雖然已經踏入冬季,但香港仍然係忽冷忽熱,日本方面今年嘅降雪情況都唔係好理想,雖然札幌已經開始有積雪,但好多滑雪場都因為唔夠雪而被迫延期開場。不過最近喺大阪就有兩個好可愛嘅雪人出現,明明大阪宜家連雪都冇落過一粒,點解會有雪人出現?

原來呢兩個雪人喺大阪Grand Front Osaka商場為咗推廣佢哋入面嘅店舖而設計出嚟嘅人物,右手邊男嘅係SUNOO君,左手邊就係SUNOMI小姐。

 

1. 「梅田Snowman Festival」   Cute爆雪人逐個捉!

工作人員仲幫佢哋度咗個浪漫嘅愛情故事!故事一開始就見到SUNOO君好認真咁喺公司做嘢,認真工作嘅雪人真係好吸引啊!原來佢正努力為11月21日到12月25日舉行嘅「梅田Snowman Festival」做準備,呢個活動已經去到第九屆啦!期間喺梅田區會出現好多唔同造型嘅雪人,大家仲可以投選你最鍾意嘅雪人添!另外仲有好多唔同類型嘅活動,包括多場嘅音樂表演,去大阪玩嘅朋友千祈唔好錯過啊!

活動期間:11月21日到12月25日
活動詳情:http://umeda-connect.jp/special/vol16/

 

SUNOO君之後就去咗活動舉行opening嘅場地做視察,呢個時候,一個擁有如白雪一樣肌膚嘅女性喺佢面前經過!「有咩可以幫到你?」SUNOO君好勇敢咁走上同對方搭訕,知道對方叫SUNOMI之後,仲成功拎埋電話添!

2. Tea一Tea 聖誕朱古力特飲暖入心!

第二日,SUNOO君同同事喺休息期間去到公司附近嘅一間cafe傾心事,呢間cafe嘅坐位雖然喺室外,但因為有暖爐所以一啲唔凍架,SUNOO君仲覺得熱到有D想溶添(笑)!呢間cafe喺11月21日~12月25日期間仲有聖誕朱古力特飲,好吸引啊!講返正題先,男人之間唔係講錢就講女人,同事鼓勵佢主動約女方出嚟,SUNOO君都好想,但又怕對方會拒絕,SUNOO君,加油啊!

餐廳:GARB MONAQUE
地址:大阪うめきた広場1F
聖誕朱古力特飲售賣期間:11月21日~12月25日

 

下一頁:究竟SUNOO君會唔會過Lonely Christmas?

 

3. 女生必點!草莓Shortcake勁可愛

經過一晚嘅掙扎,SUNOO君終於都send咗個message去邀請對方一齊食飯啦!仲即刻得到回覆話OK添!收到呢個令人咁興奮嘅回覆之後,SUNOO君決定去附近嘅La Terrasse Cafe et dessert等自己平靜落嚟,順便諗下之後應該點繼續同對方保持聯絡。SUNOO君,食返個期間限定嘅草莓Shortcake,話唔定會諗到喎!

餐廳:La Terrasse Cafe et dessert
地址:大阪うめきた広場 B1F
草莓Shortcake售賣期間:11月21日~12月25日

 

4. 大阪食乜好?一站式搵食指南幫到手

成功約到對方食飯,揀嘅餐廳一定唔可以馬虎!於是SUNOO君決定向專為外國人同旅客而設嘅餐飲詢問處ぐるなび(KURUNABI)進發!呢度除咗有大量嘅餐廳資料,職員仲可以因應你嘅要求推薦最適合你嘅餐廳,揀啱心水餐廳之後仲可以叫職員幫你預約添!咁方便,以後都唔怕搵唔到好嘢食啦!

搵食好幫手:ぐるなび(KURUNABI)
地址:大阪うめきた広場

5. 今季時裝興咩款?型男索女必逛

第一次約會,第一印象好緊要架!SUNOO君就趁lunch去咗附近嘅時裝店YEVS買套戰衣。呢間時裝店風格偏向自然簡約,大方得體嘅造型相信可以得到SUNOMI小姐嘅歡心喎!

地址:Grand Front Osaka 北館1F
店舖官網:http://store.yevs.jp/

 

6. 約會前做足準備!美甲店幫到你

唔止男嘅緊張,其實SUNOMI小姐都好緊張今次嘅約會架!佢決定由對手開始,去到商場嘅美甲店NAILS UNIQUE ULTIMID US幫對手做個Massage先!修好甲,揸埋靚靚指甲油,按摩完之後對手滑一滑,就算拖手都⋯⋯啊!好似諗太遠啦SUNOMI小姐!

地址:Grand Front Osaka南館B1F
店舖官網:https://www.nailsunique.co.jp/

 

究竟佢哋兩個第一次約會成唔成功?相信大家都好緊張想知,佢哋故事仲繼續緊,主辦單位仲話唔排除遲啲會安排兩位雪人主角同大家見面添!嚟緊會去大阪嘅朋友不妨跟住雪人去玩去食,相信都會係一個幾特別嘅行程!而想知道兩個雪人之後嘅發展就要留意Grand Front Osaka嘅Facebook啦!

 

延伸閱讀:

【大阪最強】日本票選大阪最具人氣9大燈飾

【日本甜入心】塞爆甜品胃 5款聖誕限定甜品!

【日本】《 星戰》關西機場特快登場!回顧2015年4款必坐主題列車

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡

大阪有什麼好去處及景點推介?

大阪自由行必去這些景點,當中包括USJ大阪環球影城,即睇USJ門票及交通攻略。然而,去旅行怎可忽視美食部分?必到這些人氣美食餐廳,當中更有蟹宴放題平價米芝蓮餐廳之選。另外,不得不到溫泉旅館/按摩店溫泉主題樂園全新門真大型三井Outlet商場臨空城OUTLET。準備到日本賞櫻花的大家,可預先一看日本櫻花花期預測