時取回行李後,也會順手將行李櫃門關上。事實上當所有乘客落機後,空姐空少是需要打開全部嘅櫃門檢查一次,確認機上無乘客遺留物品。所以拎完行李後,乘客大可以放心落機,不用關上行李櫃門。

飛機
如果你想幫手閂櫃門,未起飛之前你見到行李櫃滿咗,我哋都會好樂意你順手閂一閂嘅! (示意圖,非當事人)(圖片來源:GOtrip編輯部)

03.用膳後 切忌飛機餐嘅碟仔疊高

有可能因為受小時候的飲食文化影響,在酒樓、茶記用膳期間會慣性順便將吃完的碟整理疊高,以為會好方便其他人收拾,但原來在飛機上是屬於多此一舉。事關飛機上面空姐會用餐車收拾,但餐車內置層隔放置餐,如果疊得高的話,會令到餐盤堆疊,要花多一步整理。

飛機
所以食完之後,其實唔需要刻意再執盤入面嘅嘢,空姐點樣畀你,你就點樣畀番空姐就得喇!(圖片來源:GOtrip編輯部)

飛機
如果想睇落去冇咁雜亂,可以學日本乘客咁,張開餐巾鋪喺上面都得。 (示意圖,非當事人)圖片來源:GOtrip編輯部)

04.自己「有手尾」收餐盤入廚房

空少亦描述有乘客會好心,將用膳過後餐盤放進廚房,但此舉對空中服務員來說是吃力不討好。因為飛機上的人手未必充足,坐前排的客人用膳過後,空姐空少仍在派發餐點給最後的乘客,未能馬上回來整理餐盤入廚房。

另一個情況就是儘管人手充足,但乘客堅持自己放餐盤到廚房,變相需要分配人手收拾乘客拿進來的用具,大大延遲空姐空少出去客艙收餐嘅時間。如果有特別要求,例如想用洗手間或者需要用枱,都可以提早少少讓空姐空少回收餐盤。

飛機
亦都會有乘客會超好手尾,將食好嘅餐盤拎埋入廚房(圖片來源:GOtrip編輯部)

飛機
其實諗番空姐空少點樣都會推架車出嚟,一定會經過所有乘客坐過嘅位置,自己攞番個盤畀佢哋都唔會幫到佢哋行少咗。 (示意圖,非當事人)(圖片來源:GOtrip編輯部)

05.自行斟熱飲

有乘客會唔想麻煩到空姐空少,甚至會自己去斟熱飲,但其實此舉十分危險 !

有空少分享有時乘客經過廚房見到熱飲機,就會順手self-service。但基於飛行安全考量,熱飲應該由空中服務員在乘客嘅座位上提供嘅。好多時乘客喺廚房叫完熱茶、咖啡或者熱水,都會說自己拿回去或在喺廚房飲用。對此空姐空少回應說:「唔緊要,你返埋位先,我等陣會攞去你個位度喇!」原因是萬一乘客在拿熱飲期間發生意外,又或者突然遇上氣流,有機會小心燙傷自己或其他人也是不想見到的。

飛機
嗰樣嘢就係熱飲喇!(圖片來源:GOtrip編輯部)

飛機
同埋,如果手上攞住熱飲就千祈唔好帶住你杯熱飲離開座位喇!如果你坐得太耐唔想咁快坐番埋位,不妨考慮下叫住凍飲先。 (示意圖,非當事人)(圖片來源:GOtrip編輯部)

空姐空少:希望旅途客人開心享受服務就可以

時不時都會遇到有好心的客人,他們會說經過性看見某航空公司秘密網,明白航空業有辛苦或難做的地方,所以不想麻煩同事。其實乘客有這份心意,作為空中服務員已經好感動,不過我們在工作期間也會做好本份,照顧乘客需要是分內事,如果真的有需要,相信專業的同事不會嫌麻煩。

飛機
空少話照顧乘客需要係分內事,有咩出聲就得 (示意圖,非當事人)(圖片來源:電影《開心直航》截圖)

網民:搭飛機又唔係去食自助餐

不過有一樣咁好手尾嘅網民就表示:「可能平時慣咁手勢食完飯會疊返好,唔知其他地方嘅人會唔會都係咁呢?」 、「閂行李櫃係因為身高生得太高,唔閂埋會撞到頭,又會好逼所以先幫手」。亦有網民話:「我太矮了,唔夠高閂返埋個櫃」、「見到佢哋送餐用餐車啲隔間咁窄所以就無疊返啲兜仔,即使平時出去食飯會咁做」、「自己去廚房太過份啦,搭飛機又唔係去食自助餐」、「淥親隻手會上級人問話,唔好搞到人哋俾人投訴!」

上機放行李後行李櫃關定唔關好?

唔少人上機放完行李都會閂返個行李櫃,但後面上嘅客未必會知,所以又會click返開先發現滿哂。所以…詳情請看

坐飛機用完餐後,有什麼需注意?

有乘客會超好手尾,將食好嘅餐盤拎埋入廚房,但其實…詳情請看

圖片來源:GOtrip編輯部、電影《中國機長》劇照、電影《開心直航》截圖